ਜਲੰਧਰ : ਖਾਕੀ ਵਰਦੀ ਵਾਲਿਆਂ ਦੀ ਸ਼ਰੇਆਮ ਗੁੰਡਾਗਰਦੀ ਦੀਆਂ ਨਿਤ ਨਵੀਆਂ ਖਬਰਾਂ ਸੁਣਨ ਨੂੰ ਮਿਲਦੀਆਂ ਰਹੀਆਂ ਹਨ। ਅਜਿਹਾ ਹੀ ਇਕ ਮਾਮਲਾ ਸ਼ਾਂਤੀ ਵਿਹਾਰ ਨੰਦਨਪੁਰ ਰੋਡ ‘ਤੇ ਦੇਖਣ ਨੂੰ ਮਿਲਿਆ।
ਉਥੇ ਤਾਇਨਾਤ ਅਸ਼ੋਕ ਨਗਰ ਦੇ ਵਸਨੀਕ ਸਸਪੈਂਡ ਏਐਸਆਈ ਰਛਪਾਲ ਸਿੰਘ ਨੇ ਫਰੂਟ ਵਾਲੀ ਰੇਹੜੀ ਤੋਂ ਕੇਲਾ ਲੈ ਕੇ ਪੈਸੇ ਦੀ ਮੰਗ ਕਰਨ ’ਤੇ ਉਸ ਨੂੰ ਚਾਕੂ ਮਾਰ ਦਿੱਤਾ। ਉਥੇ ਖੜ੍ਹੇ ਲੋਕਾਂ ਨੇ ਵੀਡੀਓ ਵਾਇਰਲ ਕਰ ਦਿੱਤੀ। ਜਦੋਂ ਪੀਸੀਆਰ ਦਾ ਏਐਸਆਈ ਪਿਆਰਾ ਲਾਲ ਮੌਕੇ ‘ਤੇ ਪਹੁੰਚਿਆ ਤਾਂ ਰਛਪਾਲ ਸਿੰਘ ਵੀ ਉਸ ਨਾਲ ਵੀ ਝੜਪ ਪਿਆ ਅਤੇ ਉਸਦੇ ਮੂੰਹ ‘ਤੇ ਸ਼ਰਾਬ ਸੁੱਟ ਦਿੱਤੀ। ਥਾਣਾ ਇੱਕ ਦੀ ਪੁਲਿਸ ਨੇ ਰਛਪਾਲ ਨੂੰ ਥਾਣੇ ਲਿਆਂਦਾ ਅਤੇ ਉਸਦਾ ਮੈਡੀਕਲ ਕਰਵਾ ਕੇ ਜਾਂਚ ਸ਼ੁਰੂ ਕਰ ਦਿੱਤੀ।
ਨੰਦਨਪੁਰ ਰੋਡ ‘ਤੇ ਫਲ ਵਿਕਰੇਤਾ ਰਾਜੂ ਸਾਹਨੀ ਨੇ ਦੱਸਿਆ ਕਿ ਪੁਲਿਸ ਮੁਲਾਜ਼ਮ ਰਛਪਾਲ ਸਿੰਘ ਪਹਿਲਾਂ ਵੀ ਕਈ ਵਾਰ ਉਸ ਕੋਲ ਆਉਂਦਾ ਸੀ ਅਤੇ ਫਲ ਲੈਣ ਤੋਂ ਬਾਅਦ ਪੈਸੇ ਨਹੀਂ ਦਿੰਦਾ ਸੀ। ਰਛਪਾਲ ਸ਼ਨੀਵਾਰ ਨੂੰ ਵੀ ਆਇਆ ਸੀ ਅਤੇ ਕੇਲੇ ਖਰੀਦਣ ਤੋਂ ਬਾਅਦ ਪੈਸੇ ਨਹੀਂ ਦੇ ਰਿਹਾ ਸੀ। ਜਦੋਂ ਉਸਨੇ ਪੈਸੇ ਦੀ ਮੰਗ ਕੀਤੀ ਤਾਂ ਏਐਸਆਈ ਨੇ ਪਹਿਲਾਂ ਉਸ ਨੂੰ ਥੱਪੜ ਮਾਰ ਦਿੱਤਾ ਅਤੇ ਚਾਕੂ ਉਸਦੇ ਹੱਥ ‘ਤੇ ਮਾਰਿਆ। ਉਹ ਉਥੋਂ ਭੱਜਿਆ ਅਤੇ ਮਾਲਕ ਨੂੰ ਬੁਲਾਇਆ। ਰਛਪਾਲ ਸਿੰਘ ਨੇ ਉਸਦੇ ਮਾਲਕ ਨੂੰ ਵੀ ਕੁਟਿਆ। ਇਸ ਦੌਰਾਨ, ਜਦੋਂ ਪੀਸੀਆਰ ਪਹੁੰਚੀ ਤਾਂ ਰਛਪਾਲ ਨੇ ਪਹਿਲਾਂ ਏਐਸਆਈ ਨਾਲ ਬਦਸਲੂਕੀ ਕੀਤੀ। ਏਐਸਆਈ ਪੀਸੀਆਰ ਪਿਆਰਾ ਲਾਲ ਨੇ ਦੱਸਿਆ ਕਿ ਜਦੋਂ ਉਹ ਮੌਕੇ ’ਤੇ ਪਹੁੰਚਿਆ ਤਾਂ ਏਐਸਆਈ ਰਛਪਾਲ ਸਿੰਘ ਨਸ਼ੇ ‘ਚ ਧੁੱਤ ਸੀ। ਪਹਿਲਾਂ ਰਛਪਾਲ ਸਿੰਘ ਨੇ ਧੱਕਾ-ਮੁੱਕੀ ਸ਼ੁਰੂ ਕਰ ਦਿੱਤੀ ਜਿਸ ਦੌਰਾਨ ਉਨ੍ਹਾਂ ਦੀ ਵਰਦੀ ਪਾੜ ਗਈ ਸੀ।
ਇਹ ਵੀ ਪੜ੍ਹੋ : ਸ੍ਰੀ ਮੁਕਤਸਰ ਸਾਹਿਬ ਦਾ ਫੌਜੀ ਪ੍ਰਭਜੋਤ ਸਿੰਘ ਹੋਇਆ ਸ਼ਹੀਦ, ਰਾਜਸਥਾਨ ਦੇ ਸੂਰਤਗੜ੍ਹ ‘ਚ ਸੀ ਤਾਇਨਾਤ
ਵਿਵਾਦਾਂ ਵਿੱਚ ਘਿਰੇ ਰਛਪਾਲ ਸਿੰਘ ਨੇ ਪਹਿਲਾਂ ਏਐਸਆਈ ਪਿਆਰਾ ਲਾਲ ’ਤੇ ਸ਼ਰਾਬ ਮੰਗਣ ਦਾ ਦੋਸ਼ ਲਾਇਆ। ਫਿਰ ਉਸਨੇ ਉਸ ‘ਤੇ ਪੈਸੇ ਦੀ ਮੰਗ ਕਰਨ ਦਾ ਦੋਸ਼ ਲਗਾਉਣਾ ਸ਼ੁਰੂ ਕਰ ਦਿੱਤਾ। ਜਦੋਂ ਲੋਕ ਮੌਕੇ ‘ਤੇ ਇਕੱਠੇ ਹੋ ਗਏ ਤਾਂ ਉਹ ਉਥੋਂ ਫਰਾਰ ਹੋ ਗਿਆ। ਪੁਲਿਸ ਨੇ ਉਸਨੂੰ ਆਪਣੇ ਘਰ ਤੋਂ ਕਾਬੂ ਕਰ ਲਿਆ। ਏਐਸਆਈ ਰਛਪਾਲ ਸਿੰਘ ਨੇ ਫਲ ਵੇਚਣ ਵਾਲੇ ਕੋਲ ਆਪਣੀ ਕਾਰ ਖੜ੍ਹੀ ਕਰਕੇ ਕਾਰ ਦੀ ਛੱਤ ਨੂੰ ਬਾਰ ਬਣਾਇਆ ਹੋਇਆ ਸੀ। ਜਦੋਂ ਪੁਲਿਸ ਮੌਕੇ ‘ਤੇ ਪਹੁੰਚੀ ਤਾਂ ਉਸਦੀ ਕਾਰ ‘ਤੇ ਸ਼ਰਾਬ ਦੀ ਬੋਤਲ ਪਈ ਸੀ। ਇਹ ਦੇਖ ਕੇ ਲੋਕ ਗੁੱਸੇ ਵਿੱਚ ਆ ਗਏ।
ਇਹ ਵੀ ਪੜ੍ਹੋ : ਤਲਾਕ ਮਾਮਲੇ ‘ਤੇ ਹਾਈਕੋਰਟ ਦਾ ਮਹੱਤਵਪੂਰਨ ਹੁਕਮ, ਪਤੀ-ਪਤਨੀ ਸਹਿਮਤ ਤਾਂ 6 ਮਹੀਨੇ ਦਾ ਇੰਤਜ਼ਾਰ ਜ਼ਰੂਰੀ ਨਹੀਂ
