ਦੇਸ਼ ਭਗਤ ਰੇਡੀਓ 107.8 fm (ਆਪਕੀ ਆਵਾਜ਼) ਨੇ ਸਟੂਡੀਓ ਵਿੱਚ ਪ੍ਰਸਿੱਧ ਬਾਲੀਵੁੱਡ ਪਲੇਬੈਕ ਗਾਇਕ ਅਤੇ ਸੰਗੀਤਕਾਰ ਮੁਹੰਮਦ ਰਫ਼ੀ ਦਾ 98ਵਾਂ ਜਨਮ ਦਿਨ ਮਨਾਇਆ। ਇਸ ਮੌਕੇ ਬਾਲੀਵੁੱਡ ਫੈਲੀਸੀਟੇਸ਼ਨ ਸੈੱਲ ਚੰਡੀਗੜ੍ਹ ਦੇ ਸੰਸਥਾਪਕ ਮੈਂਬਰ ਸ੍ਰੀ ਵਿਮਲ ਤ੍ਰਿਖਾ, ਪ੍ਰਸਿੱਧ ਸੰਗੀਤਕਾਰ ਅਤੇ ਅਦਾਕਾਰ ਸ੍ਰੀ ਬ੍ਰਿਜੇਸ਼ ਆਹੂਜਾ, ਗਾਇਕ ਅਤੇ ਸੇਵਾਮੁਕਤ ਟੈਕਸਟਾਈਲ ਇੰਜੀਨੀਅਰ ਸ੍ਰੀ ਰਾਮ ਆਨੰਦ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਇਸ ਮੌਕੇ ਗਾਇਕ, ਸੰਗੀਤਕਾਰ ਅਤੇ ਸੰਗੀਤ ਨਿਰਦੇਸ਼ਕ ਸ੍ਰੀ ਰਵੀ ਕੇ. ਤ੍ਰਿਪਾਠੀ ਇੰਸਟਾਗ੍ਰਾਮ ਲਾਈਵ ਰਾਹੀਂ ਸ਼ਾਮਲ ਹੋਏ । ਉਨ੍ਹਾਂ ਨੇ ਮੁਹੰਮਦ ਰਫੀ ਬਾਰੇ ਵਡਮੁੱਲੀ ਅਤੇ ਦਿਲਚਸਪ ਜਾਣਕਾਰੀ ਸਾਂਝੀ ਕੀਤੀ। ਉਨ੍ਹਾਂ ਕਿਹਾ ਕਿ ਮੁਹੰਮਦ. ਰਫੀ ਇੱਕ ਬਹੁਮੁਖੀ ਗਾਇਕ ਸਨ । ਆਪਣੇ 40 ਸਾਲਾਂ ਦੇ ਕਰੀਅਰ ਦੌਰਾਨ ਉਨ੍ਹਾਂ ਨੇ ਹਿੰਦੀ ਅਤੇ ਕਈ ਹੋਰ ਭਾਸ਼ਾਵਾਂ ਵਿੱਚ 26,000 ਤੋਂ ਵੱਧ ਗੀਤ ਗਾਏ। ਉਨ੍ਹਾਂ ਨੇ ਨੌਸ਼ਾਦ ਵਰਗੇ ਕਈ ਸਮਕਾਲੀ ਸੰਗੀਤਕਾਰਾਂ ਅਤੇ ਐਸ ਡੀ ਬਰਮਨ, ਓ ਪੀ ਨਈਅਰ, ਸ਼ੰਕਰ-ਜੈਕਿਸ਼ਨ ਅਤੇ ਰੋਸ਼ਨ ਵਰਗੇ ਹੋਰ ਸੰਗੀਤਕਾਰਾਂ ਲਈ ਗੀਤ ਗਾਏ ।
ਰਫੀ ਇੱਕ ਅਜਿਹੀ ਅਵਾਜ਼ ਦੇ ਮਾਲਕ ਸਨ ਜਿਨ੍ਹਾਂ ਨੇ ਕਲਾਸੀਕਲ ਗੀਤਾਂ ਤੋਂ ਲੈ ਕੇ ਗ਼ਜ਼ਲਾਂ, ਹਲਕੇ ਰੋਮਾਂਟਿਕ ਗੀਤਾਂ ਤੋਂ ਲੈ ਕੇ ਦੇਸ਼ ਭਗਤੀ ਦੇ ਗੀਤਾਂ ਤੱਕ ਸਭ ਕੁਝ ਗਾਇਆ। ਰਫੀ ਨੂੰ 1965 ਵਿੱਚ ਭਾਰਤ ਸਰਕਾਰ ਦੇ ਸਰਵਉੱਚ ਨਾਗਰਿਕ ਸਨਮਾਨਾਂ ਵਿੱਚੋਂ ਇੱਕ ਪਦਮ ਸ਼੍ਰੀ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਸੀ। ਡੀਬੀ ਰੇਡੀਓ 107.8 ਐਫਐਮ ਦੀ ਸਟੇਸ਼ਨ ਹੈੱਡ ਅਤੇ ਆਰਜੇ ਸੰਘਮਿੱਤਰਾ ਨੇ ਵੀ ਸੰਗੀਤ ਦੇ ਉਸਤਾਦ ਨੂੰ ਸ਼ਰਧਾਂਜਲੀ ਦਿੱਤੀ। ਇਸ ਦੌਰਾਨ ਮੁਹੰਮਦ ਰਫੀ ਦੇ ਕਈ ਗੀਤ ਵੀ ਗਾਏ ਗਏ। ਆਰਜੇ ਸੰਘਮਿੱਤਰਾ ਨੇ ਕਿਹਾ ਕਿ ਮੁਹੰਮਦ. ਰਫੀ ਦੀ ਗਾਇਕੀ ਸਦਾਬਹਾਰ ਹੈ ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
