india china ladakh border conflict resolved: ਪੂਰਬੀ ਲੱਦਾਖ ਵਿੱਚ ਭਾਰਤ ਅਤੇ ਚੀਨ ਵਿਚਾਲੇ ਸਰਹੱਦ ‘ਤੇ ਮਈ ਤੋਂ ਜਾਰੀ ਤਣਾਅ ਦੀਵਾਲੀ ਤੋਂ ਪਹਿਲਾ ਖਤਮ ਹੋਣ ਦੀ ਉਮੀਦ ਹੈ। ਦੋਵੇਂ ਦੇਸ਼ਾਂ ਦੀਆਂ ਫੌਜਾਂ ਨੇ ਲੱਦਾਖ ਸਰਹੱਦ ‘ਤੇ ਫਿੰਗਰ ਖੇਤਰ ‘ਚ ਫ਼ੌਜਾਂ ਨੂੰ ਹਟਾਉਣ ਲਈ ਸਹਿਮਤੀ ਦਿੱਤੀ ਹੈ। ਫੌਜਾਂ ਦੀ ਵਾਪਸੀ ਦਾ ਕੰਮ ਪੜਾਅਵਾਰ ਪੂਰਾ ਕੀਤਾ ਜਾਵੇਗਾ। ਫੌਜਾਂ ਦੇ ਪਿੱਛੇ ਹੱਟਣ ਦੀ ਯੋਜਨਾ ਅਤੇ ਸਰਹੱਦ ‘ਤੇ ਤਣਾਅ ਨੂੰ ਘਟਾਉਣ ਲਈ 6 ਨਵੰਬਰ ਨੂੰ ਚੁਸ਼ੂਲ ‘ਚ ਹੋਈ ਦੋਵਾਂ ਦੇਸ਼ਾਂ ਦਰਮਿਆਨ ਕੋਰ ਕਮਾਂਡਰ ਪੱਧਰੀ ਗੱਲਬਾਤ ਵਿੱਚ ਇਹ ਵਿਚਾਰ-ਵਟਾਂਦਰਾ ਕੀਤਾ ਗਿਆ ਸੀ। ਦੋਵਾਂ ਦੇਸ਼ਾਂ ਦੀਆਂ ਫੌਜਾਂ ਨੇ ਪੂਰਬੀ ਲੱਦਾਖ ਸੈਕਟਰ ਦੇ ਕੁੱਝ ਹਿੱਸਿਆਂ ਤੋਂ ਪਿੱਛੇ ਹੱਟਣ ਲਈ ਸਹਿਮਤੀ ਜਤਾਈ ਹੈ, ਜਿਸ ਦੇ ਤਹਿਤ ਉਹ ਇਸ ਸਾਲ ਅਪ੍ਰੈਲ-ਮਈ ਦੇ ਸਥਾਨਾਂ ‘ਤੇ ਫਿਰ ਵਾਪਿਸ ਆਉਣਗੀਆਂ। ਜੇ ਅਜਿਹਾ ਹੁੰਦਾ ਹੈ ਤਾਂ ਦੀਵਾਲੀ ਤੋਂ ਪਹਿਲਾਂ ਦੇਸ਼ ਵਾਸੀਆਂ ਲਈ ਇਹ ਇੱਕ ਵੱਡੀ ਖ਼ਬਰ ਹੋਵੇਗੀ।
ਭਾਰਤ ਅਤੇ ਚੀਨ ਸਰਹੱਦੀ ਵਿਵਾਦ ਨੂੰ ਲੈ ਕੇ ਕਾਫ਼ੀ ਸਮੇਂ ਤੋਂ ਗੱਲਬਾਤ ਕਰ ਰਹੇ ਸਨ, ਹੁਣ ਦੋਵੇਂ ਦੇਸ਼ ਪੜਾਅਵਾਰ ਫਿੰਗਰ ਏਰੀਆ, ਪਾਨਗੋਂਗ ਝੀਲ ਖੇਤਰ ਨੂੰ ਖਾਲੀ ਕਰਨ ਅਤੇ ਆਪਣੀ ਪੁਰਾਣੀ ਸਥਿਤੀ ‘ਤੇ ਪਹੁੰਚਣ ਲਈ ਸਹਿਮਤ ਹੋ ਗਏ ਹਨ। ਸਰਕਾਰੀ ਸੂਤਰਾਂ ਦੇ ਅਨੁਸਾਰ, ਪੈਨਗੋਂਗ ਝੀਲ ਦੇ ਉੱਤਰੀ ਅਤੇ ਦੱਖਣ ਖੇਤਰਾਂ ਵਿੱਚ ਫੌਜਾਂ ਨੂੰ ਹਟਾਉਣ ਲਈ ਸਹਿਮਤੀ ਬਣ ਗਈ ਹੈ, ਦੀਵਾਲੀ ਦੇ ਆਸਪਾਸ ਇੱਥੋਂ ਫੌਜਾਂ ਹੱਟਣ ਦੀ ਖ਼ਬਰ ਆ ਸਕਦੀ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ, ਰਿਟਰੀਟ ਯੋਜਨਾ ਦੇ ਅਨੁਸਾਰ, ਦੋਵਾਂ ਦੇਸ਼ਾਂ ਦੀਆਂ ਫੌਜਾਂ ਪਹਿਲੇ ਹਫਤੇ ਵਿੱਚ ਪੈਨਗੋਂਗ ਤਸੋ ਝੀਲ ਖੇਤਰ ਨੂੰ ਖਾਲੀ ਕਰ ਦੇਣਗੀਆਂ। ਇਸ ਦੇ ਨਾਲ ਹੀ ਅਸਲ ਕੰਟਰੋਲ ਰੇਖਾ (ਐਲਏਸੀ) ਤੋਂ ਮਹੱਤਵਪੂਰਣ ਦੂਰੀ ਤੇ ਟੈਂਕਾਂ ਅਤੇ ਫੌਜਾਂ ਨੂੰ ਵੀ ਪਿੱਛੇ ਕੀਤਾ ਜਾਵੇਗਾ। ਦੋਵਾਂ ਸੈਨਾਵਾਂ ਵਿਚਾਲੇ ਤਿੰਨ ਪੜਾਅ ਦੀ ਯੋਜਨਾ ‘ਤੇ ਸਹਿਮਤੀ ਬਣੀ ਹੈ। ਦੱਸ ਦੇਈਏ ਕਿ ਅਪ੍ਰੈਲ ਮਹੀਨੇ ਤੋਂ ਚੀਨ ਦੀ ਸਰਹੱਦ ‘ਤੇ ਤਣਾਅ ਵਾਲੀ ਸਥਿਤੀ ਬਣੀ ਹੋਈ ਸੀ। ਇਸ ਸਮੇਂ ਦੌਰਾਨ, ਚੀਨੀ ਫੌਜ ਨੇ ਬਹੁਤ ਸਾਰੇ ਭਾਰਤੀ ਪੈਟਰੋਲਿੰਗ ਬਿੰਦੂਆਂ ‘ਤੇ ਕਬਜ਼ਾ ਕਰ ਲਿਆ ਸੀ, ਪਰ ਸਮੇਂ ਸਿਰ, ਭਾਰਤੀ ਸੈਨਿਕਾਂ ਨੇ ਚੀਨ ਨੂੰ ਇਸਦਾ ਕਰਾਰਾ ਜਵਾਬ ਦਿੱਤਾ।
