punjab government transfer 80 dsp: ਹਾਲ ਹੀ ਵਿੱਚ ਜ਼ਿਲ੍ਹਾ ਪ੍ਰਸ਼ਾਸਨ ਵਿੱਚ ਵੱਡੇ ਪੱਧਰ ’ਤੇ ਡਿਪਟੀ ਕਮਿਸ਼ਨਰ ਅਤੇ ਨਗਰ ਨਿਗਮ ਕਮਿਸ਼ਨਰ ਦੇ ਤਬਾਦਲੇ ਤੋਂ ਹੋਣ ਬਾਅਦ ਹੁਣ ਪੁਲੀਸ ਵਿਭਾਗ ਵਿੱਚ ਹੋਏ ਤਬਾਦਲਿਆਂ ਦੀ ਸੂਚੀ ਵੀ ਆ ਗਈ ਹੈ।
ਪੰਜਾਬ ਸਰਕਾਰ ਨੇ ਸੋਮਵਾਰ ਨੂੰ ਰਾਜ ਭਰ ਵਿੱਚ 80 ਡੀਐਸਪੀ ਆ ਦੇ ਤਬਾਦਲੇ ਕਰ ਦਿੱਤੇ ਹਨ। ਇਸ ਲਿਸਟ ਵਿੱਚ ਜਲੰਧਰ ਦੇ ਦੋ ਏਸੀਪੀ ਵੀ ਸ਼ਾਮਿਲ ਹਨ।
ਦੱਸ ਦਈਏ ਕਿ ਸ਼ਨੀਵਾਰ ਰਾਤ ਨੂੰ ਜਲੰਧਰ ਦੇ ਡੀਸੀ ਵਰਿੰਦਰ ਕੁਮਾਰ ਸ਼ਰਮਾ ਅਤੇ ਨਿਗਮ ਕਮਿਸ਼ਨਰ ਦੀਪਾਰਵਾ ਲਾਕੜਾ ਨੂੰ ਸਰਕਾਰ ਨੇ ਤਬਦੀਲ ਕਰ ਦਿੱਤਾ ਸੀ।
ਹੁਣ ਇੱਕ ਦਿਨ ਬਾਅਦ ਸ਼ਹਿਰ ਵਿੱਚ ਪੁਲਿਸ ਮੁਲਾਜ਼ਮਾਂ ਦੀ ਬਦਲੀ ਸ਼ੁਰੂ ਹੋ ਗਈ ਹੈ। ਇੱਕ ਮਹੀਨਾ ਪਹਿਲਾਂ, ਐਸਪੀ ਨਾਰਥ ਸੰਤਿੰਦਰ ਚੱਡਾ ਦੀ ਜਗ੍ਹਾ ਕਪੂਰਥਲਾ ਦੇ ਡੀਐਸਪੀ, ਡਾਕਟਰ ਮੁਕੇਸ਼ ਕੁਮਾਰ ਨੂੰ ਏਸੀਪੀ ਨਾਰਥ ਬਣਾਇਆ ਗਿਆ ਹੈ।
ਪੀਪੀਐਸ ਸਤਿੰਦਰ ਚੱਡਾ ਨੂੰ ਜਲਦੀ ਹੀ ਹੋਰ ਕਿਤੇ ਤਬਦੀਲ ਕਰ ਦਿੱਤਾ ਜਾਵੇਗਾ। ਇਸ ਦੇ ਨਾਲ ਹੀ ਜਲੰਧਰ ਦੇ ਏਸੀਪੀ ਮਾਡਲ ਟਾਊਨ ਧਰਮਪਾਲ ਨੂੰ ਕਪੂਰਥਲਾ ਵਿਖੇ ਡੀਐਸਪੀ ਬਣਾਇਆ ਗਿਆ ਹੈ।
ਨਵੇਂ ਏਸੀਪੀ ਮਾਡਲ ਟਾਨ ਦਾ ਅਜੇ ਐਲਾਨ ਨਹੀਂ ਕੀਤਾ ਗਿਆ ਹੈ।
