ਭਾਰਤ ਜੋੜੋ ਯਾਤਰਾ ਦੌਰਾਨ ਰਾਹੁਲ ਗਾਂਧੀ ਦੇ ਇੱਕ ਬਿਆਨ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਸ਼ੁੱਕਰਵਾਰ ਨੂੰ ਉਨ੍ਹਾਂ ਨੇ ਭਾਜਪਾ ਅਤੇ ਆਰਐਸਐਸ ਨੂੰ ਜੈ ਸੀਆਰਾਮ ਕਹਿਣ ਦੀ ਸਲਾਹ ਦਿੱਤੀ ਅਤੇ ਜੈ ਸ਼੍ਰੀ ਰਾਮ ਅਤੇ ਜੈ ਸੀਆਰਾਮ ਵਿੱਚ ਫਰਕ ਦੱਸਿਆ। ਹੁਣ ਉਨ੍ਹਾਂ ਦੇ ਬਿਆਨ ‘ਤੇ ਭਾਜਪਾ ਨੇ ਨਿਸ਼ਾਨਾ ਵਿੰਨ੍ਹਿਆ ਹੈ।
ਸ਼ਾਹਨਵਾਜ਼ ਹੁਸੈਨ ਨੇ ਕਿਹਾ ਕਿ ਭਾਜਪਾ ਨੂੰ ਰਾਹੁਲ ਗਾਂਧੀ ਦੇ ਸਰਟੀਫਿਕੇਟ ਦੀ ਲੋੜ ਨਹੀਂ ਹੈ। ਉਹ ਇਲੈਕਸ਼ਨ ਵਾਲੇ ਹੁੰਦੂ ਹਨ। ਇਸ ਦੇ ਨਾਲ ਹੀ ਬ੍ਰਜੇਸ਼ ਪਾਠਕ ਨੇ ਕਿਹਾ ਕਿ ਰਾਹੁਲ ਗਾਂਧੀ ਨਾਟਕ ਮੰਡਲੀ ਦੇ ਨੇਤਾ ਹਨ। ਉਹ ਕੋਟ ਉਪਰ ਜਨੇਊ ਪਾਉਂਦੇ ਹਨ। ਉਨ੍ਹਾਂ ਨੂੰ ਭਾਰਤ ਦੀ ਸੰਸਕ੍ਰਿਤੀ ਬਾਰੇ ਕੁਝ ਨਹੀਂ ਪਤਾ ਹੈ। ਬਸ ਗਲੀ-ਗਲੀ ਦੌੜ ਰਹੇ ਹਨ, ਕਿਉਂਕਿ ਜਨਤਾ ਨੇ ਉਨ੍ਹਾਂ ਨੂੰ ਨਕਾਰ ਦਿੱਤਾ ਹੈ।
ਰਾਹੁਲ ਗਾਂਧੀ ਦੀ ਭਾਰਤ ਜੋੜੋ ਯਾਤਰਾ ਸ਼ੁੱਕਰਵਾਰ ਨੂੰ ਮੱਧ ਪ੍ਰਦੇਸ਼ ਦੇ ਆਗਰ-ਮਾਲਵਾ ‘ਚ ਸੀ। ਇਸ ਦੌਰਾਨ ਉਨ੍ਹਾਂ ਆਗਰ ਵਿੱਚ ਇੱਕ ਇਕੱਠ ਨੂੰ ਸੰਬੋਧਨ ਕਰਦਿਆਂ ‘ਜੈ ਸ਼੍ਰੀ ਰਾਮ’, ‘ਜੈ ਸੀਆਰਾਮ’ ਅਤੇ ‘ਹੇ ਰਾਮ’ ਦੇ ਨਾਅਰਿਆਂ ਦੀ ਆਪਣੇ ਅੰਦਾਜ਼ ਵਿੱਚ ਵਿਆਖਿਆ ਕੀਤੀ। ਉਨ੍ਹਾਂ ਕਿਹਾ ਕਿ ‘ਜੈ ਸੀਆਰਾਮ’ ਦਾ ਕੀ ਅਰਥ ਹੈ? ਜੈ ਸੀਤਾ ਅਤੇ ਜੈ ਰਾਮ, ਭਾਵ ਸੀਤਾ ਅਤੇ ਰਾਮ ਇੱਕ ਹੀ ਹਨ। ਇਸੇ ਲਈ ਨਾਅਰਾ ਜੈ ਸੀਆਰਾਮ ਜਾਂ ਜੈ ਸੀਤਾਰਾਮ ਹੈ। ਭਗਵਾਨ ਰਾਮ ਸੀਤਾ ਜੀ ਦੇ ਸਨਮਾਨ ਲਈ ਲੜੇ ਸਨ। ਅਸੀਂ ਜੈਸੀਆਰਾਮ ਕਹਿੰਦੇ ਹਾਂ ਅਤੇ ਸਮਾਜ ਵਿੱਚ ਸੀਤਾ ਵਰਗੀਆਂ ਔਰਤਾਂ ਦਾ ਸਤਿਕਾਰ ਕਰਦੇ ਹਾਂ।
ਜੈ ਸ਼੍ਰੀ ਰਾਮ, ਇਸ ਵਿੱਚ ਅਸੀਂ ਕਹਿੰਦੇ ਹਾਂ ਭਗਵਾਨ ਰਾਮ ਦੀ ਜੈ। ਪੰਡਿਤ ਜੀ ਨੇ ਮੈਨੂੰ ਕਿਹਾ ਕਿ ਤੁਸੀਂ ਆਪਣੇ ਭਾਸ਼ਣ ਵਿੱਚ ਪੁੱਛੋ ਕਿ ਭਾਜਪਾ ਵਾਲੇ ਜੈ ਸ਼੍ਰੀ ਰਾਮ ਦਾ ਜਾਪ ਕਰਦੇ ਹਨ, ਪਰ ਜੈ ਸੀਆਰਾਮ ਅਤੇ ਹੇ ਰਾਮ ਕਿਉਂ ਨਹੀਂ ਬੋਲਦੇ।
ਉਨ੍ਹਾਂ ਕਿਹਾ ਕਿ ਆਰ.ਐੱਸ.ਐੱਸ. ਅਤੇ ਭਾਜਪਾ ਦੇ ਲੋਕ ਉਸ ਭਾਵਨਾ ਨਾਲ ਆਪਣਾ ਜੀਵਨ ਨਹੀਂ ਜੀਉਂਦੇ, ਜਿਸ ਭਾਵਨਾ ਨਾਲ ਭਗਵਾਨ ਰਾਮ ਨੇ ਆਪਣਾ ਜੀਵਨ ਬਤੀਤ ਕੀਤਾ ਸੀ। ਰਾਮ ਨੇ ਕਿਸੇ ਨਾਲ ਬੇਇਨਸਾਫ਼ੀ ਨਹੀਂ ਕੀਤੀ। ਰਾਮ ਨੇ ਸਮਾਜ ਨੂੰ ਜੋੜਨ ਦਾ ਕੰਮ ਕੀਤਾ। ਰਾਮ ਨੇ ਸਾਰਿਆਂ ਨੂੰ ਸਤਿਕਾਰ ਦਿੱਤਾ। ਆਰ.ਐਸ.ਐਸ. ਅਤੇ ਭਾਜਪਾ ਦੇ ਲੋਕ ਭਗਵਾਨ ਰਾਮ ਦੇ ਜੀਵਨ ਮਾਰਗ ‘ਤੇ ਨਹੀਂ ਚੱਲਦੇ। ਉਹ ਸੀਆਰਾਮ ਅਤੇ ਸੀਤਾਰਾਮ ਨਹੀਂ ਕਰ ਸਕਦੇ, ਕਿਉਂਕਿ ਉਨ੍ਹਾਂ ਦੇ ਸੰਗਠਨ ਵਿੱਚ ਕੋਈ ਔਰਤ ਨਹੀਂ ਹੈ, ਇਸ ਲਈ ਇਹ ਜੈ ਸੀਆਰਾਮ ਦੀ ਸੰਸਥਾ ਨਹੀਂ ਹੈ, ਸੀਤਾ ਉਨ੍ਹਾਂ ਦੇ ਸੰਗਠਨ ਵਿੱਚ ਨਹੀਂ ਆ ਸਕਦੀ, ਸੀਤਾ ਨੂੰ ਬਾਹਰ ਕੱਢ ਦਿੱਤਾ ਗਿਆ ਹੈ। ਇੱਕ ਪੰਡਿਤ ਜੀ ਨੇ ਇਹ ਗੱਲਾਂ ਮੈਨੂੰ ਰਾਹ ਵਿੱਚ ਕਹੀਆਂ।
