pakistan desperate to smuggle weapons: ਨਵੀਂ ਦਿੱਲੀ: ਜਦੋਂ ਅੰਤਰਰਾਸ਼ਟਰੀ ਅੱਤਵਾਦ ਨੂੰ ਉਤਸ਼ਾਹਿਤ ਕਰਨ ਦੇ ਦੋਸ਼ ਵਿੱਚ ਪਾਕਿਸਤਾਨ ਖਿਲਾਫ ਗਲੋਬਲ ਵਿੱਤੀ ਕਾਰਵਾਈ ਟਾਸਕ ਫੋਰਸ (FATF) ਇਸ ਮਹੀਨੇ ਦੇ ਅੰਤ ਵਿੱਚ ਬੈਠਕ ਕਰ ਰਿਹਾ ਹੈ, ਤਾਂ ਫਿਰ ਪਾਕਿਸਤਾਨ ਸਮਰਥਿਤ ਅੱਤਵਾਦੀ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਦੇ ਜ਼ਰੀਏ ਵੱਡੀ ਮਾਤਰਾ ਵਿੱਚ ਭਾਰਤ ‘ਚ ਹਥਿਆਰ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਹਾਲਾਂਕਿ, ਪਾਕਿ ਅੱਤਵਾਦੀਆਂ ਦੀ ਇਸ ਯੋਜਨਾ ‘ਤੇ ਭਾਰਤੀ ਫੌਜ ਦੇ ਜਵਾਨਾਂ ਨੇ ਪਾਣੀ ਫੇਰ ਦਿੱਤਾ ਹੈ। ਉੱਤਰੀ ਕਸ਼ਮੀਰ ਦੇ ਕੇਰਨ ਸੈਕਟਰ ਵਿੱਚ ਤਾਇਨਾਤ ਸੈਨਾ ਦੇ ਜਵਾਨਾਂ ਨੇ ਕਿਸ਼ਨਗੰਗਾ ਨਦੀ ਰਾਹੀਂ ਹਥਿਆਰਾਂ ਦੀ ਤਸਕਰੀ ਦੀਆਂ ਕੋਸ਼ਿਸ਼ਾਂ ਨੂੰ ਅਸਫਲ ਕਰ ਦਿੱਤਾ ਹੈ। ਸੈਨਾ ਨੇ ਰਾਜ ਪੁਲਿਸ ਫੋਰਸ ਦੇ ਨਾਲ ਸਾਂਝੇ ਅਭਿਆਨ ਵਿੱਚ ਇਸ ਨੂੰ ਅੰਜਾਮ ਦਿੱਤਾ।
ਸਰਵੀਲੈਂਸ ਉਪਕਰਣਾਂ ਦੀ ਮਦਦ ਨਾਲ ਇੱਕ ਸੈਨਾ ਦੇ ਜਵਾਨਾਂ ਦੀ ਟੁਕੜੀ ਨੇ ਸ਼ੁੱਕਰਵਾਰ (9 ਅਕਤੂਬਰ) ਨੂੰ ਰਾਤ ਕਰੀਬ 8.30 ਵਜੇ ਕੰਟਰੋਲ ਰੇਖਾ ‘ਤੇ ਕਿਸ਼ਨ ਗੰਗਾ ਨਦੀ (ਕੇਜੀਆਰ) ਦੇ ਕਿਨਾਰੇ ਤਸਕਰੀ ਦੀ ਯੋਜਨਾ ਦਾ ਪਤਾ ਲਗਾਇਆ। ਇਸ ਤੋਂ ਜਲਦੀ ਬਾਅਦ ਹੀ ਜੰਮੂ-ਕਸ਼ਮੀਰ ਪੁਲਿਸ ਨਾਲ ਸਾਂਝੀ ਮੁਹਿੰਮ ਸ਼ੁਰੂ ਕੀਤੀ ਗਈ। ਰਾਤ ਦੇ 10 ਵਜੇ ਦੇ ਕਰੀਬ, ਆਪ੍ਰੇਸ਼ਨ ਵਿੱਚ ਲੱਗੇ ਜਵਾਨਾਂ ਨੇ 2-3 ਅੱਤਵਾਦੀਆਂ ਦਾ ਪਤਾ ਲਗਾਇਆ, ਜੋ ਕਿ ਟਿਊਬ ਵਿੱਚ ਕੁੱਝ ਚੀਜ਼ਾਂ ਲਿਜਾਣ ਦੀ ਕੋਸ਼ਿਸ਼ ਕਰ ਰਹੇ ਸਨ, ਜਿਸ ਨੂੰ ਇੱਕ ਰੱਸੀ ਨਾਲ ਬੰਨ੍ਹਿਆ ਹੋਇਆ ਸੀ, ਕਿਸ਼ਨ ਗੰਗਾ ਨਦੀ ਦੇ ਕਿਨਾਰੇ। ਸਿਪਾਹੀ ਤੁਰੰਤ ਉਸ ਜਗ੍ਹਾ ‘ਤੇ ਪਹੁੰਚ ਗਏ ਅਤੇ ਉੱਥੋਂ ਹਥਿਆਰਾਂ ਦਾ ਇੱਕ ਵੱਡਾ ਭੰਡਾਰ ਬਰਾਮਦ ਕੀਤਾ। ਬਰਾਮਦ ਕੀਤੇ ਗਏ ਹਥਿਆਰਾਂ ਵਿੱਚ ਚਾਰ ਏ ਕੇ-74 ਰਾਈਫਲਾਂ, ਅੱਠ ਮੈਗਜ਼ੀਨ, 240 ਏ ਕੇ ਰਾਈਫਲਾਂ ਸ਼ਾਮਿਲ ਹਨ। ਕਸ਼ਮੀਰ ਵਿੱਚ ਪੀਓਕੇ ਰਾਹੀਂ ਅੱਤਵਾਦੀ ਸਮਾਨ ਦੀ ਸਪਲਾਈ ਕਰਕੇ ਪਾਕਿਸਤਾਨ ਲਗਾਤਾਰ ਅੱਤਵਾਦ ਫੈਲਾਉਣ ਦੀ ਕੋਸ਼ਿਸ ਕਰ ਰਿਹਾ ਹੈ।
