ਬੀਤੇ ਦਿਨੀਂ ਪੰਜਾਬ ਦੀ ਇੱਕ ਨਿੱਜੀ ਯੂਨੀਵਰਸਿਟੀ ਵਿਚ ਪੜ੍ਹ ਰਹੇ ਸੂਡਾਨ ਦੇ ਸੂਡਾਨ ਦੇ ਨੌਜਵਾਨ ਮੁਹੰਮਦ ਵਾਡਾ ਬਾਲਾ ਯੂਸਫ (24) ਦਾ ਕਤਲ ਕਰ ਦਿੱਤਾ ਗਿਆ ਸੀ, ਇਸ ਮਾਮਲੇ ਨੂੰ ਪੁਲਿਸ ਨੇ ਸੁਲਝਾਉਂਦੇ ਹੋਏ 6 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ।
ਜਾਣਕਾਰੀ ਮੁਤਾਬਕ ਨਸ਼ੇ ਦੀ ਹਾਲਤ ਵਿਚ ਕੁਝ ਮੁੰਡਿਆਂ ਨੇ ਕੁੜੀਆਂ ਨਾਲ ਛੇੜਛਾੜ ਦੀ ਕੋਸ਼ਿਸ਼ ਕੀਤੀ ਸੀ। ਇਸ ਦੌਰਾਨ 2 ਮੁੰਡੇ ਉਨ੍ਹਾਂ ਦਾ ਬਚਾਅ ਕਰਨ ਪਹੁੰਚਦੇ ਹਨ ਤਾਂ ਦੋਸ਼ੀ ਨੌਜਵਾਨਾਂ ਨੇ ਉਨ੍ਹਾਂ ਨੂੰ ਚਾਕੂ ਮਾਰ ਦਿੱਤਾ, ਜਿਸ ਵਿਚ ਮੁਹੰਮਦ ਵਾਡਾ ਬਾਲਾ ਯੂਸਫ ਦੀ ਮੌਤ ਹੋ ਗਈ, ਜਦਕਿ ਉਸ ਦਾ ਸਾਥੀ ਅਹਿਮਦ ਮੁਹੰਮਦ ਨੂਰ ਜ਼ਖਮੀ ਹੋ ਗਿਆ। ਕਤਲ ਕਰਨ ਤੋਂ ਬਾਅਦ ਦੋਸ਼ੀ ਨੌਜਵਾਨ ਹਿਮਾਚਲ ਵਿਚ ਨਿਕਲ ਗਏ, ਤਾਂ ਜੋ ਕਿਸੇ ਨੂੰ ਵੀ ਇਸ ਕਤਲ ਦਾ ਪਤਾ ਨਾ ਲੱਗੇ। ਪਰ ਪੁਲਿਸ ਨੇ ਇਸ ਮਾਮਲੇ ਨੂੰ 12 ਘੰਟਿਆਂ ਦੇ ਅੰਦਰ ਸੁਲਝਾ ਲਿਆ।
ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਕਪੂਰਥਲਾ ਦੇ ਐਸ.ਐਸ.ਪੀ ਗੌਰਵ ਤੂਰਾ ਨੇ ਦੱਸਿਆ ਹੈ ਕਿ ਵਿਦਿਆਰਥੀ ਦੇ ਕਤਲ ਮਾਮਲੇ ਨੂੰ 12 ਘੰਟਿਆਂ ਦੇ ਅੰਦਰ ਸੁਲਝਾ ਕੇ 8 ਮੁਲਜ਼ਮਾਂ ਵਿੱਚੋਂ 6 ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਪੱਤਰਕਾਰਾਂ ਗੱਲਬਾਤ ਕਰਦਿਆਂ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ 15 ਮਈ ਨੂੰ ਪਿੰਡ ਮਹੇੜੂ ਵਿੱਚ ਦੋ ਸੂਡਾਨੀ ਨਾਗਰਿਕਾਂ ਅਹਿਮਦ ਮੁਹੰਮਦ ਨੂਰ (25) ਅਤੇ ਮੁਹੰਮਦ ਵਾਡਾ ਬਾਲਾ ਯੂਸਫ (24) ‘ਤੇ ਉਨ੍ਹਾਂ ਦੇ ਪੀਜੀ ਦੇ ਬਾਹਰ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕੀਤਾ ਗਿਆ ਸੀ, ਜਿਸ ਵਿੱਚ ਮੁਹੰਮਦ ਵਾਡਾ ਦੀ ਮੌਤ ਹੋ ਗਈ ਸੀ।
