Unemployment in uttarakhand : ਬੇਰੁਜ਼ਗਾਰੀ ਦਾ ਮੁੱਦਾ ਭਾਰਤ ਦੇ ਵਿੱਚ ਵੀ ਇੱਕ ਵੱਡਾ ਮੁੱਦਾ ਹੈ। ਫਰਵਰੀ ‘ਚ ਦੇਸ਼ ਵਿੱਚ ਬੇਰੁਜ਼ਗਾਰੀ ਦੀ ਦਰ 6.9 ਪ੍ਰਤੀਸ਼ਤ ਸੀ। ਯਾਨੀ 100 ਵਿੱਚੋਂ 69 ਲੋਕ ਬੇਰੁਜ਼ਗਾਰ ਹਨ। ਉੱਤਰਾਖੰਡ ਵਿੱਚ ਬੇਰੁਜ਼ਗਾਰੀ ਦੀ ਸਮੱਸਿਆ ਇਹ ਹੈ ਕਿ 854 ਅਸਾਮੀਆਂ ਦੀ ਭਰਤੀ ਲਈ ਅਰਜ਼ੀਆਂ ਦੇ ਸਾਰੇ ਰਿਕਾਰਡ ਟੁੱਟ ਗਏ ਹਨ। ਇਹ ਭਰਤੀ ਉਤਰਾਖੰਡ ਸਬੌਰਟੀਨੇਟ ਸਰਵਿਸਿਜ਼ ਸਿਲੈਕਸ਼ਨ ਕਮਿਸ਼ਨ ਕਰ ਰਹੀ ਹੈ, ਜਿਸ ਲਈ ਦੋ ਲੱਖ 19 ਹਜ਼ਾਰ ਉਮੀਦਵਾਰਾਂ ਨੇ ਅਪਲਾਈ ਕੀਤਾ ਹੈ। ਇਸ ਦੇ ਲਈ 10 ਨਵੰਬਰ ਤੋਂ 8 ਜਨਵਰੀ 2021 ਤੱਕ ਆਨਲਾਈਨ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਸੀ। ਕਮਿਸ਼ਨ ਨੇ ਇਸ ਭਰਤੀ ਲਈ ਮਈ ਵਿੱਚ ਪ੍ਰੀਖਿਆ ਦਾ ਪ੍ਰਸਤਾਵ ਦਿੱਤਾ ਸੀ। ਪਰ ਜਦੋਂ ਅਰਜ਼ੀਆਂ ਦੀ ਗਿਣਤੀ ਵੇਖੀ, ਤਾਂ ਵਿਭਾਗ ਦੇ ਹੋਸ਼ ਉੱਡ ਗਏ। ਇਹ ਹੁਣ ਤੱਕ ਦਾ ਸਭ ਤੋਂ ਉੱਚਾ ਅੰਕੜਾ ਹੈ।
ਨਵੰਬਰ ਵਿੱਚ ਉਤਰਾਖੰਡ ਅਧੀਨ ਸੇਵਾਵਾਂ ਚੋਣ ਕਮਿਸ਼ਨ ਨੇ ਗ੍ਰੈਜੂਏਸ਼ਨ ਪਾਸ ਨੌਜਵਾਨਾਂ ਲਈ 854 ਅਸਾਮੀਆਂ ਦੀ ਭਰਤੀ ਲਈ ਇੱਕ ਨੋਟੀਫਿਕੇਸ਼ਨ ਜਾਰੀ ਕੀਤਾ ਸੀ। ਇਸ ਦੇ ਲਈ 10 ਨਵੰਬਰ ਤੋਂ 8 ਜਨਵਰੀ 2021 ਤੱਕ ਆਨਲਾਈਨ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਸੀ। ਇਸ ਤੋਂ ਪਹਿਲਾਂ ਵੱਧ ਤੋਂ ਵੱਧ ਇੱਕ ਲੱਖ 56 ਹਜ਼ਾਰ ਉਮੀਦਵਾਰਾਂ ਨੇ ਵਣ ਗਾਰਡ ਭਰਤੀ ਪ੍ਰੀਖਿਆ ਲਈ ਅਰਜ਼ੀ ਦਿੱਤੀ ਸੀ। ਹੁਣ, ਕੋਰੋਨਾ ਦੇ ਕਾਰਨ ਪ੍ਰੀਖਿਆ ਕੇਂਦਰਾਂ ਤੇ ਸਮਾਜਕ ਦੂਰੀਆਂ ਦੀ ਪਾਲਣਾ ਕਰਨਾ ਲਾਜ਼ਮੀ ਹੈ, ਇਸ ਲਈ ਕਮਿਸ਼ਨ ਦੇ ਸਾਹਮਣੇ ਸਭ ਤੋਂ ਵੱਡੀ ਚੁਣੌਤੀ ਮਈ ਵਿੱਚ ਪ੍ਰੀਖਿਆ ਕਰਾਉਣਾ ਹੈ। ਇੰਨੇ ਸਾਰੇ ਉਮੀਦਵਾਰਾਂ ਦੀ ਪ੍ਰੀਖਿਆ ਲਈ ਕਮਿਸ਼ਨ ਨੂੰ ਪ੍ਰੀਖਿਆ ਕੇਂਦਰ ਹੀ ਨਹੀਂ ਮਿਲ ਰਹੇ। ਇਸ ਗੱਲ ਦਾ ਕਿਸੇ ਨੂੰ ਕੋਈ ਅੰਦਾਜਾ ਨਹੀਂ ਸੀ ਕਿ ਗ੍ਰੈਜੂਏਸ਼ਨ ਦੀ ਇਸ ਭਰਤੀ ਵਿੱਚ ਦੋ ਲੱਖ ਤੋਂ ਵੱਧ ਅਰਜ਼ੀਆਂ ਆਉਣਗੀਆਂ।
