ਲੁਧਿਆਣਾ: ਕੋਰੋਨਾ ਦੀ ਪਹਿਲੀ ਅਤੇ ਦੂਜੀ ਲਹਿਰ ਦੌਰਾਨ ਆਕਸੀਜਨ ਅਤੇ ਆਈ.ਸੀ.ਯੂ. ਬੈਡਾਂ ਦੀ ਘਾਟ ਹੋਣ ਕਰਕੇ ਗੰਭੀਰ ਰੂਪ ਨਾਲ ਬਿਮਾਰ ਕੋਰੋਨਾ ਸੰਕਰਮਿਤ ਮਰੀਜ਼ਾਂ ਨੂੰ ਇਲਾਜ ਲਈ ਹੋਏ ਖੱਜਲ-ਖੁਹਾਰ ਦੇ ਮੱਦੇਨਜ਼ਰ, ਸ਼ਹਿਰ ਦੇ ਅਰੋੜਾ ਨਿਊਰੋ ਸੈਂਟਰ ਅਤੇ ਮਲਟੀ ਸੁਪਰ ਸਪੈਸ਼ਲਿਟੀ ਹਸਪਤਾਲ ਵਿੱਚ ਅਤਿ ਆਧੁਨਿਕ ਆਈ.ਸੀ.ਯੂ. ਪੀ.ਐਸ.ਏ. ਆਕਸੀਜਨ ਪਲਾਂਟ ਸਥਾਪਤ ਕੀਤਾ ਗਿਆ ਹੈ। ਡਿਪਟੀ ਕਮਿਸ਼ਨਰ ਲੁਧਿਆਣਾ ਸ੍ਰੀ ਵਰਿੰਦਰ ਕੁਮਾਰ ਸ਼ਰਮਾ ਵੱਲੋਂ ਇਸ ਪਲਾਂਟ ਦਾ ਉਦਘਾਟਨ ਕੀਤਾ ਗਿਆ। ਇਸ ਮੌਕੇ ਸਿਵਲ ਸਰਜਨ ਲੁਧਿਆਣਾ ਡਾ. ਐਸ.ਪੀ. ਸਿੰਘ ਅਤੇ ਨਿਗਮ ਕੌਂਸਲਰ ਸੰਨੀ ਭੱਲਾ ਵੀ ਮੌਜੂਦ ਸਨ।
ਹਸਪਤਾਲ ਦੇ ਨਿਰਦੇਸ਼ਕਾਂ, ਡਾ. ਨੀਲਮ ਅਰੋੜਾ, ਡਾ. ਓਪੀ ਅਰੋੜਾ ਅਤੇ ਡਾ. ਪ੍ਰਸ਼ਾਂਤ ਅਰੋੜਾ ਨੇ ਕਿਹਾ ਕਿ ਕੋਰੋਨਾ ਮਹਾਂਮਾਰੀ ਨੇ ਬੀਤੇ ਸਾਲਾਂ ‘ਚ ਪੂਰੀ ਦੁਨੀਆ ਨੂੰ ਬਹੁਤ ਵੱਡਾ ਝਟਕਾ ਦਿੱਤਾ ਹੈ। ਭਾਰਤ ਤੋਂ ਇਲਾਵਾ ਵਿਕਸਤ ਦੇਸ਼ ਵੀ ਇਸ ਦੀ ਮਾਰ ਝੱਲ ਨਹੀਂ ਸਕੇ। ਆਕਸੀਜਨ ਅਤੇ ਬੈਡਾਂ ਦੀ ਭਾਰੀ ਕਮੀ ਸੀ ਪਰ ਅਸੀਂ ਨਹੀਂ ਚਾਹੁੰਦੇ ਕਿ ਸਾਡੇ ਸ਼ਹਿਰ ਦੇ ਲੋਕਾਂ ਨੂੰ ਸੰਭਾਵੀ ਤੀਜੀ ਲਹਿਰ ਵਿੱਚ ਦੁਬਾਰਾ ਇਸ ਸਮੱਸਿਆ ਦਾ ਸਾਹਮਣਾ ਕਰਨਾ ਪਵੇ। ਇਹੀ ਕਾਰਨ ਹੈ ਕਿ ਹੁਣ ਅਸੀਂ ਤੀਜੀ ਲਹਿਰ ਦੇ ਆਉਣ ਤੋਂ ਪਹਿਲਾਂ ਹੀ ਸਾਡੇ ਹਸਪਤਾਲ ਵਿੱਚ ਦਸ ਹੋਰ ਆਈ.ਸੀ.ਯੂ. ਬੈਡੇ ਅਤੇ ਸਾਡੇ ਆਪਣੇ 270 ਲੀਟਰ ਪ੍ਰਤੀ ਮਿੰਟ ਆਕਸੀਜਨ ਜਨਰੇਟਰ ਸ਼ਾਮਲ ਕੀਤੇ ਹਨ, ਤਾਂ ਜੋ ਲੋੜ ਪੈਣ ਤੇ ਮਰੀਜ਼ਾਂ ਨੂੰ ਇਲਾਜ ਲਈ ਭਟਕਣਾ ਨਾ ਪਵੇ।
ਵੀਡੀਓ ਲਈ ਕਲਿੱਕ ਕਰੋ -:
ਸਰਕਾਰੀ ਬੰਦਾ ਮੰਗੇ ਰਿਸ਼ਵਤ ਤਾਂ ਵੀਡੀਓ ਬਣਾ ਕਰੋ ਇਸ ਨੰਬਰ ਤੇ Send, ਲੱਗੂ ਕਲਾਸ, ਆਹ ਨੰਬਰ ਕਰ ਲਓ Save !
