City bus service Ludhiana: ਲੁਧਿਆਣਾ ‘ਚ ਨਗਰ ਨਿਗਮ ਨੇ ਸਿਟੀ ਬੱਸ ਸਰਵਿਸ ਸਬੰਧੀ ਅਹਿਮ ਫੈਸਲਾ ਲਿਆ ਹੈ। ਜਾਣਕਾਰੀ ਮੁਤਾਬਕ ਸ਼ਹਿਰ ‘ਚ ਸੋਮਵਾਰ ਤੋਂ ਸਿਟੀ ਬੱਸ ਸਰਵਿਸ ਸ਼ੁਰੂ ਹੋਣ ਜਾ ਰਹੀ ਹੈ। ਇਸ ਦਾ ਸਿਰਫ ਇਕ ਹੀ ਰੂਟ ਸ਼ੁਰੂ ਕੀਤਾ ਜਾਵੇਗਾ, ਜੋ ਕਿ ਸਾਹਨੇਵਾਲ ਤੋਂ ਘੰਟਾਘਰ ਤੱਕ ਦਾ ਹੋਵੇਗਾ। ਸਿਟੀ ਬੱਸ ਕੰਪਨੀ ਦੇ ਅਫਸਰ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ।
ਦੱਸਣਯੋਗ ਹੈ ਕਿ ਨਿਗਮ ਨੇ ਸਿਟੀ ਬੱਸ ਆਪਰੇਟਰ ਨੂੰ ਇਕ ਹਫਤਾ ਪਹਿਲਾਂ ਹੀ ਬੱਸਾਂ ਸ਼ੁਰੂ ਕਰਨ ਲਈ ਆਦੇਸ਼ ਦਿੱਤਾ ਸੀ ਪਰ ਬੱਸਾਂ ਹੁਣ ਸ਼ੁਰੂ ਕੀਤੀਆਂ ਜਾਣਗੀਆਂ। ਸਿਟੀ ਬੱਸ ਆਪਰੇਟਰ ਵੱਲੋਂ ਇਹ ਵੀ ਜਾਣਕਾਰੀ ਮਿਲੀ ਹੈ ਕਿ ਬੱਸਾਂ ਨੂੰ ਬਾਕੀ ਰੂਟਾਂ ‘ਤੇ ਵੀ ਸੋਮਵਾਰ ਤੋਂ ਬਾਅਦ ਜਲਦੀ ਸ਼ੁਰੂ ਕਰ ਦਿੱਤਾ ਜਾਵੇਗਾ।
