Raj Kaushal’s last Film: ਅਦਾਕਾਰਾ ਮੰਦਿਰਾ ਬੇਦੀ ਦੇ ਪਤੀ ਰਾਜ ਕੌਸ਼ਲ ਦੀ ਆਖਰੀ ਫਿਲਮ ‘ਅੱਕੜ ਬੱਕੜ ਰਫੂ ਚੱਕਰ’ ਦੀ ਰਿਲੀਜ਼ ਡੇਟ ਦਾ ਖੁਲਾਸਾ ਹੋ ਗਿਆ ਹੈ। ਇਹ ਫਿਲਮ ਐਮਾਜ਼ਾਨ ਪ੍ਰਾਈਮ ‘ਤੇ 3 ਨਵੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।
ਇਸ ਖਬਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਮੰਦਿਰਾ ਬੇਦੀ ਨੇ ਆਪਣੇ ਪਤੀ ਦੀ ਇਸ ਆਖਰੀ ਫਿਲਮ ਦੇ ਰਿਲੀਜ਼ ਹੋਣ ‘ਤੇ ਇਕ ਭਾਵੁਕ ਪੋਸਟ ਲਿਖੀ ਹੈ। ਮੰਦਿਰਾ ਖੁਸ਼ ਹੈ ਕਿ ਉਨ੍ਹਾਂ ਦੇ ਪਤੀ ਦੀ ਆਖਰੀ ਫਿਲਮ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਦਾ ਦਿਲ ਇਸ ਗੱਲ ਤੋਂ ਵੀ ਟੁੱਟ ਗਿਆ ਹੈ ਕਿ ਰਾਜ ਹੁਣ ਇਸ ਫਿਲਮ ਦੀ ਕਾਮਯਾਬੀ ਦੇਖਣ ਲਈ ਮੌਜੂਦ ਨਹੀਂ ਹੈ। ਦੱਸ ਦੇਈਏ ਕਿ ਮੰਦਿਰਾ ਬੇਦੀ ਦੇ ਪਤੀ ਅਤੇ ਨਿਰਦੇਸ਼ਕ ਰਾਜ ਕੌਸ਼ਲ ਦੀ ਇਸ ਸਾਲ ਜੂਨ ਵਿੱਚ ਮੌਤ ਹੋ ਗਈ ਸੀ। ਰਾਜ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ।
ਰਾਜ ਕੌਸ਼ਲ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫ਼ਿਲਮ ਵਿੱਚ ਵਿੱਕੀ ਅਰੋੜਾ, ਅਨੁਜ ਰਾਮਪਾਲ, ਸਵਾਤੀ ਸੇਮਵਾਲ, ਸ਼ਿਰੀਸ਼ ਸ਼ਰਮਾ ਅਤੇ ਮਨੀਸ਼ ਚੌਧਰੀ ਅਹਿਮ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣ ਵਾਲੇ ਹਨ। ਆਪਣੇ ਪਤੀ ਦੀ ਆਖਰੀ ਫਿਲਮ ਦੀ ਰਿਲੀਜ਼ ਡੇਟ ‘ਤੇ, ਮੰਦਿਰਾ ਨੇ ਇੰਸਟਾਗ੍ਰਾਮ ‘ਤੇ ਲਿਖਿਆ, ‘ਰਾਜ ਨੂੰ ਆਪਣੇ ਕੰਮ ਲਈ ਡੂੰਘਾ ਪਿਆਰ ਸੀ, ਖਾਸ ਤੌਰ ‘ਤੇ ਜੇਕਰ ਉਹ ਇੱਕ ਵਧੀਆ ਵਿਚਾਰ ਲੈ ਕੇ ਆਏ।
ਮੰਦਿਰਾ ਨੇ ਅੱਗੇ ਲਿਖਿਆ, ‘ਉਨ੍ਹਾਂ ਨੂੰ ਇਸ ਪ੍ਰੋਜੈਕਟ ‘ਤੇ ਪੂਰਾ ਭਰੋਸਾ ਸੀ ਅਤੇ ਤੁਸੀਂ ਇਸ ਫਿਲਮ ‘ਚ ਉਨ੍ਹਾਂ ਦਾ ਵਿਸ਼ਵਾਸ ਦੇਖੋਗੇ। ਇਹ ਦੇਖ ਕੇ ਮੇਰਾ ਦਿਲ ਟੁੱਟ ਜਾਂਦਾ ਹੈ ਕਿ ਉਹ ਹੁਣ ਆਪਣੀ ਮਿਹਨਤ ਅਤੇ ਇਸ ਦਾ ਸਫਲ ਅੰਤ ਨਹੀਂ ਦੇਖ ਸਕੇਗਾ। ਪਰ ਮੈਂ ਅਮੇਜ਼ਨ ਪ੍ਰਾਈਮ ਵੀਡੀਓ ਦਾ ਧੰਨਵਾਦੀ ਹਾਂ ਕਿ ਉਹ ਰਾਜ ਦੇ ਕੰਮ ਦਾ ਇਹ ਆਖਰੀ ਨਮੂਨਾ ਲੋਕਾਂ ਤੱਕ ਪਹੁੰਚਾ ਰਹੇ ਹਨ। ਮੈਨੂੰ ਉਮੀਦ ਹੈ ਕਿ ਦਰਸ਼ਕ ਇਸ ਨੂੰ ਉਨਾ ਹੀ ਪਸੰਦ ਕਰਨਗੇ ਜਿੰਨਾ ਰਾਜ ਨੇ ਇਸ ਨੂੰ ਬਣਾਉਣ ਵਿੱਚ ਮਜ਼ਾ ਲਿਆ ਹੈ। ‘ਅੱਕੜ ਬੱਕੜ’ ਇੱਕ ਅਪਰਾਧ ਡਰਾਮਾ ਹੈ। ਇਸ ਸ਼ੋਅ ‘ਚ ਇਕ ਵਿਅਕਤੀ ਆਪਣੇ ਦੋਸਤਾਂ ਨਾਲ ਮਿਲ ਕੇ ਲੋਕਾਂ ਦੇ ਪੈਸੇ ਹੜੱਪਣ ਦੀ ਨੀਅਤ ਨਾਲ ‘ਜਾਅਲੀ ਬੈਂਕ’ ਬਣਾਉਂਦਾ ਹੈ।
