ਸਕੂਲਾਂ ਨੂੰ 2026-27 ਅਕਾਦਮਿਕ ਸਾਲ ਲਈ ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਤੋਂ ਮਾਨਤਾ ਲਈ 30 ਅਪ੍ਰੈਲ ਤੱਕ ਅਰਜ਼ੀ ਦੇਣੀ ਪਵੇਗੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਫੀਸ ਦੇ ਨਾਲ ਜੁਰਮਾਨਾ ਭਰਨਾ ਪਵੇਗਾ। PSEB ਨੇ ਇਸ ਸਬੰਧ ਵਿੱਚ ਆਦੇਸ਼ ਜਾਰੀ ਕੀਤੇ ਹਨ। ਬੋਰਡ ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਤੋਂ ਬਾਅਦ ਕਿਸੇ ਨੂੰ ਵੀ ਮੌਕਾ ਨਹੀਂ ਦਿੱਤਾ ਜਾਵੇਗਾ।
30 ਅਪ੍ਰੈਲ ਤੱਕ ਕੋਈ ਲੇਟ ਫੀਸ ਨਹੀਂ
PSEB ਮੁਤਾਬਕ ਸਰਕਾਰੀ, ਗੈਰ-ਸਰਕਾਰੀ ਅਤੇ ਮਾਡਲ ਸਕੂਲਾਂ ਨੂੰ ਮਾਨਤਾ ਅਤੇ ਨਵੀਨੀਕਰਨ ਲਈ ਅਰਜ਼ੀ ਦੇਣੀ ਚਾਹੀਦੀ ਹੈ। ਸ਼ਡਿਊਲ ਮੁਤਾਬਕ ਬਿਨਾਂ ਲੇਟ ਫੀਸ ਦੇ ਅਰਜ਼ੀ ਦੇਣ ਦੀ ਆਖਰੀ ਮਿਤੀ 30 ਅਪ੍ਰੈਲ ਹੈ। ਇਸ ਤੋਂ ਬਾਅਦ 6,700 ਰੁਪਏ ਦੇ ਜੁਰਮਾਨੇ ਨਾਲ 31 ਅਗਸਤ ਤੱਕ ਅਰਜ਼ੀਆਂ ਦਿੱਤੀਆਂ ਜਾ ਸਕਦੀਆਂ ਹਨ। 31 ਅਗਸਤ ਜੁਰਮਾਨੇ ਨਾਲ ਅਰਜ਼ੀ ਦੇਣ ਦੀ ਆਖਰੀ ਮਿਤੀ ਹੈ।
ਸਰਕਾਰੀ ਸਕੂਲਾਂ ਲਈ ਫੀਸ ਛੋਟ
ਨਵੀਂ ਮਾਨਤਾ ਫੀਸ ਮੈਟ੍ਰਿਕ ਲਈ 3,650 ਰੁਪਏ, ਨਵੀਨੀਕਰਨ ਲਈ 1,820 ਫੀਸ ਅਤੇ ਸੀਨੀਅਰ ਸੈਕੰਡਰੀ ਲਈ 4,850 ਰੁਪਏ, ਨਵੀਨੀਕਰਨ ਫੀਸ ਪ੍ਰਤੀ ਗਰੁੱਪ 1,820 ਰੁਪਏ ਹੈ। ਸਰਕਾਰੀ ਅਤੇ ਮਾਡਲ ਸਕੂਲਾਂ ਨੂੰ ਮਾਨਤਾ ਫੀਸ ਤੋਂ ਛੋਟ ਹੈ।
ਇਹ ਵੀ ਪੜ੍ਹੋ : ਬਠਿੰਡਾ ਕੋਰਟ ‘ਚ ਨਹੀਂ ਪੇਸ਼ ਹੋਈ ਕੰਗਨਾ ਰਣੌਤ, ਕਿਸਾਨ ਅੰਦੋਲਨ ਦੌਰਾਨ ਵਿਵਾਦਿਤ ਟਿੱਪਣੀ ਦਾ ਮਾਮਲਾ
ਸਾਰੀ ਜਾਣਕਾਰੀ ਆਈਡੀ ‘ਤੇ ਉਪਲਬਧ
ਸਾਰੇ ਮਾਨਤਾ ਫਾਰਮ ਸਕੂਲ ਦੇ ਲੌਗਇਨ ਆਈਡੀ ‘ਤੇ ਉਪਲਬਧ ਹਨ। ਸਟੱਡੀ ਸੈਂਟਰ ਵੱਲੋਂ ਮਾਨਤਾ ਲਈ ਅਰਜ਼ੀ ਦੇਣ ‘ਤੇ, ਫਾਰਮ ਦੀ ਇੱਕ ਹਾਰਡ ਕਾਪੀ ਸਕੱਤਰ, ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੁਆਰਾ ਪ੍ਰਦਾਨ ਕੀਤੀ ਜਾਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
