ਜਲੰਧਰ ਵਿੱਚ 13 ਸਾਲਾ ਕੁੜੀ ਦੇ ਕਤਲ ਮਾਮਲੇ ਵਿਚ ਦੋਸ਼ੀ ਹਰਮਿੰਦਰ ਸਿੰਘ ਉਰਫ਼ ਰਿੰਪੀ ਨੂੰ ਨੌਂ ਦਿਨਾਂ ਦਾ ਪੁਲਿਸ ਰਿਮਾਂਡ ਖਤਮ ਹੋਣ ਤੋਂ ਬਾਅਦ ਸਖ਼ਤ ਸੁਰੱਖਿਆ ਹੇਠ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਪੁਲਿਸ ਨੇ ਅਦਾਲਤ ਨੂੰ ਦੋਸ਼ੀ ਦੇ ਰਿਮਾਂਡ ਨੂੰ ਵਧਾਉਣ ਦੀ ਅਪੀਲ ਕੀਤੀ। ਸਬੂਤਾਂ ਦੇ ਆਧਾਰ ‘ਤੇ ਅਦਾਲਤ ਨੇ ਦੋਸ਼ੀ ਦੇ ਪੁਲਿਸ ਰਿਮਾਂਡ ਨੂੰ ਦੋ ਦਿਨ ਵਧਾ ਦਿੱਤਾ।
ਰਿਮਾਂਡ ਦੀ ਮਿਆਦ ਦੌਰਾਨ ਜਾਂਚ ਟੀਮ ਨੇ ਦੋਸ਼ੀ ਤੋਂ ਬਾਰੀਕੀ ਨਾਲ ਪੁੱਛਗਿੱਛ ਕੀਤੀ ਅਤੇ ਉਸ ਨੂੰ ਅਪਰਾਧ ਵਾਲੀ ਥਾਂ ‘ਤੇ ਲੈ ਗਈ। ਉੱਥੇ, ਦੋਸ਼ੀ ਨੇ ਲੜਕੀ ਦੇ ਕਤਲ ਤੋਂ ਲੈ ਕੇ ਲਾਸ਼ ਨੂੰ ਬਾਥਰੂਮ ਵਿੱਚ ਲੁਕਾਉਣ ਤੱਕ ਦੀ ਸਾਰੀ ਘਟਨਾ ਦੱਸੀ। ਜਾਂਚ ਦੌਰਾਨ ਪੁਲਿਸ ਨੂੰ ਕਈ ਅਹਿਮ ਸਬੂਤ ਵੀ ਮਿਲੇ, ਜਿਨ੍ਹਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ। ਇਸ ਸਬੂਤ ਦੇ ਆਧਾਰ ‘ਤੇ, ਅਦਾਲਤ ਨੇ ਦੋਸ਼ੀ ਦੇ ਪੁਲਿਸ ਰਿਮਾਂਡ ਨੂੰ ਦੋ ਦਿਨ ਵਧਾ ਦਿੱਤਾ।
ਦੱਸ ਦੇਈਏ ਕਿ 23 ਸਤੰਬਰ ਨੂੰ ਪਾਰਸ ਅਸਟੇਟ ਤੋਂ ਇੱਕ 13 ਸਾਲ ਦੀ ਕੁੜੀ ਸ਼ੱਕੀ ਹਾਲਾਤਾਂ ਵਿੱਚ ਲਾਪਤਾ ਹੋ ਗਈ। ਕੁੜੀ ਦੀ ਮਾਂ ਨੂੰ ਰਿੰਪੀ ‘ਤੇ ਸ਼ੱਕ ਸੀ, ਜੋ ਕਿਗੁਆਂਢ ਵਿੱਚ ਰਹਿੰਦਾ ਸੀ। ਸ਼ਿਕਾਇਤ ਮਿਲਣ ‘ਤੇ, ASI ਮੰਗਤ ਰਾਮ ਅਤੇ ਦੋ ਹੋਰ PCR ASI ਮੌਕੇ ‘ਤੇ ਪਹੁੰਚੇ। ਪੁਲਿਸ ਮੁਲਾਜਮਾਂ ਨੇ ਘਰ ਦੀ ਜਾਂਚ ਕੀਤੀ ਪਰ ਵਾਪਸ ਆ ਕੇ ਦਾਅਵਾ ਕੀਤਾ ਕਿ ਕੁੜੀ ਲਾਪਤਾ ਹੈ। ਉਸ ਰਾਤ ਬਾਅਦ ਵਿੱਚ, ਸੀਸੀਟੀਵੀ ਫੁਟੇਜ ਵਿੱਚ ਖੁਲਾਸਾ ਹੋਇਆ ਕਿ ਕੁੜੀ ਨੂੰ ਆਖਰੀ ਵਾਰ ਰਿੰਪੀ ਦੇ ਘਰ ਵਿੱਚ ਦਾਖਲ ਹੁੰਦੇ ਦੇਖਿਆ ਗਿਆ ਸੀ। ਇਸ ਨਾਲ ਸਥਾਨਕ ਲੋਕਾਂ ਵਿੱਚ ਗੁੱਸਾ ਫੈਲ ਗਿਆ ਅਤੇ ਜਦੋਂ ਰਿੰਪੀ ਦੇ ਘਰ ਦਾ ਬਾਥਰੂਮ ਖੋਲ੍ਹਿਆ ਗਿਆ ਤਾਂ ਕੁੜੀ ਦੀ ਲਾਸ਼ ਮਿਲੀ।
ਇਹ ਵੀ ਪੜ੍ਹੋ : ਲੋਕ ਸਭਾ ‘ਚ ਗੂੰਜਿਆ ਚੰਡੀਗੜ੍ਹ ਦਾ ਮੁੱਦਾ, MP ਮਨੀਸ਼ ਤਿਵਾੜੀ ਨੇ ਚੁੱਕੀਆਂ 5 ਮੰਗਾਂ
ਮਾਮਲੇ ਨੂੰ ਸੰਭਾਲਣ ਵਿੱਚ ਲਾਪਰਵਾਹੀ ਵਰਤਣ ਵਾਲੇ ASI ਮੰਗਤ ਰਾਮ ਨੂੰ ਬਰਖਾਸਤ ਕਰ ਦਿੱਤਾ ਗਿਆ ਹੈ ਅਤੇ ਦੋਵੇਂ PCR ASI ਨੂੰ ਵੀ ਮੁਅੱਤਲ ਕਰ ਦਿੱਤਾ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
