ਲੁਧਿਆਣਾ ਦੇ ਜਮਾਲਪੁਰ ਦੀ ਆਹਲੂਵਾਲੀਆ ਕਲੋਨੀ ਵਿੱਚ ਦੇਰ ਰਾਤ ਮੁੰਬਈ ਤੋਂ ਆਈ ਇੱਕ ਲੜਕੀ ਨੇ ਇੱਕ ਘਰ ਦੇ ਬਾਹਰ ਹਾਈ ਵੋਲਟੇਜ ਡਰਾਮਾ ਕੀਤਾ। ਇੱਥੇ ਲੜਕੀ ਨੇ ਦੋਸ਼ ਲਾਇਆ ਕਿ ਨੌਜਵਾਨ ਨੇ ਮੁੰਬਈ ਵਿੱਚ ਉਸ ਨਾਲ ਜਬਰਜਨਾਹ ਕੀਤਾ। ਜਦੋਂ ਉਸ ਨੇ ਥਾਣੇ ਵਿੱਚ 376 ਦਾ ਕੇਸ ਦਰਜ ਕਰਵਾਇਆ ਤਾਂ ਨੌਜਵਾਨ ਉਸ ਨਾਲ ਵਿਆਹ ਕਰਨ ਲਈ ਰਾਜ਼ੀ ਹੋ ਗਿਆ। ਵਿਆਹ ਕਰਵਾਉਣ ਤੋਂ ਬਾਅਦ ਨੌਜਵਾਨ ਨੇ ਉਸ ਦੀ ਕੁੱਟਮਾਰ ਕੀਤੀ। ਜਿਸ ਦਾ ਸੀਸੀਟੀਵੀ ਵੀ ਉਸ ਕੋਲ ਹੈ।
ਲੜਕੀ ਨੇ ਦੱਸਿਆ ਕਿ ਉਹ ਵਿਆਹ ਤੋਂ ਬਾਅਦ ਗਰਭਵਤੀ ਹੋ ਗਈ ਪਰ ਪਤੀ ਰਿਸ਼ਭ ਨੇ ਉਸ ਦਾ ਗਰਭਪਾਤ ਕਰਵਾ ਦਿੱਤਾ। ਪਰ ਹੁਣ ਉਹ ਫਿਰ ਤੋਂ ਗਰਭਵਤੀ ਹੈ। ਸਿਰਫ਼ 1 ਮਹੀਨਾ ਹੀ ਹੋਇਆ ਹੈ। ਲੜਕੀ ਨੇ ਦੱਸਿਆ ਕਿ ਰਿਸ਼ਭ ਮੁੰਬਈ ਤੋਂ ਇਹ ਕਹਿ ਕੇ ਪੰਜਾਬ ਆਇਆ ਸੀ ਕਿ ਉਸ ਨੇ ਕਈ ਲੋਕਾਂ ਨੂੰ ਪੈਸੇ ਦੇਣੇ ਹਨ। ਉਹ ਲਗਭਗ 1 ਸਾਲ ਤੱਕ ਇੱਥੇ ਰਹੇਗਾ ਅਤੇ ਉਨ੍ਹਾਂ ਸਾਰੇ ਲੋਕਾਂ ਨੂੰ ਪੈਸੇ ਦੇਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:< /p>
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
ਲੜਕੀ ਮੁਤਾਬਕ ਰਿਸ਼ਭ ਉਸ ਨਾਲ ਫੋਨ ‘ਤੇ ਘੱਟ ਹੀ ਗੱਲ ਕਰਦਾ ਸੀ। ਉਸ ਨੂੰ ਸ਼ੱਕ ਸੀ ਕਿ ਪਤੀ ਦੇ ਕਈ ਹੋਰ ਲੜਕੀਆਂ ਨਾਲ ਵੀ ਨਾਜਾਇਜ਼ ਸਬੰਧ ਹਨ। ਜਿਸ ਤੋਂ ਬਾਅਦ ਉਹ ਰਿਸ਼ਭ ਨੂੰ ਫੋਨ ਕਰਨ ਲੱਗੀ ਤਾਂ ਉਹ ਉਸ ਨਾਲ ਗਾਲੀ-ਗਲੋਚ ਕਰਨ ਲੱਗਾ।
ਇਸ ਕਾਰਨ ਉਹ ਬੀਤੇ ਦਿਨ ਮੁੰਬਈ ਤੋਂ ਫਲਾਈਟ ਲੈ ਕੇ ਮੋਹਾਲੀ ਪਹੁੰਚੀ। ਰਿਸ਼ਭ ਦੇ ਆਧਾਰ ਕਾਰਡ ਮੁਤਾਬਕ ਪਤੇ ‘ਤੇ ਸਰਚ ਕਰਦੇ ਹੋਏ ਲੋਕਾਂ ਨੂੰ ਉਸ ਦੀ ਫੋਟੋ ਦਿਖਾ ਕੇ ਉਸ ਦਾ ਘਰ ਲੱਭਿਆ। ਰਿਸ਼ਭ ਦੀ ਮਾਂ ਨੇ ਉਸ ਨੂੰ ਘਰ ਅੰਦਰ ਨਹੀਂ ਵੜਨ ਦਿੱਤਾ। ਜਿਸ ਕਾਰਨ ਪਤੀ ਦੀ ਮਾਂ ਨਾਲ ਕਾਫੀ ਤਕਰਾਰ ਹੁੰਦੀ ਸੀ।