ਦੂਜੇ ਪਾਸੇ, ਹਸਪਤਾਲ ਦੇ ਕ੍ਰਿਟੀਕਲ ਕੇਅਰ ਸਪੈਸ਼ਲਿਸਟ ਡਾ. ਗੌਰਵ ਸਚਦੇਵਾ ਨੇ ਕਿਹਾ ਕਿ ਸਾਡੇ 75 ਬੈਡਾਂ ਵਾਲੇ ਹਸਪਤਾਲ ਵਿੱਚ ਪਹਿਲਾਂ ਹੀ 21 ਬੈਡ ਆਈ.ਸੀ.ਯੂ. ਨੂੰ ਸਮਰਪਿਤ ਸਨ, ਪਰ ਹੁਣ 10 ਹੋਰ ਬੈਡ ਜੋੜ ਕੇ ਪੰਜਾਬ ਭਰ ਲਈ ਅਤਿ ਆਧੁਨਿਕ ਮਸ਼ੀਨਾਂ ਅਤੇ ਸਮਰਪਿਤ ਸਟਾਫ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ. ਇਸ ਆਈਸੀਯੂ ਵਿੱਚ ਕੇਂਦਰੀ ਨਿਗਰਾਨੀ ਪ੍ਰਣਾਲੀ, ਵਿਦੇਸ਼ਾਂ ਤੋਂ ਆਯਾਤ ਕੀਤੇ ਵੈਂਟੀਲੇਟਰ, ਡਿਫਿਬ੍ਰਿਲੇਟਰ, ਲੈਮੀਨਾਰ-ਏ-ਫਲੋਰ ਪ੍ਰਣਾਲੀ ਵਾਲੇ ਅਲੱਗ ਕਮਰੇ ਅਤੇ ਹੋਰ ਸਹੂਲਤਾਂ ਹਨ। ਜਿਸ ਕਾਰਨ ਮਰੀਜ਼ਾਂ ਨੂੰ ਵਿਸ਼ਵ ਪੱਧਰੀ ਇਲਾਜ ਸਹੂਲਤਾਂ ਮਿਲਣਗੀਆਂ। ਨਾ ਸਿਰਫ ਕੋਰੋਨਾ ਬਲਕਿ ਹੋਰ ਗੰਭੀਰ ਬਿਮਾਰੀਆਂ ਜਿਵੇਂ ਡੇਂਗੂ, ਸਵਾਈਨ ਫਲੂ, ਸਾਹ ਦੀਆਂ ਬਿਮਾਰੀਆਂ, ਸ਼ੂਗਰ ਨਾਲ ਸੰਬੰਧਤ ਪੇਚੀਦਗੀਆਂ, ਸਟਰੋਕ ਅਤੇ ਹੋਰ ਸਾਰੀਆਂ ਬਿਮਾਰੀਆਂ ਸਮੇਤ ਹੋਰ ਸਾਰੇ ਵਧੀਆ ਇਲਾਜ ਸੰਭਵ ਹਨ। ਅਰੋੜਾ ਨਿਊਰੋ ਸੈਂਟਰ ਸਾਲਾਂ ਤੋਂ ਮਰੀਜ਼ਾਂ ਨੂੰ ਵਧੀਆ ਇਲਾਜ ਪ੍ਰਦਾਨ ਕਰ ਰਿਹਾ ਹੈ। ਇਸ ਦੌਰਾਨ ਸ਼ਹਿਰ ਦੀਆਂ ਕਈ ਉੱਘੀਆਂ ਹਸਤੀਆਂ ਤੋਂ ਇਲਾਵਾ, ਨਾਮਵਰ ਡਾਕਟਰ ਵੀ ਮੌਜੂਦ ਸਨ।
