ਭਾਰਤੀ ਕੁਸ਼ਤੀ ਫੈਡਰੇਸ਼ਨ ਦੇ ਸਾਬਕਾ ਪ੍ਰਧਾਨ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਖਿਲਾਫ ਮੋਰਚਾ ਖੋਲ੍ਹਣ ਵਾਲੀ ਮਹਿਲਾ ਪਹਿਲਵਾਨ ਸੰਗੀਤਾ ਫੋਗਾਟ ਨੇ ਇਕ ਵਾਰ ਫਿਰ ਅੰਤਰਰਾਸ਼ਟਰੀ ਪੱਧਰ ‘ਤੇ ਭਾਰਤ ਦਾ ਨਾਂ ਰੌਸ਼ਨ ਕੀਤਾ ਹੈ। ਸੰਗੀਤਾ ਫੋਗਾਟ ਨੇ ਬੁਡਾਪੇਸਟ, ਹੰਗਰੀ ਵਿੱਚ ਪੋਲਿਕ ਇਮਰੇ ਅਤੇ ਵਰਗਾ ਜਾਨੋਸ ਮੈਮੋਰੀਅਲ ਰੈਂਕਿੰਗ ਸੀਰੀਜ਼ ਕੁਸ਼ਤੀ ਚੈਂਪੀਅਨਸ਼ਿਪ ਵਿੱਚ ਹੰਗਰੀ ਦੀ ਵਿਕਟੋਰੀਆ ਬੋਰਸੋਸ ਨੂੰ ਹਰਾ ਕੇ 59 ਕਿਲੋਗ੍ਰਾਮ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਹੈ।
ਤੀਜੇ-ਚੌਥੇ ਸਥਾਨ ਦੇ ਮੈਚ ਵਿੱਚ ਸੰਗੀਤਾ ਨੇ ਆਪਣੀ ਹੰਗਰੀ ਦੀ ਵਿਰੋਧੀ ਖਿਡਾਰਨ ਨੂੰ ਫੈਸਲੇ (VPO1) 6-2 ਨਾਲ ਹਰਾਇਆ। ਸੰਯੁਕਤ ਰਾਜ ਦੀ ਜੈਨੀਫਰ ਪੇਜ ਰੋਜਰਸ ਤੋਂ ਹਾਰ ਕੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰਨ ਤੋਂ ਬਾਅਦ, ਉਹ ਰੀਪੇਚੇਜ ਰਾਊਂਡ ਰਾਹੀਂ ਸੈਮੀਫਾਈਨਲ ਵਿੱਚ ਪਹੁੰਚੀ। ਉਸਨੇ ਤੀਜੇ ਦੌਰ ਵਿੱਚ ਇੱਕ ਹੋਰ ਅਮਰੀਕੀ ਪਹਿਲਵਾਨ ਬ੍ਰੈਂਡਾ ਓਲੀਵੀਆ ਰੇਨਾ ਨੂੰ ਤਕਨੀਕੀ ਉੱਤਮਤਾ (VSU1), 12-2 ਨਾਲ ਹਰਾ ਕੇ ਵਾਪਸੀ ਕੀਤੀ।
ਸੰਗੀਤਾ ਨੇ ਸ਼ੁਰੂ ਤੋਂ ਹੀ ਹਮਲਾਵਰ ਰੁਖ਼ ਅਪਣਾਇਆ। ਉਸ ਨੇ ਤੇਜ਼ 4-2 ਦੀ ਬੜ੍ਹਤ ਲੈ ਲਈ ਅਤੇ ਤਕਨੀਕੀ ਉੱਤਮਤਾ ਦੇ ਆਧਾਰ ‘ਤੇ ਮੁਕਾਬਲਾ ਜਿੱਤ ਲਿਆ। ਸੰਗੀਤਾ ਨੇ ਤੀਜੇ ਦੌਰ ‘ਚ ਜਿੱਤ ਦੇ ਨਾਲ ਸੈਮੀਫਾਈਨਲ ‘ਚ ਜਗ੍ਹਾ ਬਣਾ ਲਈ, ਪਰ ਉਹ ਫਾਈਨਲ ‘ਚ ਅੱਗੇ ਨਹੀਂ ਵਧ ਸਕੀ। ਸੰਗੀਤਾ ਆਪਣਾ ਸੈਮੀਫਾਈਨਲ ਮੈਚ ਪੋਲੈਂਡ ਦੀ ਮਾਗਡਾਲੇਨਾ ਉਰਜ਼ੁਲਾ ਗਲੋਡਰ ਤੋਂ 4-6 ਅੰਕਾਂ ਨਾਲ ਹਾਰ ਗਈ ਪਰ ਤੀਜੇ-ਚੌਥੇ ਸਥਾਨ ਦੇ ਮੈਚ ਵਿੱਚ ਵਾਪਸੀ ਕਰਕੇ ਕਾਂਸੀ ਦਾ ਤਗ਼ਮਾ ਜਿੱਤ ਲਿਆ।
ਇਹ ਵੀ ਪੜ੍ਹੋ : ਹਰਿਆਣਾ ‘ਚ 13 ਜ਼ਿਲ੍ਹੇ ਅਜੇ ਵੀ ਹੜ੍ਹ ਨਾਲ ਪ੍ਰਭਾਵਿਤ, ਮੌਸਮ ਵਿਭਾਗ ਵੱਲੋਂ ਯੈਲੋ ਅਲਰਟ ਜਾਰੀ
ਕਾਂਸੀ ਦਾ ਤਗਮਾ ਜਿੱਤਣ ਤੋਂ ਬਾਅਦ ਸੰਗੀਤਾ ਨੇ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ ‘ਤੇ ਲਿਖਿਆ, ‘ਮੈਂ ਇਸ ਸਮੇਂ ਬਹੁਤ ਭਾਵੁਕ ਹਾਂ ਕਿਉਂਕਿ ਤੁਹਾਡੇ ਸਾਰੇ ਵਧਾਈ ਸੰਦੇਸ਼ ਮੇਰੇ ਤੱਕ ਪਹੁੰਚ ਰਹੇ ਹਨ। ਤੁਹਾਡੇ ਸਾਰਿਆਂ ਦਾ ਬਹੁਤ ਬਹੁਤ ਧੰਨਵਾਦ। ਇਹ ਮੈਡਲ ਸਿਰਫ਼ ਮੇਰਾ ਨਹੀਂ, ਤੁਹਾਡੇ ਸਾਰਿਆਂ ਦਾ ਮੈਡਲ ਹੈ। ਮੈਂ ਇਹ ਮੈਡਲ ਦੁਨੀਆ ਦੀਆਂ ਉਨ੍ਹਾਂ ਸਾਰੀਆਂ ਸੰਘਰਸ਼ਸ਼ੀਲ ਔਰਤਾਂ ਨੂੰ ਸਮਰਪਿਤ ਕਰਦੀ ਹਾਂ ਜੋ ਔਰਤਾਂ ਵਿਰੁੱਧ ਹੋਏ ਅਪਰਾਧਾਂ ਖਿਲਾਫ ਲੜ ਰਹੀਆਂ ਹਨ। ਜੈ ਹਿੰਦ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
