ਕਈ ਵਾਰ ਕੁਝ ਅਜਿਹੀਆਂ ਘਟਨਾਵਾਂ ਵਾਪਰ ਜਾਂਦੀਆਂ ਹਨ, ਜਿਸ ਨੂੰ ਦੇਖ ਕੇ ਲੋਕ ਹੈਰਾਨ ਹੋ ਜਾਂਦੇ ਹਨ। ਹਾਲ ਹੀ ‘ਚ ਇਕ ਮਸ਼ਹੂਰ ਨਿਰਦੇਸ਼ਕ ਨਾਲ ਵੀ ਕੁਝ ਅਜਿਹਾ ਹੀ ਹੋਇਆ। ਹਾਲ ਹੀ ‘ਚ ਤਮਿਲ ਫਿਲਮ ਨਿਰਦੇਸ਼ਕ ਐਮ ਮਣੀਕੰਦਨ ਦੇ ਘਰ ਕੁਝ ਚੋਰਾਂ ਨੇ ਡਾਕਾ ਮਾਰਿਆ। ਇਹ ਘਟਨਾ ਮਦੁਰਈ ਦੇ ਉਸਲਮਪੱਟੀ ‘ਚ ਵਾਪਰੀ, ਜਿੱਥੇ ਹਾਲ ਹੀ ‘ਚ ਕੁਝ ਚੋਰ ਨਿਰਦੇਸ਼ਕ ਦੇ ਘਰ ‘ਚ ਦਾਖਲ ਹੋਏ ਅਤੇ ਘਰ ‘ਚ ਰੱਖੇ ਸੋਨੇ ਦੇ ਗਹਿਣੇ, 1 ਲੱਖ ਰੁਪਏ ਦੀ ਨਕਦੀ ਅਤੇ ਰਾਸ਼ਟਰੀ ਪੁਰਸਕਾਰ ਅਤੇ ਮੈਡਲ ਲੈ ਗਏ। ਪਰ ਫਿਰ ਕੁਝ ਅਜਿਹਾ ਹੋਇਆ ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ।
“ਕਾਕਾ ਮੁਤਈ’ ਅਤੇ ‘ਕਦੈਸੀ ਵਿਵਾਸਈ’ ਵਰਗੀਆਂ ਮਸ਼ਹੂਰ ਫਿਲਮਾਂ ਲਈ ਮਸ਼ਹੂਰ ਨਿਰਦੇਸ਼ਕ ਐਮ ਮਣੀਕੰਦਨ ਦੇ ਘਰ ਚੋਰੀ ਉਦੋਂ ਹੋਈ ਜਦੋਂ ਨਿਰਦੇਸ਼ਕ ਅਤੇ ਉਨ੍ਹਾਂ ਦਾ ਪਰਿਵਾਰ ਚੇਨਈ ਗਿਆ ਹੋਇਆ ਸੀ। ਲੁਟੇਰਿਆਂ ਨੇ ਡਾਇਰੈਕਟਰ ਦੇ ਘਰ ਅੰਦਰ ਦਾਖਲ ਹੋ ਕੇ ਸੋਨੇ ਦੇ ਗਹਿਣੇ, ਨਕਦੀ ਅਤੇ ਕੁਝ ਹੋਰ ਕੀਮਤੀ ਸਾਮਾਨ ਲੁੱਟ ਲਿਆ। ਇਸ ਦੇ ਨਾਲ ਹੀ ਚੋਰ ਘਰ ‘ਚੋਂ ਕੁਝ ਮੈਡਲ ਅਤੇ ਇਨਾਮ ਵੀ ਲੈ ਗਏ।
ਇਸ ਘਟਨਾ ਤੋਂ ਬਾਅਦ ਐੱਮ ਮਣੀਕੰਦਨ ਨੇ ਉਸਿਲਮਪੱਟੀ ਪੁਲਿਸ ਕੋਲ ਮਾਮਲਾ ਦਰਜ ਕਰਵਾਇਆ। ਪਰ, ਇਸ ਘਟਨਾ ਨੇ ਉਸ ਸਮੇਂ ਨਾਟਕੀ ਮੋੜ ਲੈ ਲਿਆ ਜਦੋਂ ਚੋਰਾਂ ਨੇ ਉਸ ਦੇ ਘਰੋਂ ਚੋਰੀ ਕੀਤੇ ਨੈਸ਼ਨਲ ਐਵਾਰਡ ਅਤੇ ਕੁਝ ਮੈਡਲ ਮਣਿਕੰਦਨ ਦੇ ਘਰ ਦੇ ਬਾਹਰ ਪਾਲੀਥੀਨ ਵਿੱਚ ਪਾ ਕੇ ਟੰਗ ਦਿੱਤੇ, ਇਸ ਵਿੱਚ ਚੋਰਾਂ ਨੇ ਮਣਿਕੰਦਨ ਤੋਂ ਆਪਣੀ ਹਰਕਤ ਲਈ ਮੁਆਫੀ ਵੀ ਮੰਗੀ ਸੀ।