ਇਹ ਵੀ ਪੜ੍ਹੋ : ਲੁਧਿਆਣਾ : CP ਸਿੱਧੂ ਬੋਲੇ, ‘ਸੋਸ਼ਲ ਮੀਡੀਆ ਚੈਨਲ ਸ਼ਾਂਤੀ ਕਾਇਮ ਰੱਖਣ ਲਈ ਜ਼ਿੰਮੇਵਾਰੀ ਨਾਲ ਕੰਮ ਕਰਨ’
ਰਾਹੁਲ ਨੇ ਕਿਹਾ ਕਿ ਮੈਂ ਆਰਐਸਐਸ ਦੇ ਲੋਕਾਂ ਨੂੰ ਕਹਿਣਾ ਚਾਹੁੰਦਾ ਹਾਂ ਕਿ ਜੈ ਸ਼੍ਰੀਰਾਮ, ਜੈ ਸੀਆਰਾਮ ਅਤੇ ਹੇ ਰਾਮ ਦੀ ਵਰਤੋਂ ਕਰਨ ਲਈ ਕਹਿਣਾ ਚਾਹੁੰਦਾ ਹਾਂ ਕਿ ਸੀਤਾ ਜੀ ਦਾ ਅਪਮਾਨ ਨਾ ਕਰੋ।
ਗਾਂਧੀ ਜੀ ਕਹਿੰਦੇ ਸਨ ਹੇ ਰਾਮ। ਗਾਂਧੀ ਜੀ ਦਾ ਨਾਅਰਾ ਸੀ ਹੇ ਰਾਮ। ਹੇ ਰਾਮ ਦਾ ਕੀ ਅਰਥ ਹੈ? ਹੇ ਰਾਮ ਭਾਵ ਰਾਮ ਇੱਕ ਜੀਵਨ ਜਾਚ ਸੀ, ਭਗਵਾਨ ਰਾਮ ਕੇਵਲ ਇੱਕ ਵਿਅਕਤੀ ਹੀ ਨਹੀਂ ਸਨ, ਜੀਵਨ ਜਾਚ, ਪਿਆਰ, ਭਾਈਚਾਰਾ, ਸਤਿਕਾਰ, ਤਪੱਸਿਆ ਸੀ, ਉਨ੍ਹਾਂ ਨੇ ਸਾਰੇ ਸੰਸਾਰ ਨੂੰ ਜਿਊਣ ਦਾ ਢੰਗ ਸਿਖਾਇਆ ਸੀ। ਗਾਂਧੀ ਜੀ ਕਹਿੰਦੇ ਸਨ ਹੇ ਰਾਮ ਉਨ੍ਹਾਂ ਦਾ ਭਾਵ ਸੀ, ਭਗਵਾਨ ਰਾਮ ਦੀ ਭਾਵਨਾ ਸਾਡੇ ਦਿਲ ਵਿੱਚ ਹੈ ਅਤੇ ਇਸੇ ਭਾਵਨਾ ਨਾਲ ਜੀਵਨ ਜਿਉਣਾ ਹੈ। ਇਹ ਰਾਮ ਹੈ।
ਇਸ ‘ਤੇ MP ਗ੍ਰਹਿ ਮੰਤਰੀ ਨਰੋਤਮ ਮਿਸ਼ਰਾ ਨੇ ਕਿਹਾ- ਰਾਹੁਲ ਬਾਬਾ ਦਾ ਗਿਆਨ ਬਾਬਾ-ਬਾਬਾ ਬਲੈਕ ਸ਼ੀਪ ਤੱਕ ਸੀਮਤ ਹੈ। ਰਾਮ ਦੀ ਸ਼ੁਰੂਆਤ ਸ਼੍ਰੀ ਨਾਲ ਹੁੰਦੀ ਹੈ ਅਤੇ ਸ਼੍ਰੀ ਕੇਵਲ ਭਗਵਾਨ ਵਿਸ਼ਨੂੰ ਦੀ ਪਤਨੀ ਲਕਸ਼ਮੀ ਅਤੇ ਸੀਤਾ ਲਈ ਵਰਤਿਆ ਜਾਂਦਾ ਹੈ। ਇਸ ਨੂੰ ਖੋਲ੍ਹ ਕੇ ਤੇ ਇਤਿਹਾਸ ਵੇਖ ਲਓ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
