Food for hungry truck : ਪੂਰੇ ਦੇਸ਼ ਦੇ ਅੰਨਦਾਤਾ ਆਪਣੇ ਚੱਲ ਰਹੇ ਅੰਦੋਲਨ ਦੌਰਾਨ ਵੀ ਆਪਣਾ ਦੇਸ਼ ਵਾਸੀਆਂ ਨੂੰ ਅੰਨ ਦੇਣ ਦੇ ਆਪਣੇ ਫਰਜ਼ ਤੋਂ ਨਹੀਂ ਖੁੰਝ ਰਹੇ ਹਨ। ਜਿਥੇ ਕਿਸਾਨਾਂ ਦਾ ਬੈਰੀਕੇਡ ਤੋੜਨ ਦੇ ਨਾਲ ਪੁਲਿਸ ਦੇ ਨਾਲ ਝੜਪ ਦਾ ਜ਼ਬਰਦਸਤ ਨਜ਼ਾਰਾ ਦੇਖਣ ਨੂੰ ਮਿਲਿਆ। ਉਥੇ ਹੀ ਟਰੱਕ ਡਰਾਈਵਰਾਂ ਦੀ ਮਦਦ ਕਰਨ ਲਈ ਖੂਬ ਦਰਿਆਦਿਲੀ ਦਿਖਾ ਰਹੇ ਹਨ। ਜਿਥੇ ਕਿਸਾਨ ਆਪਣੇ ਲਈ ਖਾਣਾ ਬਣਾ ਰਹੇ ਹਨ। ਇਸ ਦੇ ਨਾਲ ਹੀ ਭੁੱਖੇ ਟਰੱਕ ਡਰਾਈਵਰਾਂ ਲਈ ਵੀ ਖੁਦ ਖਾਣਾ ਬਣਆ ਕੇ ਖਆ ਰਹੇ ਹਨ।
ਨੈਸ਼ਨਲ ਹਾਈਵੇਅ 44 ‘ਤੇ, ਸਿੰਘੂ ਸਰਹੱਦ ਦੇ ਨੇੜੇ ਕਈ ਅਜਿਹੀਆਂ ਥਾਵਾਂ ਦਿਖਾਈ ਦਿੱਤੀਆਂ, ਜਿਥੇ ਉਨ੍ਹਾਂ ਨੇ ਟਰੱਕ ਚਾਲਕਾਂ ਨੂੰ ਭੋਜਨ ਦਿੱਤਾ। ਐਨਐਚ 44 ‘ਤੇ ਕਿਸਾਨ ਅੰਦੋਲਨ ਕਾਰਨ ਬਹੁਤੇ ਢਾਬੇ ਬੰਦ ਹੋ ਚੁੱਕੇ ਹਨ ਅਤੇ ਜਾਮ ਹੋਣ ਕਾਰਨ ਟਰੱਕ ਡਰਾਈਵਰਾਂ ਨੂੰ ਖਾਣਾ ਨਹੀਂ ਮਿਲ ਰਿਹਾ। ਇਸੇ ਤਰ੍ਹਾਂ ਡਰਾਈਵਰ ਪਾਲੀ ਜੋ ਲੁਧਿਆਣਾ ਤੋਂ ਟਰੱਕ ਲੈ ਕੇ ਆਇਆ ਸੀ, ਕਈ ਦਿਨ ਪਹਿਲਾਂ ਉਹ ਦਿੱਲੀ ਲਈ ਰਵਾਨਾ ਹੋਇਆ ਸੀ ਪਰ ਜਾਮ ਵਿਚ ਫਸ ਗਿਆ ਅਤੇ ਇਕ ਦਿਨ ਭੁੱਖਾ ਰਿਹਾ। ਜਦੋਂ ਕਿਸਾਨਾਂ ਨੇ ਉਸ ਨੂੰ ਭੁੱਖਾ ਦੇਖਿਆ ਤਾਂ ਉਸ ਨੂੰ ਖਾਣਾ ਖੁਆਇਆ।
