rafale practise himachal pradesh mountain: ਲੱਦਾਖ ਵਿੱਚ ਅਸਲ ਕੰਟਰੋਲ ਰੇਖਾ (ਐਲਏਸੀ) ਦੇ ਆਸ ਪਾਸ ਕਈ ਥਾਵਾਂ ‘ਤੇ ਅਜੇ ਵੀ ਭਾਰਤ ਅਤੇ ਚੀਨੀ ਫੌਜਾਂ ਆਹਮੋ-ਸਾਹਮਣੇ ਹਨ। ਇਸ ਤਣਾਅ ਦੇ ਮੱਦੇਨਜ਼ਰ, ਭਾਰਤੀ ਹਵਾਈ ਸੈਨਾ ਦੇ ਪਾਇਲਟ ਫਰਾਂਸ ਤੋਂ ਹਾਲ ਹੀ ਵਿੱਚ ਪ੍ਰਾਪਤ ਹੋਏ ਰਾਫੇਲ ਲੜਾਕੂ ਜਹਾਜ਼ ਵਿੱਚ ਰਾਤ ਨੂੰ ਪਹਾੜੀ ਖੇਤਰ ਵਿੱਚ ਉਡਾਣ ਭਰਨ ਦਾ ਅਭਿਆਸ ਕਰ ਰਹੇ ਹਨ। ਇੱਕ ਰਿਪੋਰਟ ਦੇ ਅਨੁਸਾਰ, ਏਅਰਫੋਰਸ ਦੇ ਪਾਇਲਟ ਹਿਮਾਚਲ ਪ੍ਰਦੇਸ਼ ਵਿੱਚ ਰਾਫੇਲ ਜੈੱਟ ਨਾਲ ਪਹਾੜੀ ਖੇਤਰ ਵਿੱਚ ਕਿਸੇ ਵੀ ਸੰਭਾਵਿਤ ਲੜਾਈ ਦੀ ਤਿਆਰੀ ਲਈ ਸਿਖਲਾਈ ਲੈ ਰਹੇ ਹਨ। ਇਹ ਇਸ ਲਈ ਕੀਤਾ ਜਾ ਰਿਹਾ ਹੈ ਤਾਂ ਕਿ ਜੇ ਲੱਦਾਖ ਸੈਕਟਰ ਵਿੱਚਚ 1,597 ਕਿਲੋਮੀਟਰ ਲੰਬੀ ਅਸਲ ਕੰਟਰੋਲ ਰੇਖਾ (ਐਲਏਸੀ) ‘ਤੇ ਸਥਿਤੀ ਵਿਗੜਦੀ ਹੈ ਤਾਂ ਪਾਇਲਟ ਕਿਸੇ ਵੀ ਕਾਰਵਾਈ ਲਈ ਤਿਆਰ ਰਹਿਣ। ਫਰਾਂਸ ਤੋਂ ਆਏ ਪੰਜ ਰਾਫੇਲ ਲੜਾਕੂ ਜਹਾਜ਼ ਹਿਮਾਚਲ ਪ੍ਰਦੇਸ਼ ਦੇ ਪਹਾੜੀ ਖੇਤਰ ‘ਚ ਰਾਤ ਨੂੰ ਉੱਡਣ ਦਾ ਅਭਿਆਸ ਕਰ ਰਹੇ ਹਨ ਤਾਂ ਕਿ ਹਵਾ ‘ਚ ਮਾਰ ਕਰਨ ਵਾਲੀ ਮਿਜ਼ਾਈਲ ਅਤੇ ਐਸ.ਸੀ.ਏ.ਐਲ.ਪੀ. (ਹਵਾ ਤੋਂ ਜ਼ਮੀਨ ਤੱਕ) ਵਰਗੇ ਹਥਿਆਰਾ ਨਾਲ ਗੋਲਡਨ ਐਰੋ ਸਕਵਾਡਰਨ ਕਿਸੇ ਵੀ ਸਥਿਤੀ ਲਈ ਤਿਆਰ ਰਹਿਣ।
ਦੱਸ ਦੇਈਏ ਕਿ ਭਾਰਤ ਸਰਕਾਰ ਨੇ ਫ੍ਰੈਂਚ ਦੀ ਕੰਪਨੀ ਦਸਾਲਟ ਐਵੀਏਸ਼ਨ ਤੋਂ 36 ਰਾਫੇਲ ਲੜਾਕੂ ਜਹਾਜ਼ ਖਰੀਦਣ ਦਾ ਸਮਝੌਤਾ ਕੀਤਾ ਹੈ। ਇਸ ਸੌਦੇ ਤਹਿਤ ਪਹਿਲੇ ਪੜਾਅ ਵਿੱਚ, ਭਾਰਤੀ ਹਵਾਈ ਸੈਨਾ ਨੂੰ 5 ਰਾਫੇਲ ਜਹਾਜ਼ ਮਿਲੇ ਹਨ ਜੋ 29 ਜੁਲਾਈ ਨੂੰ ਅੰਬਾਲਾ ਪਹੁੰਚੇ ਸਨ। ਮਿਲੀ ਜਾਣਕਾਰੀ ਦੇ ਅਨੁਸਾਰ, ਇੱਕ ਸਰਕਾਰੀ ਅਧਿਕਾਰੀ ਨੇ ਕਿਹਾ ਕਿ ਰਾਫੇਲ ਲੜਾਕੂ ਜਹਾਜ਼ਾਂ ਨੂੰ ਐਲਏਸੀ ਤੋਂ ਦੂਰ ਰੱਖਿਆ ਜਾ ਰਿਹਾ ਹੈ, ਜੋ ਪਹਾੜੀ ਖੇਤਰ ਵਿੱਚ ਅਭਿਆਸ ਕਰ ਰਹੇ ਹਨ। ਕਾਰਨ ਦਾ ਵੇਰਵਾ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਅਜਿਹਾ ਇਸ ਲਈ ਕੀਤਾ ਗਿਆ ਹੈ ਤਾਂ ਜੋ ਚੀਨ ਦੇ ਕਬਜ਼ੇ ਵਾਲੇ ਅਕਸਾਈ ਚਿਨ ‘ਚ ਪੀਪਲਜ਼ ਲਿਬਰੇਸ਼ਨ ਆਰਮੀ (ਪੀ.ਐਲ.ਏ.) ਰਾਡਾਰ ਇਸ ਦੀ ਬਾਰੰਬਾਰਤਾ ਦੀ ਪਛਾਣ ਨਾ ਕਰੇ। ਲੜਾਕੂ ਜਹਾਜ਼ ਮਾਹਿਰ ਕਹਿੰਦੇ ਹਨ ਕਿ ਰਾਫੇਲ ਦੀ ਵਰਤੋਂ ਲੱਦਾਖ ਸੈਕਟਰ ਵਿੱਚ ਸਿਖਲਾਈ ਲਈ ਵੀ ਕੀਤੀ ਜਾ ਸਕਦੀ ਹੈ ਕਿਉਂਕਿ ਇਹ ਸਾਰੇ ਲੜਾਕੂ ਪ੍ਰੋਗਰਾਮੇਬਲ ਸਿਗਨਲ ਪ੍ਰੋਸੈਸਰ (ਪੀਐਸਪੀ) ਨਾਲ ਲੈਸ ਹਨ ਜਾਂ ਦੁਸ਼ਮਣਆਂ ਦੀ ਸਥਿਤੀ ਵਿੱਚ ਸਿਗਨਲ ਬਾਰੰਬਾਰਤਾ ਨੂੰ ਬਦਲਣ ਦੀ ਯੋਗਤਾ ਰੱਖਦੇ ਹਨ।
ਮਾਹਿਰਾਂ ਦੇ ਅਨੁਸਾਰ, ਹਾਲਾਂਕਿ ਚੀਨੀ ਆਰਮੀ (ਪੀ.ਐਲ.ਏ.) ਨੇ ਸਪਸ਼ਟ ਇਲੈਕਟ੍ਰਾਨਿਕ ਲਾਈਨ ਦੇ ਲਈ ਅਕਸਾਈ ਚਿਨ ਖੇਤਰ ਵਿੱਚ ਪਹਾੜ ਦੀ ਚੋਟੀ ਉੱਤੇ ਆਪਣਾ ਇਲੈਕਟ੍ਰਾਨਿਕ ਖੁਫੀਆ ਰਾਡਾਰ ਤਾਇਨਾਤ ਕੀਤਾ ਹੈ, ਪਰ ਰਾਫੇਲ ਜੰਗ ਦੇ ਦੌਰਾਨ ਇੱਕ ਹੋਰ ਬਾਰੰਬਾਰਤਾ ਤੇ ਕੰਮ ਕਰ ਸਕਦਾ ਹੈ। ਚੀਨ ਨੇ ਜਹਾਜ਼ਾਂ ਨੂੰ ਫੜਨ ਲਈ ਜੋ ਰਾਡਾਰ ਤਾਇਨਾਤ ਕੀਤੇ ਹਨ ਉਹ ਚੰਗੇ ਹਨ ਕਿਉਂਕਿ ਇਹ ਅਮਰੀਕੀ ਹਵਾਈ ਸੈਨਾ ਨੂੰ ਧਿਆਨ ਵਿੱਚ ਰੱਖਦਿਆਂ ਬਣਾਇਆ ਗਿਆ ਹੈ। ਰਾਫੇਲ ਜਹਾਜ਼ ਵਿੱਚ Meteor ਅਤੇ Scalp ਮਿਜ਼ਾਈਲ ਹਨ। ਇਹ ਏਅਰ-ਟੂ-ਏਅਰ ਮਿਜ਼ਾਈਲ ਵਿਜ਼ੂਅਲ ਰੇਂਜ ਵਰਗੀ ਤਾਕਤ ਨਾਲ ਲੈਸ ਹੋਣਗੀਆਂ। ਇਸਦਾ ਅਰਥ ਇਹ ਹੈ ਕਿ ਪਾਇਲਟ ਵਿਜ਼ੂਅਲ ਸੀਮਾ ਤੋਂ ਬਾਹਰ ਦੁਸ਼ਮਣ ਦੇ ਠਿਕਾਣੇ ਅਤੇ ਜਹਾਜ਼ਾਂ ‘ਤੇ ਹਮਲਾ ਕਰਨ ਦੇ ਯੋਗ ਹੋਣਗੇ।
