ਜਲੰਧਰ ਵਿੱਚ ਮੰਗਲਵਾਰ ਨੂੰ ਇੱਕ ਨੌਜਵਾਨ ਨੂੰ ਬਾਥਰੂਮ ਵਿੱਚ ਨਹਾਉਂਦੀ ਇੱਕ ਔਰਤ ਦੀ ਵੀਡੀਓ ਬਣਾਉਂਦੇ ਹੋਏ ਰੰਗੇ ਹੱਥੀਂ ਫੜਿਆ ਗਿਆ। ਦੋਸ਼ੀ ਬਲੱਡ ਸੈਂਪਲ ਲੈਣ ਲਈ ਘਰ ਆਇਆ ਸੀ। ਸੈਂਪਲ ਲੈਣ ਤੋਂ ਬਾਅਦ ਉਸਨੇ ਬਾਥਰੂਮ ਜਾਣ ਦਾ ਬਹਾਨਾ ਬਣਾਇਆ ਅਤੇ ਲੁੱਕ ਕੇ ਦੂਜੇ ਬਾਥਰੂਮ ਵਿੱਚ ਨਹਾ ਰਹੀ ਇੱਕ ਔਰਤ ਦੀ ਵੀਡੀਓ ਬਣਾਉਣ ਲੱਗਾ। ਜਿਵੇਂ ਹੀ ਔਰਤ ਨੇ ਉਸ ਨੂੰ ਦੇਖਿਆ, ਉਸ ਨੇ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ। ਰੌਲਾ ਸੁਣ ਕੇ ਆਂਢ-ਗੁਆਂਢ ਦੇ ਲੋਕ ਮੌਕੇ ‘ਤੇ ਇਕੱਠੇ ਹੋ ਗਏ ਅਤੇ ਨੌਜਵਾਨ ਨੂੰ ਫੜ ਲਿਆ। ਫਿਰ ਉਸ ਦਾ ਕੁਟਾਪਾ ਚਾੜ੍ਹਿਆ। ਦੋਸ਼ੀ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ।
ਦੋਸ਼ੀ ਦੇ ਮੋਬਾਈਲ ਫੋਨ ਤੋਂ ਕਈ ਹੋਰ ਇਤਰਾਜ਼ਯੋਗ ਵੀਡੀਓ ਬਰਾਮਦ ਕੀਤੇ ਗਏ, ਜਿਨ੍ਹਾਂ ਨੂੰ ਉਹ ਇੱਕ ਗਰੁੱਪ ਸ਼ੇਅਰ ਕੀਤੇ। ਪੁਲਿਸ ਨੇ ਨੌਜਵਾਨ ਵਿਰੁੱਧ ਐਫਆਈਆਰ ਦਰਜ ਕਰ ਲਈ ਹੈ। ਇਹ ਘਟਨਾ ਸ਼ਿਵ ਨਗਰ, ਜਲੰਧਰ ਵਿੱਚ ਵਾਪਰੀ।
ਪੀੜਤਾ ਨੇ ਦੱਸਿਆ ਕਿ ਉਸਨੇ ਹੈਲਥੀਅਨਜ਼ ਵੈੱਬਸਾਈਟ ‘ਤੇ ਸਵੇਰੇ 10 ਵਜੇ ਇੱਕ ਪਰਿਵਾਰਕ ਮੈਂਬਰ ਬਲੱਡ ਸੈਂਪਲ ਬੁੱਕ ਕੀਤਾ। ਨੌਜਵਾਨ ਬਲੱਡ ਸੈਂਪਲ ਲੈਣ ਲਈ ਤੈਅ ਸਮੇਂ ‘ਤੇ ਉਸ ਦੇ ਘਰ ਪਹੁੰਚਿਆ। ਪਹੁੰਚਣ ‘ਤੇ, ਉਸ ਨੇ ਕਿਹਾ ਕਿ ਉਸ ਨੇ ਬਾਥਰੂਮ ਜਾਣਾ ਹੈ। ਮੈਂ ਦੂਜੇ ਬਾਥਰੂਮ ਵਿੱਚ ਨਹਾ ਰਹੀ ਸੀ ਜਦੋਂ ਮੈਂ ਨੌਜਵਾਨ ਨੂੰ ਉੱਪਰੋਂ ਵੀਡੀਓ ਬਣਾਉਂਦੇ ਹੋਏ ਦੇਖਿਆ। ਸਾਡਾ ਬਾਥਰੂਮ ਦੋਵੇਂ ਪਾਸੇ ਖੁੱਲ੍ਹਾ ਹੈ।
ਇਹ ਵੀ ਪੜ੍ਹੋ : ਪੰਜਾਬ ‘ਚ ਹੈਲਥ ਕਾਰਡ ਦੀ ਰਜਿਸਟ੍ਰੇਸ਼ਨ ਸ਼ੁਰੂ, 10 ਲੱਖ ਰੁ. ਦਾ ਇਲਾਜ ਮੁਫਤ, 2 ਜਿਲ੍ਹਿਆਂ ‘ਚ ਲੱਗੇ ਕੈਂਪ
ਔਰਤ ਨੇ ਕਿਹਾ ਕਿ ਉਸਨੇ ਰੌਲਾ ਪਾਇਆ ਜਿਸ ਨਾਲ ਪਰਿਵਾਰ ਮੈਂਬਰ ਅਤੇ ਆਂਢ-ਗੁਆਂਢ ਦੇ ਲੋਕ ਮੌਕੇ ‘ਤੇ ਆ ਗਏ। ਦੋਸ਼ੀ ਨੇ ਆਪਣੇ ਆਪ ਨੂੰ ਬਚਾਉਣ ਲਈ ਵੀਡੀਓ ਡਿਲੀਟ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਲੋਕਾਂ ਨੇ ਉਸਨੂੰ ਫੜ ਲਿਆ। ਇਸ ਤੋਂ ਬਾਅਦ, ਲੋਕਾਂ ਨੇ ਦੋਸ਼ੀ ਨੂੰ ਕੁੱਟਿਆ। ਲੋਕਾਂ ਨੇ ਦੱਸਿਆ ਕਿ ਅਸੀਂ ਵੀਡੀਓ ਤੁਰੰਤ ਡਿਲੀਟ ਕਰਵਾ ਦਿੱਤਾ ਸੀ। ਫੋਨ ‘ਤੇ ਪਹਿਲਾਂ ਹੀ ਦੋਸ਼ੀ ਦੀ ਗੈਲਰੀ ਖਉੱਲ੍ਹੀ ਹੋਈ ਸੀ, ਜਿਸ ਵਿਚ ਹੋਰ ਅਸ਼ਲੀਲ ਵੀਡੀਓ ਵੀ ਸਨ। ਥਾਣਾ ਡਿਵੀਜ਼ਨ ਨੰਬਰ 8 ਦੇ ਸਟੇਸ਼ਨ ਹਾਊਸ ਅਫਸਰ (ਐਸਐਚਓ) ਯਾਦਵਿੰਦਰ ਸਿੰਘ ਨੇ ਕਿਹਾ ਕਿ ਪਰਿਵਾਰ ਨੇ ਆਪਣੇ ਬਿਆਨ ਦਰਜ ਕਰ ਲਏ ਹਨ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
