Cbi booked hyderabad company: ਕੇਂਦਰੀ ਜਾਂਚ ਬਿਊਰੋ (ਸੀ ਬੀ ਆਈ) ਨੇ ਹੈਦਰਾਬਾਦ ਵਿੱਚ ਟਰਾਂਸਟਰੋਈ (ਇੰਡੀਆ) ਲਿਮਟਿਡ ਅਤੇ ਇਸਦੇ ਡਾਇਰੈਕਟਰਾਂ ਖ਼ਿਲਾਫ਼ 7,926 ਕਰੋੜ ਰੁਪਏ ਦੀ ਬੈਂਕ ਧੋਖਾਧੜੀ ਲਈ ਕੇਸ ਦਰਜ ਕੀਤਾ ਹੈ। ਇਹ ਦੇਸ਼ ਵਿੱਚ ਵੱਡੇ ਬੈਂਕ ਘੁਟਾਲਿਆਂ ਵਿੱਚ ਸ਼ਾਮਿਲ ਨੀਰਵ ਮੋਦੀ ਕੇਸ ਨਾਲੋਂ ਵੀ ਵੱਡਾ ਘੁਟਾਲਾ ਹੈ। ਜਾਂਚ ਏਜੰਸੀ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਸੀਬੀਆਈ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਏਜੰਸੀ ਨੇ ਕੰਪਨੀ ਅਤੇ ਮੁਲਜ਼ਮ ਡਾਇਰੈਕਟਰਾਂ ਦੇ ਕੈੰਪਸ ਦੀ ਤਲਾਸ਼ੀ ਲਈ ਅਤੇ ਕਈ ਕਾਗਜ਼ਾਤ ਪ੍ਰਾਪਤ ਕੀਤੇ। ਸੀਬੀਆਈ ਨੇ ਆਪਣੀ ਐਫਆਈਆਰ ਵਿੱਚ ਕੰਪਨੀ, ਇਸ ਦੇ ਚੇਅਰਮੈਨ-ਕਮ-ਮੈਨੇਜਿੰਗ ਡਾਇਰੈਕਟਰ ਚੈਰਕੁਰੀ ਸ੍ਰੀਧਰ ਅਤੇ ਵਾਧੂ ਡਾਇਰੈਕਟਰ ਰਾਏਪਤੀ ਸੰਬਾਸਿਵਾ ਰਾਓ ਅਤੇ ਅਕਿਨੇਨੀ ਸਤੀਸ਼ ਨੂੰ ਨਾਮਜ਼ਦ ਕੀਤਾ ਹੈ। ਇਹ ਇਲਜ਼ਾਮ ਲਗਾਇਆ ਜਾਂਦਾ ਹੈ ਕਿ ਹੈਦਰਾਬਾਦ ਸਥਿਤ ਨਿੱਜੀ ਕੰਪਨੀ ਅਤੇ ਇਸਦੇ ਡਾਇਰੈਕਟਰਾਂ ਨੇ ਵੱਖ ਵੱਖ ਬੈਂਕਿੰਗ ਪ੍ਰਬੰਧਾਂ ਅਧੀਨ ਕਰਜ਼ੇ ਲਏ ਸਨ।
ਸੀਬੀਆਈ ਦੇ ਬੁਲਾਰੇ ਆਰ ਕੇ ਗੌੜ ਨੇ ਕਿਹਾ, “ਬੈਂਕਾਂ ਦਾ ਇੱਕ ਸਮੂਹ ਕੇਨਰਾ ਬੈਂਕ ਦੀ ਅਗਵਾਈ ਵਿੱਚ ਬਣਾਇਆ ਗਿਆ ਸੀ। ਇਹ ਵੀ ਇਲਜਾਮ ਲਗਾਇਆ ਗਿਆ ਹੈ ਕਿ ਲੇਖਾ ਪੁਸਤਕਾਂ ਵਿੱਚ ਧੋਖਾਧੜੀ ਕੀਤੀ ਗਈ ਹੈ, ਸਟਾਕ ਸਟੇਟਮੈਂਟਾਂ ਨੂੰ ਜਾਅਲੀ ਬਣਾਇਆ ਗਿਆ ਸੀ, ਬੈਲੈਂਸ ਸ਼ੀਟ ਨਾਲ ਛੇੜਛਾੜ ਕੀਤੀ ਗਈ ਸੀ, ਅਤੇ ਰਕਮ ਇੱਧਰ-ਉੱਧਰ ਲਿਜਾ ਕੇ ਪ੍ਰਾਪਤ ਕੀਤੀ ਗਈ ਸੀ। ਸੀ ਬੀ ਆਈ ਨੇ ਦੋਸ਼ ਲਾਇਆ ਹੈ ਕਿ ਡਾਇਰੈਕਟਰਾਂ ਨੇ ਬੈਂਕ ਦੇ ਮੈਂਬਰਾਂ ਨੂੰ 7,926.01 ਕਰੋੜ ਰੁਪਏ ਦਾ ਚੂਨਾ ਲਾਇਆ ਹੈ। ਗੋੜ ਨੇ ਕਿਹਾ, “ਹੈਦਰਾਬਾਦ ਅਤੇ ਗੁੰਟੂਰ ਵਿੱਚ ਪ੍ਰਾਈਵੇਟ ਕੰਪਨੀ / ਹੋਰ ਮੁਲਜ਼ਮਾਂ ਦੇ ਕੈੰਪਸ ਦੀ ਤਲਾਸ਼ੀ ਲਈ ਗਈ ਜਿਸ ਵਿੱਚ ਮੁਕੱਦਮੇ ਸਬੰਧੀ ਕਈ ਦਸਤਾਵੇਜ਼ ਪੇਸ਼ ਕੀਤੇ ਗਏ।” ਸੀਬੀਆਈ ਅਨੁਸਾਰ ਨੀਰਵ ਮੋਦੀ ਨੇ ਕਥਿਤ ਤੌਰ ’ਤੇ 6000 ਕਰੋੜ ਰੁਪਏ ਅਤੇ ਉਸ ਦੇ ਮਾਮੇ ਨੇ 7080.86 ਕਰੋੜ ਰੁਪਏ ਦੀ ਧਾਂਦਲੀ ਕੀਤੀ ਸੀ।
