ਰੀਲਾਂ ਬਣਾਉਣ ਦਾ ਕ੍ਰੇਜ਼ ਨੌਜਵਾਨਾਂ ਵਿਚ ਦਿਨੋ-ਦਿਨ ਵਧਦਾ ਜਾ ਰਿਹਾ ਹੈ ਪਰ ਕਈ ਵਾਰ ਰੀਲਾਂ ਬਣਾਉਣ ਦੇ ਚੱਕਰ ਵਿਚ ਉਨ੍ਹਾਂ ਦਾ ਖੁਦ ਦਾ ਵੱਡਾ ਨੁਕਸਾਨ ਹੋ ਜਾਂਦਾ ਹੈ । ਅਜਿਹਾ ਹੀ ਇਕ ਮਾਮਲਾ ਲਖਨਊ ਤੋਂ ਸਾਹਮਣੇ ਆਇਆ ਹੈ ਜਿਥੇ ਨਹਿਰ ਕੋਲ 2 ਕੁੜੀਆਂ ਨੂੰ ਰੀਲ ਬਣਾਉਣਾ ਮਹਿੰਗਾ ਪੈ ਗਿਆ।
ਨਹਿਰ ਨੇੜੇ ਦੋਵੇਂ ਕੁੜੀਆਂ ਡਾਂਸ ਕਰਦੇ ਹੋਏ ਰੀਲ ਬਣਾ ਰਹੀਆਂ ਹੁੰਦੀਆਂ ਹਨ ਕਿ ਰੀਲ ਬਣਾਉਂਦੇ ਹੋਏ ਅਚਾਨਕ ਇਕ ਕੁੜੀ ਨਹਿਰ ਵਿਚ ਜਾ ਰੁੜ੍ਹਦੀ ਹੈ ਤੇ ਉਹ ਲਾਪਤਾ ਹੋ ਜਾਂਦੀ ਹੈ। ਘਰ ਵਾਲਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਉਹ ਪ੍ਰੇਸ਼ਾਨ ਹਨ। ਗੋਤਾਖੋਰਾਂ ਵੱਲੋਂ ਕੁੜੀ ਦੀ ਭਾਲ ਕੀਤੀ ਜਾ ਰਹੀ ਹੈ ਪਰ ਅਜੇ ਤੱਕ ਉਸ ਦਾ ਪਤਾ ਨਹੀਂ ਲੱਗ ਸਕਿਆ ਹੈ।
