pm modi red fort speech: ਸੁਤੰਤਰਤਾ ਦਿਵਸ ਦੇ ਮੌਕੇ ‘ਤੇ ਲਾਲ ਕਿਲ੍ਹੇ ਤੋਂ ਦੇਸ਼ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਸਾਡੇ ਗੁਆਂਢੀ ਦੇਸ਼ਾਂ ਨਾਲ, ਭਾਵੇਂ ਉਹ ਸਾਡੇ ਨਾਲ ਜ਼ਮੀਨ ਰਾਹੀਂ ਜੁੜੇ ਹੋਏ ਹਨ, ਧਰਤੀ ਜਾਂ ਸਮੁੰਦਰ ਰਾਹੀਂ, ਸਾਨੂੰ ਆਪਣੇ ਸੰਬੰਧਾਂ ਨੂੰ ਸੁਰੱਖਿਆ, ਵਿਕਾਸ ਅਤੇ ਵਿਸ਼ਵਾਸ ਦੀ ਭਾਈਵਾਲੀ ਨਾਲ ਇਕੱਠੇ ਜੋੜਨਾ ਚਾਹੀਦਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, “ਵਿਸ਼ਵ ਦੀ ਇੱਕ ਚੌਥਾਈ ਆਬਾਦੀ ਦੱਖਣੀ ਏਸ਼ੀਆ ਵਿੱਚ ਰਹਿੰਦੀ ਹੈ। ਅਸੀਂ ਸਹਿਯੋਗ ਅਤੇ ਭਾਗੀਦਾਰੀ ਨਾਲ ਇੰਨੀ ਵੱਡੀ ਆਬਾਦੀ ਦੇ ਵਿਕਾਸ ਅਤੇ ਖੁਸ਼ਹਾਲੀ ਦੀਆਂ ਅਣਗਿਣਤ ਸੰਭਾਵਨਾਵਾਂ ਪੈਦਾ ਕਰ ਸਕਦੇ ਹਾਂ। ਇਸ ਖੇਤਰ ਦੇ ਦੇਸ਼ਾਂ ਦੇ ਸਾਰੇ ਨੇਤਾਵਾਂ ਦੀ ਇਸ ਵਿਸ਼ਾਲ ਜੰਨ ਸਮੂਹ ਦੇ ਵਿਕਾਸ ਅਤੇ ਤਰੱਕੀ ਪ੍ਰਤੀ ਮਹੱਤਵਪੂਰਣ ਜ਼ਿੰਮੇਵਾਰੀ ਹੈ।” ਦੇਸ਼ ਨੂੰ ਸੰਬੋਧਿਤ ਕਰਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਅੱਜ ਗੁਆਂਢੀ ਸਿਰਫ ਉਹ ਹੀ ਨਹੀਂ ਜਿਨ੍ਹਾਂ ਨਾਲ ਸਾਡੀਆਂ ਭੂਗੋਲਿਕ ਸੀਮਾਵਾਂ ਲੱਗਦੀਆਂ ਹਨ ਬਲਕਿ ਉਹ ਵੀ ਹਨ ਜਿਨ੍ਹਾਂ ਨਾਲ ਸਾਡੇ ਦਿਲ ਮਿਲਦੇ ਹਨ। ਜਿੱਥੇ ਰਿਸ਼ਤਿਆਂ ਵਿੱਚ ਇਕਸੁਰਤਾ ਹੈ, ਉੱਥੇ ਮੇਲ ਜੋਲ ਵੀ ਹੈ। ਇਨ੍ਹਾਂ ਵਿੱਚੋਂ ਬਹੁਤ ਸਾਰੇ ਦੇਸ਼ਾਂ ਵਿੱਚ ਭਾਰਤੀਆਂ ਕੰਮ ਕਰਦੇ ਹਨ।
ਕੋਰੋਨਾ ਸੰਕਟ ਦਾ ਜ਼ਿਕਰ ਕਰਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, “ਕੋਰੋਨਾ ਸੰਕਟ ਦੌਰਾਨ ਇਨ੍ਹਾਂ ਦੇਸ਼ਾਂ ਨੇ ਭਾਰਤੀਆਂ ਦੀ ਜਿਸ ਤਰ੍ਹਾਂ ਮਦਦ ਕੀਤੀ ਹੈ, ਭਾਰਤ ਸਰਕਾਰ ਦੀ ਬੇਨਤੀ ਦਾ ਸਤਿਕਾਰ ਕਰਦੇ ਹੋਏ, ਭਾਰਤ ਉਨ੍ਹਾਂ ਦਾ ਧੰਨਵਾਦੀ ਹੈ। ਸਾਡੇ ਪੁਰਾਣੇ ਏਸੀਆਨ ਦੇਸ਼, ਜਿਹੜੇ ਸਾਡੇ ਸਮੁੰਦਰੀ ਗੁਆਂਢੀ ਵੀ ਹਨ, ਸਾਡੇ ਲਈ ਬਹੁਤ ਮਹੱਤਵ ਰੱਖਦੇ ਹਨ। ਰੱਖਿਆ ਖੇਤਰ ਵਿੱਚ ਸਵੈ-ਨਿਰਭਰਤਾ ਬਾਰੇ ਗੱਲ ਕਰਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, “ਭਾਰਤ ਦੇ ਜਿੰਨੇ ਯਤਨ ਸ਼ਾਂਤੀ ਅਤੇ ਸਦਭਾਵਨਾ ਲਈ ਹਨ, ਓਨੀ ਹੀ ਵਚਨਬੱਧਤਾ ਹੈ ਆਪਣੀ ਸੁਰੱਖਿਆ ਲਈ ਹਨ, ਆਪਣੀ ਸੈਨਾ ਨੂੰ ਮਜਬੂਤ ਕਰਨ ਲਈ ਹਨ। ਭਾਰਤ ਹੁਣ ਰੱਖਿਆ ਉਤਪਾਦਨ ‘ਚ ਸਵੈ-ਨਿਰਭਰਤਾ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, ‘ਸਾਡੀ ਸਰਹੱਦ ਅਤੇ ਤੱਟਵਰਤੀ ਢਾਂਚੇ ਦੀ ਵੀ ਦੇਸ਼ ਦੀ ਸੁਰੱਖਿਆ ਵਿੱਚ ਵੱਡੀ ਭੂਮਿਕਾ ਹੈ। ਇਹ ਹਿਮਾਲੀਆ ਦੀਆ ਪਹਾੜੀਆਂ ਹੋਣ ਜਾਂ ਹਿੰਦ ਮਹਾਂਸਾਗਰ ਦੇ ਟਾਪੂ, ਅੱਜ ਦੇਸ਼ ਵਿੱਚ ਸੜਕ ਅਤੇ ਇੰਟਰਨੈਟ ਸੰਪਰਕ ਦਾ ਬੇਮਿਸਾਲ ਵਾਧਾ ਹੋ ਰਿਹਾ ਹੈ, ਤੇ ਤੇਜ਼ੀ ਨਾਲ ਵਿਸ਼ਥਾਰ ਹੋ ਰਿਹਾ ਹੈ।