ਅਹਿਮਦ ਮੁਹੰਮਦ ਨੂਰ ਦੀ ਸ਼ਿਕਾਇਤ ‘ਤੇ ਥਾਣਾ ਸਤਨਾਮਪੁਰਾ ਵਿੱਚ ਮਾਮਲਾ ਦਰਜ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਕਾਰਵਾਈ ਕਰਦਿਆਂ ਅਭੈ ਰਾਜ (ਮਠੀਆ ਭੋਪਤ, ਬਿਹਾਰ), ਅਮਰ ਪਾਰਤਾਪ (ਪਿੰਡ ਸਿਸਵਾਈ ਕੁਨਵਰ), ਯਸ਼ ਵਰਧਨ (ਈਦਗਾਹ ਕਾਲੋਨੀ, ਕਾਨਪੁਰ), ਵਿਕਾਸ ਬਾਵਾ (ਆਰਾ, ਬੋਜਪੁਰ, ਬਿਹਾਰ), ਮੋਹੰਮਦ ਸ਼ੋਏਬ (ਗੁਰਾਹਿੰਦ ਬ੍ਰਾਹਮਣਾ, ਪੁੰਛ ਕਾਲੋਨੀ, ਜੰਮੂ) ਅਤੇ ਆਦਿਤਿਆ ਗਰਗ (ਸਿਵਲ ਲਾਈਨਜ਼, ਕਲਯਾਣੀ ਦੇਵੀ, ਸਫੀਪੁਰ, ਯੂ.ਪੀ.) ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ : ਟਰੰਪ ਦਾ ਭਾਰਤੀਆਂ ਨੂੰ ਇੱਕ ਹੋਰ ਝਟਕਾ, NRI’s ਨੂੰ ਅਮਰੀਕਾ ਤੋਂ ਪੈਸੇ ਭੇਜਣਾ ਪਏਗਾ ਮਹਿੰਗਾ!
ਐਸ.ਪੀ ਫਗਵਾੜਾ ਰੁਪਿੰਦਰ ਭੱਟੀ ਦੀ ਅਗਵਾਈ ਹੇਠ ਪੁਲਿਸ ਟੀਮਾਂ ਨੇ ਜਾਂਚ ਦੌਰਾਨ ਸਬੂਤ ਇਕੱਠੇ ਕੀਤੇ, ਜਿਨ੍ਹਾਂ ਵਿਚ ਸੀਸੀਟੀਵੀ ਫੁਟੇਜ ਵੀ ਸ਼ਾਮਲ ਹਨ। ਜਾਂਚ ਮਗਰੋਂ ਪੁਲਿਸ ਨੇ 2 ਹੋਰ ਮੁਲਜ਼ਮਾਂ ਵਿਕਾਸ ਬਾਵਾ ਅਤੇ ਅਭੈ ਰਾਜ ਦੀ ਵੀ ਪਛਾਣ ਕੀਤੀ। ਇਨ੍ਹਾਂ ਵਿੱਚੋਂ ਅਭੈ ਰਾਜ ਨੇ ਵਿਦਿਆਰਥੀ ਨੂੰ ਚਾਕੂ ਮਾਰਿਆ ਸੀ।
ਐਸ.ਐਸ.ਪੀ ਨੇ ਦੱਸਿਆ ਕਿ ਪੰਜਾਬ ਅਤੇ ਹੋਰ ਰਾਜਾਂ ਵਿੱਚ ਛਾਪੇਮਾਰੀ ਕਰਨ ਦੇ ਨਾਲ-ਨਾਲ ਹਿਮਾਚਲ ਪੁਲਿਸ ਨਾਲ ਜਾਣਕਾਰੀ ਸਾਂਝੀ ਕਰਦਿਆਂ 6 ਮੁਲਜ਼ਮਾਂ ਨੂੰ ਹਿਮਾਚਲ ਪ੍ਰਦੇਸ਼ ਦੇ ਜ਼ਿਲ੍ਹਾ ਮੰਡੀ ਤੋਂ ਗ੍ਰਿਫਤਾਰ ਕੀਤਾ ਗਿਆ, ਜਿਨ੍ਹਾਂ ਵਲੋਂ ਭੱਜਣ ਲਈ ਵਰਤੀ ਗਈ ਬੋਲੇਰੋ ਕਾਰ ਵੀ ਬਰਾਮਦ ਹੋ ਗਈ।
ਵੀਡੀਓ ਲਈ ਕਲਿੱਕ ਕਰੋ -:
