ਹਰਿਆਣਾ ਦੀ ਸਰਹੱਦ ‘ਤੇ ਫਤਿਹਾਬਾਦ ਦੇ ਟੋਹਾਣਾ ਨਾਲ ਲੱਗਦੀ ਪੰਜਾਬ ਖੇਤਰ ਦੀ ਭਾਖੜਾ ਨਹਿਰ ‘ਚ ਟਰੈਕਟਰ ਸਮੇਤ ਡੁੱਬਣ ਵਾਲੀਆਂ 3 ਔਰਤਾਂ ਦਾ ਅੱਜ ਵੀ ਕੋਈ ਸੁਰਾਗ ਨਹੀਂ ਲੱਗਾ ਹੈ। NDRF ਦੀ ਟੀਮ ਨੇ ਸ਼ਾਮ ਤੋਂ ਹੀ ਚਾਰਜ ਸੰਭਾਲ ਲਿਆ ਹੈ। ਟੀਮ ਦੇਰ ਰਾਤ 10 ਵਜੇ ਤੱਕ ਨਹਿਰ ਦੀ ਤਲਾਸ਼ੀ ਲੈਂਦੀ ਰਹੀ ਅਤੇ ਅੱਜ ਸਵੇਰੇ 6 ਵਜੇ ਤੋਂ ਮੁੜ ਸਰਚ ਅਭਿਆਨ ਜਾਰੀ ਹੈ ਪਰ ਕਰੀਬ 4 ਕਿਲੋਮੀਟਰ ਤੱਕ ਨਹਿਰ ‘ਚ ਕਿਤੇ ਵੀ ਔਰਤਾਂ ਦਾ ਕੋਈ ਸੁਰਾਗ ਨਹੀਂ ਮਿਲਿਆ।
ਦੇਰ ਸ਼ਾਮ ਪੰਜਾਬ ਦੇ ਮੂਨਕ ਦੇ SDM ਸੂਬਾ ਸਿੰਘ ਅਤੇ ਤਹਿਸੀਲਦਾਰ ਪ੍ਰਵੀਨ ਸਿੰਗਲਾ ਨੇ ਘਟਨਾ ਚੋਂ ਬੱਚ ਕੇ ਨਿਕਲੀਆਂ ਹੋਰ ਔਰਤਾਂ ਦਾ ਹਾਲ ਚਾਲ ਪੁੱਛਿਆ। ਅੱਜ ਵੀ ਨਹਿਰ ਦੇ ਕੰਢੇ ਲੋਕਾਂ ਦੀ ਆਮਦ ਹੈ। ਦੱਸ ਦਈਏ ਕਿ ਕੱਲ੍ਹ ਸਵੇਰੇ 11 ਵਜੇ ਦੇ ਕਰੀਬ ਪੰਜਾਬ ਦੇ ਹਰੀਗੜ੍ਹ ਗੇਲਾ ਇਲਾਕੇ ‘ਚ 14 ਮਹਿਲਾ ਖੇਤ ਮਜ਼ਦੂਰਾਂ ਅਤੇ ਇੱਕ ਨੌਜੁਆਨ ਡਰਾਈਵਰ ਸਮੇਤ ਇੱਕ ਬੇਕਾਬੂ ਟਰੈਕਟਰ ਭਾਖੜਾ ਨਹਿਰ ‘ਚ ਡਿੱਗ ਗਿਆ ਸੀ। ਕੱਲ੍ਹ ਬਾਅਦ ਦੁਪਹਿਰ 3 ਵਜੇ ਟਰੈਕਟਰ ਨੂੰ ਕਰੇਨ ਦੀ ਮਦਦ ਨਾਲ ਉਸੇ ਥਾਂ ਤੋਂ ਬਾਹਰ ਕੱਢਿਆ ਗਿਆ।
ਲੋਕਾਂ ਦੀ ਮਦਦ ਨਾਲ 11 ਔਰਤਾਂ ਨੂੰ ਬਾਹਰ ਕੱਢਿਆ ਗਿਆ। ਡਰਾਈਵਰ ਵੀ ਆਪ ਬਾਹਰ ਆ ਗਿਆ। 16 ਸਾਲਾ ਪਾਇਲ, 32 ਸਾਲਾ ਕਮਲੇਸ਼ ਅਤੇ ਗੀਤਾ ਰਾਣੀ ਵਾਸੀ ਮਨਿਆਣਾ ਨਹਿਰ ਵਿੱਚ ਹੀ ਰੁੜ੍ਹ ਗਏ। ਕੁਝ ਔਰਤਾਂ ਨੂੰ ਟੋਹਾਣਾ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਲਿਆਂਦਾ ਗਿਆ। ਨਹਿਰ ਵਿੱਚੋਂ ਨਿਕਲੀਆਂ ਮਹਿਲਾ ਮਜ਼ਦੂਰਾਂ ਨੇ ਦੱਸਿਆ ਕਿ ਅਚਾਨਕ ਟਰੈਕਟਰ ਤੇਜ਼ ਰਫ਼ਤਾਰ ਨਾਲ ਦੌੜ ਕੇ ਨਹਿਰ ਵਿੱਚ ਜਾ ਡਿੱਗਿਆ। ਪੁਲਿਸ ਅਤੇ NDRF ਦੀ ਟੀਮ ਕਾਰਵਾਈ ਵਿੱਚ ਲੱਗੀ ਹੋਈ ਹੈ। ਕਰੀਬ 35 ਲੋਕਾਂ ਦੀ ਟੀਮ ਤਲਾਸ਼ੀ ਮੁਹਿੰਮ ‘ਚ ਲੱਗੀ ਹੋਈ ਹੈ।
ਇਹ ਵੀ ਪੜ੍ਹੋ : ਸੁਰੇਸ਼ ਰੈਨਾ ਯੂਰਪ ‘ਚ ਪਰੋਸਣਗੇ ਭਾਰਤੀ ਭੋਜਨ, ਨਵੇਂ ਹੋਟਲ ਦਾ ਕੀਤਾ ਉਦਘਾਟਨ
NDRF ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਟੀਮ ਨੇ ਸ਼ਾਮ ਨੂੰ ਹੀ ਚਾਰਜ ਸੰਭਾਲ ਲਿਆ ਸੀ। 24 ਘੰਟੇ ਤੋਂ ਵੱਧ ਸਮਾਂ ਹੋ ਗਿਆ ਹੈ ਪਰ ਅਜੇ ਤੱਕ ਔਰਤ ਦਾ ਕੋਈ ਪਤਾ ਨਹੀਂ ਲੱਗ ਸਕਿਆ ਹੈ। ਨਹਿਰ ਕਰੀਬ 16 ਫੁੱਟ ਡੂੰਘੀ ਹੈ ਅਤੇ ਪਾਣੀ ਦਾ ਵਹਾਅ ਬਹੁਤ ਤੇਜ਼ ਹੈ। 4 ਕਿਲੋਮੀਟਰ ਖੇਤਰ ਵਿੱਚ ਪੂਰੀ ਤਲਾਸ਼ੀ ਲਈ ਗਈ ਹੈ, ਹੋਰ ਡਾਇਵਰਸ਼ਨ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਔਰਤਾਂ ਦੇ ਮਿਲਣ ਤੱਕ ਆਪਰੇਸ਼ਨ ਜਾਰੀ ਰਹੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
