ਹਿਮਾਚਲ ਪ੍ਰਦੇਸ਼ ਦੇ ਊਨਾ ਜ਼ਿਲ੍ਹੇ ਦੇ ਵਿਸ਼ਵ ਪ੍ਰਸਿੱਧ ਸ਼ਕਤੀਪੀਠ ਮਾਂ ਚਿੰਤਪੁਰਨੀ ਦੇ ਦਰਬਾਰ ਵਿੱਚ ਹਰ ਰੋਜ਼ ਹਜ਼ਾਰਾਂ ਸ਼ਰਧਾਲੂ ਮੱਥਾ ਟੇਕਦੇ ਹਨ। ਇਸ ਦੌਰਾਨ ਸ਼ਰਧਾਲੂ ਮਾਂ ਦੇ ਦਰਬਾਰ ‘ਚ ਨਕਦੀ ਅਤੇ ਸੋਨਾ-ਚਾਂਦੀ ਚੜ੍ਹਾਉਂਦੇ ਹਨ। ਮੰਦਿਰ ਟਰੱਸਟ ਚਿੰਤਪੁਰਨੀ ਵੱਲੋਂ ਸਾਲ 2023 ਦੇ ਜਨਵਰੀ ਅਤੇ ਫਰਵਰੀ ਦੇ ਪਹਿਲੇ ਦੋ ਮਹੀਨਿਆਂ ਦੇ ਚੜ੍ਹਾਵੇ ਦੇ ਅੰਕੜੇ ਜਾਰੀ ਕੀਤੇ ਗਏ ਹਨ।
ਮੰਦਰ ਟਰੱਸਟ ਚਿੰਤਪੁਰਨੀ ਦੇ ਵਿੱਤ ਤੇ ਲੇਖਾ ਅਧਿਕਾਰੀ ਸ਼ਮੀ ਰਾਜ ਨੇ ਦੱਸਿਆ ਕਿ ਜਨਵਰੀ ਮਹੀਨੇ ‘ਚ ਮੰਦਰ ਟਰੱਸਟ ਚਿੰਤਪੁਰਨੀ ਨੂੰ 1.96 ਕਰੋੜ ਰੁਪਏ ਦੀ ਭੇਟਾ ਮਿਲੀ ਹੈ, ਜਦਕਿ ਫਰਵਰੀ ਮਹੀਨੇ ‘ਚ ਮੰਦਰ ਟਰੱਸਟ ਚਿੰਤਪੁਰਨੀ ਨੂੰ 2.24 ਕਰੋੜ ਰੁਪਏ ਦੀ ਭੇਟਾ ਮਿਲੀ ਹੈ। ਕੁੱਲ 2 ਮਹੀਨਿਆਂ ਵਿੱਚ, ਮੰਦਰ ਟਰੱਸਟ ਨੂੰ 4.20 ਕਰੋੜ ਰੁਪਏ ਦੀ ਭੇਟਾ ਮਿਲੀ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
ਫਰਵਰੀ ਦੇ ਮਹੀਨੇ ਤਾਪਮਾਨ ਵਧਣ ਕਾਰਨ ਇਸ ਦਾ ਅਸਰ ਚੜ੍ਹਾਵੇ ‘ਤੇ ਵੀ ਦੇਖਣ ਨੂੰ ਮਿਲਿਆ ਹੈ। ਜਨਵਰੀ ਮਹੀਨੇ ਦੇ ਮੁਕਾਬਲੇ ਫਰਵਰੀ ਮਹੀਨੇ ਵਿੱਚ ਚੜ੍ਹਾਵੇ ਵਿੱਚ ਵਾਧਾ ਦਰਜ ਕੀਤਾ ਗਿਆ ਸੀ, ਜਦੋਂ ਕਿ ਫਰਵਰੀ ਮਹੀਨੇ ਵਿੱਚ 3 ਦਿਨ ਘੱਟ ਹਨ। 22 ਮਾਰਚ ਤੋਂ 30 ਮਾਰਚ ਤੱਕ ਹੋਣ ਵਾਲੇ ਚੈਤਰ ਨਵਰਾਤਰੀ ਮੇਲੇ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ।