ਮੁਹਾਲੀ ਦੇ ਕਰਮਜੀਤ ਸਿੰਘ ਨੇ ਦੱਸਿਆ ਕਿ ਉਹ ਆਪਣੇ ਸਾਥੀਆਂ ਨਾਲ ਮਿਲ ਕੇ ਖਾਣਾ ਬਣਾਉਂਦਾ ਹੈ ਅਤੇ ਕੋਈ ਵੀ ਉਨ੍ਹਾਂ ਨਾਲ ਖਾ ਸਕਦਾ ਹੈ। ਕਿਉਂਕਿ ਉਹ ਕਿਸੇ ਨੂੰ ਭੁੱਖਾ ਨਹੀਂ ਰਹਿਣ ਦੇਣਾ ਚਾਹੁੰਦੇ। ਉਨ੍ਹਾਂ ਨੂੰ ਕੱ ਟਰੱਕ ਡਰਾਈਵਰ ਭੁੱਖੇ ਦਿਖੇ ਤਾਂ ਉਨ੍ਹਾਂ ਨੂੰ ਖਾਣਾ ਖੁਆਇਆ ਅਤੇ ਉਨ੍ਹਾਂ ਦੇ ਇੱਥੇ ਕਈ ਟਰੱਕ ਡਰਾਈਵਰ ਖਾਣਾ ਖਾਂਦੇ ਹਨ। ਇਸ ਤਰ੍ਹਾਂ ਹੀ ਹੋਰ ਕਈ ਕਿਸਾਨਾਂ ਨੇ ਟਰੱਕ ਡਰਾਈਵਰਾਂ ਨੂੰ ਖਾਣਾ ਖਆਉਣਾ ਸ਼ੁਰੂ ਕਰ ਦਿੱਤਾ ਹੈ।
ਕਿਸਾਨ ਸਿਰਫ ਖੇਤੀ ਹੀ ਨਹੀਂ ਕਰਦੇ, ਸਗੋਂ ਉਹ ਹਰ ਚੀਜ਼ ਵਿਚ ਪੂਰੀ ਤਰ੍ਹਾਂ ਮਾਹਰ ਹਨ। ਸਿੰਘੂ ਸਰਹੱਦ ‘ਤੇ ਕਿਸਾਨ ਆਪਣੇ ਆਪ ਖਾਣਾ ਪਕਾਉਂਦੇ ਹਨ। ਕਿਸਾਨ ਦਾਲ-ਰੋਟੀ, ਕੜ੍ਹੀ-ਚਾਵਲ ਬਣਾ ਰਹੇ ਹਨ, ਫਿਰ ਉਹ ਦਿਨ ਵੇਲੇ ਨਮਕੀਨ ਚਾਵਲ ਵੀ ਬਣਾਉਂਦੇ ਹਨ. ਇਸ ਤੋਂ ਇਲਾਵਾ, ਕਿਸਾਨ ਪਕੌੜੇ, ਚਾਹ ਅਤੇ ਹਰ ਚੀਜ਼ ਬਣਾਉਣ ਵਿਚ ਚੰਗੀ ਤਰ੍ਹਾਂ ਮਾਹਰ ਹਨ। ਉਹ ਕਿਸਾਨ ਜਿਨ੍ਹਾਂ ਦੇ ਕਪੜੇ ਗੰਦੇ ਹੋ ਗਏ ਹਨ ਅਤੇ ਹੋਰ ਕੱਪੜੇ ਨਹੀਂ ਬਚੇ ਹਨ, ਉਹ ਦਿਨ ਵੇਲੇ ਉਨ੍ਹਾਂ ਨੂੰ ਧੋ ਕੇ ਸੁਕਾਉਂਦੇ ਹਨ।
ਕਿਸਾਨ ਇਕੱਠੇ ਬੈਠੇ ਰਹਿੰਦੇ ਹਨ ਅਤੇ ਆਪਣੇ ਵਿਹਲੇ ਸਮੇਂ ਵਿਚ ਤਾਸ਼ ਖੇਡਦੇ ਹਨ। ਇਸ ਤਰ੍ਹਾਂ, ਕਿਸਾਨਾਂ ਦਾ ਦਿਨ ਆਰਾਮ ਨਾਲ ਬੀਤ ਰਿਹਾ ਹੈ। ਕਿਸਾਨ ਰਣਜੀਤ ਸਿੰਘ ਦਾ ਕਹਿਣਾ ਹੈ ਕਿ ਅੰਦੋਲਨ ਉਦੋਂ ਤੱਕ ਜਾਰੀ ਰਹੇਗਾ ਜਦੋਂ ਤੱਕ ਸਰਕਾਰ ਉਨ੍ਹਾਂ ਦੀਆਂ ਮੰਗਾਂ ਨਾਲ ਸਹਿਮਤ ਨਹੀਂ ਹੁੰਦੀ।
