ਅਮੂਲ ਗਰਲ ਐਡ ਬਣਾਉਣ ਵਾਲੇ ਸਿਲਵੇਸਟਰ ਡਾਕੁਨਹਾ ਦਾ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ ਮੰਗਲਵਾਰ ਰਾਤ ਮੁੰਬਈ ‘ਚ ਆਖਰੀ ਸਾਹ ਲਿਆ। ਸਿਲਵੇਸਟਰ ਡਾਕੁਨਹਾ ਨੇ 1960 ਦੇ ਦਹਾਕੇ ਵਿੱਚ ਅਮੁਲ ਗਰਲ ਨਾਲ ਜੁੜ ਕੇ ਕੰਪਨੀ ਨੂੰ ਪਹਿਚਾਣ ਦਿੱਤੀ। ਅਮੂਲ ਇੰਡੀਆ ਦੇ ਮੈਨੇਜਿੰਗ ਡਾਇਰੈਕਟਰ ਨੇ ਟਵੀਟ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਲਿਖਿਆ, ‘ਬਹੁਤ ਹੀ ਦੁੱਖ ਦੇ ਨਾਲ ਦੱਸਿਆ ਜਾ ਰਿਹਾ ਹੈ ਕਿ ਬੀਤੀ ਰਾਤ ਮੁੰਬਈ ‘ਚ ਡਾਕੁਨਹਾ ਕਮਿਊਨੀਕੇਸ਼ਨ ਦੇ ਚੇਅਰਮੈਨ ਸਿਲਵੇਸਟਰ ਡਾਕੁਨਹਾ ਦੀ ਮੌਤ ਹੋ ਗਈ।
ਭਾਰਤੀ ਵਿਗਿਆਪਨ ਉਦਯੋਗ ਦਾ ਇੱਕ ਅਨੁਭਵੀ ਜੋ 1960 ਦੇ ਦਹਾਕੇ ਤੋਂ ਅਮੂਲ ਨਾਲ ਜੁੜਿਆ ਹੋਇਆ ਸੀ। ਅਮੂਲ ਪਰਿਵਾਰ ਇਸ ਸੋਗ ਵਿੱਚ ਸ਼ਾਮਲ ਹੈ। ਅਮੂਲ ਦੀ ਸਫਲਤਾ ਵਿੱਚ ਇਸਦੀ ਵਿਗਿਆਪਨ ਮੁਹਿੰਮ ਦੀ ਵੱਡੀ ਭੂਮਿਕਾ ਹੈ। ਨੀਲੇ ਰੰਗ ਦੇ ਵਾਲ, ਚਿੱਟੇ ਅਤੇ ਲਾਲ ਡਾਟ ਵਾਲੇ ਫ੍ਰੌਕ ਪਹਿਨਣ ਵਾਲੀ ਅਮੂਲ ਗਰਲ ਉਸਦੀ ਬ੍ਰਾਂਡ ਪਛਾਣ ਬਣ ਗਈ ਹੈ। ਅਮੂਲ ਆਪਣੀਆਂ ਵਿਗਿਆਪਨ ਮੁਹਿੰਮਾਂ ਵਿੱਚ ਮੌਜੂਦਾ ਮਾਮਲਿਆਂ ਨਾਲ ਸਬੰਧਤ ਵਨ ਲਾਈਨਰ ਬਣਾਉਣ ਲਈ ਪ੍ਰਸਿੱਧ ਹੈ।
ਸਿਲਵੇਸਟਰ ਦੀ ਪਤਨੀ ਨਿਸ਼ਾ ਡਾਕੁਨਹਾ ਨੇ ਅਮੁਲ ਨੂੰ ‘ਅਟਰਲੀ ਬਟਰਲੀ ਅਮੁਲ’ ਦੀ ਟੈਗਲਾਈਨ ਦਿੱਤੀ। ਇਹ ਟੈਗਲਾਈਨ ਭਾਰਤੀ ਇਸ਼ਤਿਹਾਰਬਾਜ਼ੀ ਦੀਆਂ ਸਭ ਤੋਂ ਯਾਦਗਾਰੀ ਟੈਗ ਲਾਈਨਾਂ ਵਿੱਚੋਂ ਇੱਕ ਹੈ। ਡਾਕੁਨਹਾ ਅਤੇ ਉਸਦੀ ਟੀਮ ਨੇ ਅਮੂਲ ਗਰਲ ਵਿਗਿਆਪਨ ਦੀ ਸਫਲਤਾ ਤੋਂ ਬਾਅਦ ਟੌਪੀਕਲ ਇਸ਼ਤਿਹਾਰਬਾਜ਼ੀ ਸ਼ੁਰੂ ਕੀਤੀ। ਟੌਪੀਕਲ ਇਸ਼ਤਿਹਾਰਬਾਜ਼ੀ ਦਾ ਮਤਲਬ ਹੈ ਇੱਕ ਮੌਜੂਦਾ ਖਬਰ ਕਹਾਣੀ ਨਾਲ ਸੰਬੰਧਿਤ ਵਿਗਿਆਪਨ ਬਣਾਉਣਾ।
ਇਹ ਵੀ ਪੜ੍ਹੋ : ਲੁਧਿਆਣਾ ਵਿਜੀਲੈਂਸ ਨੇ ASI ਨੂੰ ਕੀਤਾ ਕਾਬੂ, ਮਾਮਲਾ ਸੁਲਝਾਉਣ ਲਈ ਮੰਗਦਾ ਸੀ ਪੈਸੇ
ਅਮੂਲ ਨੇ ਆਪਣੇ ਪਹਿਲੇ ਟੌਪੀਕਲ ਵਿਗਿਆਪਨ ਵਿੱਚ ਮੁੰਬਈ ਵਿੱਚ ਘੋੜ ਦੌੜ ਦੇ ਸੀਜ਼ਨ ਦੌਰਾਨ ਅਮੁਲ ਗਰਲ ਨੂੰ ਘੋੜੇ ‘ਤੇ ਬੈਠਾ ਦਿਖਾਇਆ। ਸਿਲਵੇਸਟਰ ਡਾਕੁਨਹਾ ਅਤੇ ਉਨ੍ਹਾਂ ਦੀ ਟੀਮ ਨੂੰ ਵਿਗਿਆਪਨ ਮੁਹਿੰਮ ਲਈ ਕਈ ਵਾਰ ਕਾਨੂੰਨੀ ਨੋਟਿਸ ਵੀ ਮਿਲੇ, ਪਰ ਉਨ੍ਹਾਂ ਨੇ ਕਦੇ ਹਾਰ ਨਹੀਂ ਮੰਨੀ ਅਤੇ ਆਪਣੇ ਵਿਗਿਆਪਨ ‘ਤੇ ਡਟੇ ਰਹੇ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
