diljit dosanjh new album intro : ਪੰਜਾਬੀ ਤੇ ਬਾਲੀਵੁੱਡ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਦਿਲਜੀਤ ਦੋਸਾਂਝ ਅਕਸਰ ਹੀ ਸੁਰਖੀਆਂ ਦੇ ਵਿੱਚ ਰਹਿੰਦੇ ਹਨ। ਪ੍ਰਸ਼ੰਸਕਾਂ ਦਾ ਉਹਨਾਂ ਨਾਲ ਖਾਸ ਪਿਆਰ ਹੈ। ਦਸਣਯੋਗ ਹੈ ਕਿ ਅੱਜਕਲ੍ਹ ਉਹ ਆਪਣੀ ਐਲਬਮ ‘ ਮੂਨ ਚਾਈਲਡ ਏਰਾ ‘ ਨੂੰ ਲੈ ਕੇ ਕਾਫੀ ਚਰਚਾ ਦੇ ਵਿੱਚ ਹਨ। ਜਿਸਦੇ ਚਲਦੇ ਇਸ ਮਿਊਜ਼ਿਕ ਐਲਬਮ ਦੀ The Chosen One (Intro) ਰਿਲੀਜ਼ ਹੋ ਚੁਕੀ ਹੈ।
ਇਸ ਵੀਡੀਓ ਦੇ ਵਿੱਚ ਦਿਲਜੀਤ ਦੋਸਾਂਝ ਇੰਗਲਿਸ਼ ਦੇ ਵਿੱਚ ਬੋਲਦੇ ਹੋਏ ਨਜ਼ਰ ਆ ਰਹੇ ਹਨ ਤੇ ਪੰਜਾਬੀ ਦੇ ਵਿੱਚ ਸਬ ਟਾਈਟਲ ਚੱਲ ਰਹੇ ਹਨ। ਇਸ ਇੰਟਰੋ ਨੂੰ ਦੇਖ ਕੇ ਇੱਕ ਸਕੂਨ ਮਿਲਦਾ ਹੈ। ਇਸ ਵੀਡੀਓ ਨੂੰ ਪ੍ਰਸ਼ੰਸਕਾਂ ਦੇ ਵਲੋਂ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ ਤੇ ਵੱਡੀ ਗਿਣਤੀ ਦੇ ਵਿੱਚ ਹੁਣ ਤੱਕ ਲੋਕ ਇਸ ਨੂੰ ਦੇਖ ਚੁਕੇ ਹਨ। ਇਸ ਮਿਊਜ਼ਿਕ ਐਲਬਮ ਦੇ ਵਿੱਚ ਦਿਲਜੀਤ ਦੋਸਾਂਝ ਦੇ ਨਾਲ ਸੰਗੀਤ ਨਿਰਮਾਤਾ ਇੰਟੈਂਸ ਮਿਊਜ਼ਿਕ ਤੇ ਗੀਤਕਾਰ ਰਾਜ ਰਣਜੋਧ ਵੀ ਹੋਣਗੇ।
ਪੂਰੀ ਉਮੀਦ ਹੈ ਕਿ ਇਹ ਐਲਬਮ ਨੂੰ ਪ੍ਰਸ਼ੰਸਕਾਂ ਵਲੋਂ ਪਿਆਰ ਮਿਲੇਗਾ। ਇਹ ਐਲਬਮ 22 ਅਗਸਤ ਨੂੰ ਰਿਲੀਜ਼ ਹੋਵੇਗੀ।ਦੱਸਣਯੋਗ ਹੈ ਕਿ ਦਿਲਜੀਤ ਦੋਸਾਂਝ ਲੰਬੇ ਸਮੇ ਤੋਂ ਗਾਇਕੀ ਦੇ ਨਾਲ ਜੁੜੇ ਹੋਏ ਹਨ। ਚੰਗੇ ਗਾਇਕ ਹੋਣ ਦੇ ਨਾਲ ਨਾਲ ਉਹ ਚੰਗੇ ਅਦਾਕਾਰ ਵੀ ਹਨ। ਜਿਹਨਾਂ ਨੇ ਆਪਣੀ ਮਿਹਨਤ ਸਦਕਾ ਹੁਣ ਬਾਲੀਵੁੱਡ ਦੇ ਵਿੱਚ ਵੀ ਆਪਣੀ ਵੱਖਰੀ ਪਹਿਚਾਣ ਬਣਾ ਲਈ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਦਿਲਜੀਤ ਦੇ ਬਾਕੀ ਗੀਤਾਂ ਦੇ ਵਾਂਗ ਪ੍ਰਸ਼ੰਸਕ ਇਸ ਐਲਬਮ ਨੂੰ ਕਿੰਨਾ ਪਿਆਰ ਦਿੰਦੇ ਹਨ।