ਇਹ ਵੀ ਪੜ੍ਹੋ : AI ਹੋਲੋਗ੍ਰਾਮ ਨਾਲ ਵਿਆਹ ਕਰਨ ਜਾ ਰਹੀ ਔਰਤ, ਦੁਨੀਆ ਦਾ ਪਹਿਲਾ ਅਜਿਹਾ ਮਾਮਲਾ
ਚੋਰਾਂ ਨੇ ਵਾਪਸ ਕੀਤੇ ਸਮਾਨ ਦੇ ਨਾਲ ਇੱਕ ਚਿੱਠੀ ਵੀ ਛੱਡੀ। ਦਰਅਸਲ, ਮਣਿਕੰਦਨ ਦੇ ਪਰਿਵਾਰਕ ਮੈਂਬਰਾਂ ਨੂੰ ਘਰ ਦੇ ਬਾਹਰ ਕੰਧ ‘ਤੇ ਇਕ ਪੌਲੀਥੀਨ ਬੈਗ ਲਟਕਿਆ ਮਿਲਿਆ, ਜਿਸ ਵਿਚ ਉਸ ਦੇ ਰਾਸ਼ਟਰੀ ਪੁਰਸਕਾਰ ਅਤੇ ਕੁਝ ਮੈਡਲ ਸਨ। ਚੋਰ ਇਹ ਸਾਮਾਨ ਪਹਿਲਾਂ ਆਪਣੇ ਨਾਲ ਲੈ ਗਏ ਸਨ। ਪਰ ਬਾਅਦ ਵਿੱਚ ਉਨ੍ਹਾਂ ਨੇ ਇਹ ਤਮਗੇ ਅਤੇ ਪੁਰਸਕਾਰ ਵਾਪਸ ਕਰ ਦਿੱਤੇ ਅਤੇ ਮੁਆਫੀਨਾਮੇ ਵਿੱਚ ਲਿਖਿਆ- “ਸਾਨੂੰ ਅਫਸੋਸ ਹੈ ਭਰਾ। ਤੁਹਾਡੀ ਮਿਹਨਤ ਸਿਰਫ ਤੁਹਾਡੀ ਹੈ।”
ਭਾਵੇਂ ਚੋਰਾਂ ਨੇ ਮੈਡਲ ਅਤੇ ਇਨਾਮ ਵਾਪਸ ਕਰ ਦਿੱਤੇ ਹੋਣ ਪਰ ਚੋਰੀ ਹੋਏ ਸੋਨੇ ਦੇ ਗਹਿਣੇ ਅਤੇ ਪੈਸੇ ਅਜੇ ਤੱਕ ਬਰਾਮਦ ਨਹੀਂ ਹੋਏ ਹਨ। ਤੁਹਾਨੂੰ ਦੱਸ ਦੇਈਏ, ਮਣੀਕੰਦਨ ਆਪਣੇ ਪਰਿਵਾਰ ਨਾਲ ਚੇਨਈ ਵਿੱਚ ਰਹਿੰਦਾ ਹੈ। ਉਸਲਮਪੱਟੀ ਵਿੱਚ ਉਸਦਾ ਇੱਕ ਪਾਲਤੂ ਕੁੱਤਾ ਹੈ, ਜਿਸ ਦੀ ਦੇਖਭਾਲ ਉਸ ਦਾ ਦੋਸਤ ਕਰਦਾ ਹੈ। ਮਣੀਕੰਦਨ ਦੇ ਦੋਸਤ ਨੂੰ ਲੁੱਟ ਬਾਰੇ ਉਦੋਂ ਪਤਾ ਲੱਗਾ ਜਦੋਂ ਉਹ ਕੁੱਤੇ ਨੂੰ ਖਾਣਾ ਖੁਆਉਣ ਲਈ ਆਇਆ ਸੀ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
