ਪ੍ਰਧਾਨ ਮੰਤਰੀ ਜੂਨ ਵਿੱਚ ਅਮਰੀਕਾ ਜਾਣ ਵਾਲੇ ਹਨ। ਇਸ ਦੌਰਾਨ ਅਮਰੀਕਾ ਦੇ ਰਾਸ਼ਟਰਪਤੀ ਜੋ ਬਾਇਡੇਨ ਉਨ੍ਹਾਂ ਨੂੰ ਸਟੇਟ ਡਿਨਰ ਦੇ ਲਈ ਸੱਦਾ ਦੇ ਸਕਦੇ ਹਨ। ਮੀਡੀਆ ਰਿਪੋਰਟਾਂ ਅਨੁਸਾਰ ਨਿਊਯਾਰਕ ਵਿੱਚ PM ਮੋਦੀ UN ਹੈੱਡਕੁਆਰਟਰ ਵਿੱਚ ਵਿਸ਼ਵ ਯੋਗ ਦਿਵਸ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਣਗੇ। ਇਸਦੇ ਬਾਅਦ ਸ਼ਿਕਾਗੋ ਵਿੱਚ ਭਾਰਤੀ ਭਾਈਚਾਰੇ ਦੇ ਨਾਲ ਮੋਦੀ ਇੱਕ ਵੱਡੇ ਕਮਿਊਨਿਟੀ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਣਗੇ। ਇਸ ਮੀਟਿੰਗ ਤੋਂ ਪਹਿਲਾਂ PM ਮੋਦੀ ਅਤੇ ਰਾਸ਼ਟਰਪਤੀ ਬਾਇਡੇਨ ਮਈ ਵਿੱਚ ਆਸਟ੍ਰੇਲੀਆ ਵਿੱਚ ਹੋਣ ਵਾਲੀ ਕਵਾਡ ਮੀਟਿੰਗ ਦੇ ਦੌਰਾਨ ਵੀ ਮਿਲਣਗੇ। ਕਵਾਡ ਦੇਸ਼ਾਂ ਦੀ ਇਸ ਬੈਠਕ ਵਿੱਚ ਜਪਾਨ ਤੇ ਆਸਟ੍ਰੇਲੀਆਈ ਲੀਡਰ ਵੀ ਮੌਜੂਦ ਰਹਿਣਗੇ। ਉੱਥੇ 9-10 ਸਤੰਬਰ ਵਿੱਚ ਭਾਰਤ G-20 ਸੰਮੇਲਨ ਵੀ ਹੋਸਟ ਕਰਨ ਵਾਲਾ ਹੈ, ਜਿਸ ਵਿੱਚ ਬਾਇਡੇਨ ਵੀ ਸ਼ਾਮਿਲ ਹੋਣਗੇ ।
PM ਮੋਦੀ ਇਸ ਤੋਂ ਪਹਿਲਾਂ 5 ਵਾਰ ਅਮਰੀਕੀ ਰਾਸ਼ਟਰਪਤੀ ਬਾਇਡੇਨ ਨਾਲ ਮੁਲਾਕਾਤ ਕਰ ਚੁੱਕੇ ਹਨ। ਉਨ੍ਹਾਂ ਦੀ ਪਹਿਲੀ ਮੁਲਾਕਾਤ ਸਤੰਬਰ 2021 ਵਿੱਚ ਅਮਰੀਕਾ ਵਿੱਚ ਹੋਈ ਸੀ। ਉਦੋਂ ਦੋਹਾਂ ਨੇਤਾਵਾਂ ਨੇ ਵ੍ਹਾਈਟ ਹਾਊਸ ਵਿੱਚ ਕਰੀਬ 90 ਮਿੰਟ ਤੱਕ ਗੱਲਬਾਤ ਕੀਤੀ ਸੀ। ਇਸਦੇ ਬਾਅਦ ਮੋਦੀ ਤੇ ਬਾਇਡੇਨ ਅਕਤੂਬਰ ਵਿੱਚ ਇਟਲੀ ਵਿੱਚ G-20 ਸੰਮੇਲਨ ਦੇ ਦੌਰਾਨ ਮਿਲੇ ਸੀ। ਦੋਹਾਂ ਨੇਤਾਵਾਂ ਦੀ ਅਗਲੀ ਮੁਲਾਕਾਤ ਮਈ 2022 ਵਿੱਚ QUAD ਸੰਮੇਲਨ ਦੇ ਦੌਰਾਨ ਹੋਈ ਸੀ। ਫਿਰ ਦੋਨੋਂ ਜੂਨ 2022 ਵਿੱਚ G-7 ਸਮਿਟ ਦੇ ਦੌਰਾਨ ਜਰਮਨੀ ਵਿੱਚ ਮਿਲੇ ਸੀ। ਮੋਦੀ-ਬਾਇਡੇਨ ਦੀ ਆਖਰੀ ਮੁਲਾਕਾਤ ਨਵੰਬਰ 2022 ਵਿੱਚ ਇੰਡੋਨੇਸ਼ੀਆ ਦੇ ਬਾਲੀ ਵਿੱਚ G-20 ਸੰਮੇਲਨ ਦੇ ਦੌਰਾਨ ਹੋਈ ਸੀ।
ਇਹ ਵੀ ਪੜ੍ਹੋ: ਅੰਮ੍ਰਿਤਪਾਲ ਸਿੰਘ ਦੇ ਸਾਥੀਆਂ ਨੂੰ ਲੈ ਕੇ ਵੱਡੀ ਖਬਰ, 4 ਸਾਥੀਆਂ ਨੂੰ ਅਸਮ ਲੈ ਕੇ ਪਹੁੰਚੀ ਪੰਜਾਬ ਪੁਲਿਸ
ਦੱਸ ਦੇਈਏ ਕਿ ਅਮਰੀਕਾ ਦੇ ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਇਹ ਬਾਇਡੇਨ ਦਾ ਤੀਜਾ ਸਟੇਟ ਡਿਨਰ ਹੋਵੇਗਾ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਐਲ ਮੈਕਰੋਂ ਦੇ ਲਈ ਦਸੰਬਰ 2022 ਵਿੱਚ ਡਿਨਰ ਆਯੋਜਿਤ ਕੀਤਾ ਸੀ। ਇੱਥੇ ਹੀ ਬਾਇਡੇਨ ਦੱਖਣੀ ਕੋਰੀਆ ਦੇ ਰਾਹਸਟਰਪਾਤੀ ਨੂੰ 26 ਅਪ੍ਰੈਲ ਨੂੰ ਸਟੇਟ ਡਿਨਰ ਦੇ ਲਈ ਸੱਦਾ ਦੇ ਚੁੱਕੇ ਹਨ। ਦੱਸਣਯੋਗ ਹੈ ਕਿ ਸਟੇਟ ਡਿਨਰ ਅਮਰੀਕਾ ਦਾ ਆਫੀਸ਼ੀਅਲ ਡਿਨਰ ਹੁੰਦਾ ਹੈ। ਇਹ ਵ੍ਹਾਈਟ ਹਾਊਸ ਵਿੱਚ ਆਯੋਜਿਤ ਕੀਤਾ ਜਾਂਦਾ ਹੈ। ਇਸ ਵਿੱਚ ਅਮਰੀਕਾ ਦੇ ਰਾਸ਼ਟਰਪਤੀ ਤੇ ਫਰਸਟ ਲੇਡੀ ਕਿਸੇ ਦੂਜੇ ਦੇਸ਼ ਦੇ ਹੈੱਡ ਆਫ਼ ਗਾਰਮੈਂਟ ਦੇ ਲਈ ਡਿਨਰ ਹੋਸਟ ਕਰਦੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
