ਪੀਐੱਮ ਮੋਦੀ ਨੇ ਦੀਵਾਲੀ ਦੇ ਤਿਓਹਾਰ ‘ਤੇ ਲੇਪਚਾ ਵਿਚ ਜਵਾਨਾਂ ਨਾਲ ਦੀਵਾਲੀ ਮਨਾਈ। ਇਸ ਦੌਰਾਨ ਉਨ੍ਹਾਂ ਨੇ ਜਵਾਨਾਂ ਨੂੰ ਸੰਬੋਧਨ ਕਰਦੇ ਹੋਏ ਕਈ ਵੱਡੀਆਂ ਗੱਲਾਂ ਕਈਆਂ ਹਨ। ਪੀਐੱਮ ਮੋਦੀ ਨੇ ਕਿਹਾ ਕਿ ਜਿਥੇ ਪਰਿਵਾਰ ਹੁੰਦਾ ਹੈ ਉਥੇ ਤਿਓਹਾਰ ਹੁੰਦਾ ਹੈ। ਤੁਸੀਂ ਲੋਕ ਮੇਰਾ ਪਰਿਵਾਰ ਹੋ। ਇਸ ਲਈ ਮੈਂ ਤੁਹਾਡੇ ਲੋਕਾਂ ਨਾਲ ਹਮੇਸ਼ਾ ਦੀਵਾਲੀ ਮਨਾਉਂਦਾ ਹਾਂ।ਸਾਡੇ ਜਵਾਨ ਪ੍ਰਾਣਾਂ ਨੂੰ ਲੈ ਕੇ ਸਭ ਤੋਂ ਅੱਗੇ ਚੱਲਦੇ ਹਨ। ਜਵਾਨਾਂ ਨੇ ਹਮੇਸ਼ਾ ਸਾਬਤ ਕੀਤਾ ਹੈ ਕਿ ਉਹ ਸਰਹੱਦ ‘ਤੇ ਦੇਸ਼ ਦੀ ਸਭ ਤੋਂ ਮਜ਼ਦੂਰ ਦੀਵਾਰ ਹੈ, ਜਿਸ ਨੂੰ ਕੋਈ ਕਦੇ ਤੋੜ ਨਹੀਂ ਸਕੇਗਾ।
ਹਿਮਾਚਲ ਬਾਰਡਰ ‘ਤੇ ਚੈੱਕਪੋਸਟ ਤੋਂ ਆਪਣੇ ਸੰਬੋਧਨ ਵਿਚ ਪੀਐੱਮ ਮੋਦੀ ਨੇ ਕਿਹਾ ਕਿ ਮੇਰੇ ਲਈ ਜਿਥੇ ਮੇਰੀ ਭਾਰਤੀ ਫੌਜ ਹੈ, ਜਿਥੇ ਮੇਰੇ ਦੇਸ਼ ਦੇ ਸੁਰੱਖਿਆ ਬਲ ਦੇ ਜਵਾਨ ਤਾਇਨਾਤ ਹਨ, ਉਹ ਸਥਾਨ ਕਿਸੇ ਮੰਦਰ ਤੋਂ ਘੱਟ ਨਹੀਂ ਹੈ। ਜਿਥੇ ਤੁਸੀਂ ਹੋ, ਉਥੇ ਮੇਰਾ ਤਿਓਹਾਰ ਹਾਂ, ਹਰ ਸਾਹ ਵਿਚ ਅਪਾਰ ਵਿਸ਼ਵਾਸ ਹੈ। ਉੱਚਾ ਪਰਬਤ ਹੋਵੇ ਜਾਂ ਰੇਗਿਸਤਾਨ ਜਾਂ ਸਮੰਦਰ ਅਪਾਰ ਜਾਂ ਮੈਦਾਨ ਵਿਸ਼ਾਲ, ਗਗਨ ‘ਤੇ ਇੰਝ ਹੀ ਲਹਿਰਾਉਂਦਾ ਰਹੇਗਾ ਤਿਰੰਗਾ ਸਾਡਾ।
ਉਨ੍ਹਾਂ ਕਿਹਾ ਕਿ ਇਹ ਇਤਿਹਾਸਕ ਧਰਤੀ ਦੇ ਦੀਵਾਲੀ ਦਾ ਇਹ ਪਵਿੱਤਰ ਤਿਓਹਾਰ…. ਇਹ ਅਦਭੁੱਤ ਸੰਜੋਗ ਹੈ, ਇਹ ਅਦਭੁੱਤ ਮਿਲਾਪ ਹੈ। ਸੰਤੋਸ਼ ਤੇ ਆਨੰਦ ਨਾਲ ਭਰ ਦੇਣ ਵਾਲਾ ਇਹ ਪਲ ਮੇਰੇ ਲਈ ਵੀ, ਤੁਹਾਡੇ ਲਈ ਤੇ ਦੇਸ਼ ਵਾਸੀਆਂ ਲਈ ਵੀ ਦੀਵਾਲੀ ਵਿਚ ਨਵੀਂ ਰੌਸ਼ਨੀ ਪਹੁੰਚਾਏਗਾ। ਅਜਿਹਾ ਮੇਰਾ ਵਿਸ਼ਵਾਸ ਹੈ।
ਇਹ ਵੀ ਪੜ੍ਹੋ : ਦੀਵਾਲੀ ‘ਤੇ CM ਬਘੇਲ ਦਾ ਐਲਾਨ, ਸਰਕਾਰ ਬਣੀ ਤਾਂ ਔਰਤਾਂ ਨੂੰ ਹਰ ਸਾਲ ਮਿਲਣਗੇ 15,000 ਰੁਪਏ
PM ਮੋਦੀ ਨੇ ਕਿਹਾ ਕਿ ਪਰਿਵਾਰ ਦੀ ਯਾਦ ਹਰ ਕਿਸੇ ਨੂੰ ਆਉਂਦੀ ਹੈ ਪਰ ਤੁਹਾਡੇ ਚਿਹਰਿਆਂ ‘ਤੇ ਉਦਾਸੀ ਨਜ਼ਰ ਨਹੀਂ ਆ ਰਹੀ ਹੈ। ਤੁਹਾਡੇ ਉਤਸ਼ਾਹ ਵਿਚ ਕਮੀ ਦਾ ਨਾਮੋ-ਨਿਸ਼ਾਨ ਨਹੀਂ ਹੈ। ਤੁਸੀਂ ਉਤਸ਼ਾਹ ਨਾਲ ਭਰੇ ਹੋਏ ਹੋ, ਊਰਜਾ ਨਾਲ ਭਰੇ ਹੋਏ ਹੋ ਕਿਉਂਕਿ ਤੁਸੀਂ ਜਾਣਦੇ ਹੋ ਕਿ 140 ਕਰੋੜ ਦਾ ਪਰਿਵਾਰ ਵੀ ਤੁਹਾਡਾ ਆਪਣਾ ਹੀ ਹੈ। ਦੇਸ਼ ਇਸ ਲਈ ਤੁਹਾਡਾ ਕਰਜ਼ਦਾਰ ਹੈ।
ਵੀਡੀਓ ਲਈ ਕਲਿੱਕ ਕਰੋ : –
