ਜੇਕਰ ਤੁਸੀਂ ਵੀ ਸਸਤੇ ਲੈਪਟਾਪ ਦੀ ਤਲਾਸ਼ ਕਰ ਰਹੇ ਹੋ ਤਾਂ ਤੁਹਾਡੀ ਖੋਜ ਅੱਜ ਯਾਨੀ 31 ਜੁਲਾਈ ਨੂੰ ਖਤਮ ਹੋਣ ਜਾ ਰਹੀ ਹੈ। ਅੱਜ ਭਾਰਤ ‘ਚ ਸਭ ਤੋਂ ਸਸਤਾ ਲੈਪਟਾਪ ਲਾਂਚ ਹੋਣ ਜਾ ਰਿਹਾ ਹੈ। ਅੱਜ ਰਿਲਾਇੰਸ ਜਿਓ ਆਪਣਾ ਸਭ ਤੋਂ ਸਸਤਾ ਲੈਪਟਾਪ ਲਾਂਚ ਕਰਨ ਜਾ ਰਿਹਾ ਹੈ। ਰਿਲਾਇੰਸ ਜੀਓ ਨੇ ਪਿਛਲੇ ਸਾਲ ਦਿੱਲੀ ਦੇ ਪ੍ਰਗਤੀ ਮੈਦਾਨ ਵਿੱਚ ਆਯੋਜਿਤ ਇੰਡੀਆ ਮੋਬਾਈਲ ਕਾਂਗਰਸ (IMC 2022) ਵਿੱਚ ਆਪਣਾ ਪਹਿਲਾ ਲੈਪਟਾਪ JioBook ਲਾਂਚ ਕੀਤਾ ਸੀ ਅਤੇ ਹੁਣ Jio ਇੱਕ ਹੋਰ ਨਵੀਂ JioBook ਲਾਂਚ ਕਰਨ ਜਾ ਰਿਹਾ ਹੈ।
JioBook ਦਾ ਟੀਜ਼ਰ Amazon ‘ਤੇ ਵੀ ਜਾਰੀ ਕੀਤਾ ਗਿਆ ਹੈ। Amazon ‘ਤੇ ਜਾਰੀ ਕੀਤੇ ਗਏ ਟੀਜ਼ਰ ਮੁਤਾਬਕ ਨਵਾਂ JioBook ਲੈਪਟਾਪ ਵੀ ਪਿਛਲੇ ਮਾਡਲ ਵਰਗਾ ਹੀ ਹੋਵੇਗਾ। JioBook ਦਾ ਰੰਗ ਨੀਲਾ ਹੋਵੇਗਾ ਅਤੇ ਡਿਜ਼ਾਈਨ ਸੰਖੇਪ ਹੋਵੇਗਾ। ਟੀਜ਼ਰ ‘ਚ ਦਾਅਵਾ ਕੀਤਾ ਗਿਆ ਹੈ ਕਿ JioBook ਨੂੰ ਹਰ ਤਰ੍ਹਾਂ ਦੇ ਯੂਜ਼ਰਸ ਨੂੰ ਧਿਆਨ ‘ਚ ਰੱਖ ਕੇ ਡਿਜ਼ਾਈਨ ਕੀਤਾ ਗਿਆ ਹੈ।
ਨਵੀਂ JioBook ਦੇ ਨਾਲ 4G ਕਨੈਕਟੀਵਿਟੀ ਉਪਲਬਧ ਹੋਵੇਗੀ ਅਤੇ ਇੱਕ ਆਕਟਾ-ਕੋਰ ਪ੍ਰੋਸੈਸਰ ਉਪਲਬਧ ਹੋਵੇਗਾ। ਇਸ ਤੋਂ ਇਲਾਵਾ ਤੁਸੀਂ ਇਸ ‘ਚ HD ਵੀਡੀਓ ਵੀ ਦੇਖ ਸਕੋਗੇ। ਨਵੀਂ JioBook ਦਾ ਵਜ਼ਨ 990 ਗ੍ਰਾਮ ਹੋਵੇਗਾ ਅਤੇ ਬੈਟਰੀ ਇੱਕ ਦਿਨ ਚੱਲੇਗੀ। ਇਸ ਨੂੰ ਐਮਾਜ਼ਾਨ ਇੰਡੀਆ ਤੋਂ ਵੇਚਿਆ ਜਾਵੇਗਾ। ਦੱਸ ਦੇਈਏ ਕਿ ਪਿਛਲੇ ਸਾਲ ਲਾਂਚ ਕੀਤੇ ਗਏ JioBook ਵਿੱਚ ਸਨੈਪਡ੍ਰੈਗਨ 665 ਪ੍ਰੋਸੈਸਰ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ : Android ਫੋਨ ਵਾਰ-ਵਾਰ ਕਰ ਰਿਹਾ ਹੈ ਬੀਪ ਤੇ ਵਾਈਬ੍ਰੇਟ, Threads ਨੋਟੀਫਿਕੇਸ਼ਨ ਨੂੰ ਇਸ ਤਰ੍ਹਾਂ ਕਰੋ ਮਿਊਟ
ਇਸ ਤੋਂ ਪਹਿਲਾਂ ਵੀ ਕਈ ਸਮਾਰਟਫੋਨਜ਼ ‘ਚ ਇਹ ਪ੍ਰੋਸੈਸਰ ਦੇਖਿਆ ਜਾ ਚੁੱਕਾ ਹੈ। ਇਸ ਦੇ ਨਾਲ ਗ੍ਰਾਫਿਕਸ ਲਈ Adreno 610 GPU ਉਪਲੱਬਧ ਹੈ। ਇਸਦੀ ਅਧਿਕਤਮ ਕਲਾਕ ਸਪੀਡ 2.0GHz ਹੈ। Jio Book ਵਿੱਚ 11.6-ਇੰਚ ਡਿਸਪਲੇਅ ਹੈ ਅਤੇ ਇਸਦੀ ਬੈਟਰੀ 13 ਘੰਟੇ ਦੀ ਹੈ। ਇਸ ਵਿੱਚ 32 GB eMMC ਸਟੋਰੇਜ ਦੇ ਨਾਲ 2 GB ਰੈਮ ਹੈ ਜਿਸ ਨੂੰ 128 GB ਤੱਕ ਵਧਾਇਆ ਜਾ ਸਕਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
