ਰਾਜਸਥਾਨ ਰਾਇਲਸ ਨੇ ਇੰਡੀਅਨ ਪ੍ਰੀਮੀਅਰ ਲੀਗ 2024 ਵਿਚ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ ਹੈ। ਟੀਮ ਨੇ ਮੌਜੂਦਾ ਸੀਜ਼ਨ ਦੇ 9ਵੇਂ ਮੈਚ ਵਿਚ ਦਿੱਲੀ ਕੈਪੀਟਲ ਨੂੰ 12 ਦੌੜਾਂ ਤੋਂ ਹਰਾਇਆ। ਹੋਮ ਟੀਮ ਨੇਸੀਜ਼ਨ ਵਿਚ ਲਗਾਤਾਰ 9ਵਾਂ ਮੈਚ ਜਿੱਤਿਆ ਹੈ ਜਦੋਂ ਕਿ ਰਾਜਸਥਾਨ ਨੇ ਲਗਾਤਾਰ ਦੂਜੀ ਜਿੱਤ ਹਾਸਲ ਕੀਤੀ ਹੈ।
ਜੈਪੁਰ ਦੇ ਸਵਾਈ ਮਾਨਸਿੰਘ ਸਟੇਡੀਅਮ ਵਿਚ ਦਿੱਲੀ ਨੇ ਟੌਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਲਿਆ। ਰਾਜਸਥਾਨ ਨੇ ਪਹਿਲਾਂ ਬੈਟਿੰਗ ਕਰਦੇ ਹੋਏ 20 ਓਵਰਾਂ ਵਿਚ 5 ਵਿਕਟ ‘ਤੇ 185 ਦੌੜਾਂ ਬਣਾਈਆਂ। ਜਵਾਬ ਵਿਚ ਦਿੱਲੀ 20 ਓਵਰ ਵਿਚ 5 ਵਿਕਟਾਂ ‘ਤੇ 173 ਦੌੜਾਂ ਹੀ ਬਣਾ ਸਕੀ। ਰਿਆਨ ਪਰਾਗ ਪਲੇਅਰ ਆਫ ਦਿ ਮੈਚ ਰਹੇ। ਉਨ੍ਹਾਂ ਨੇ 45 ਗੇਂਦਾਂ ‘ਤੇ 84 ਦੌੜਾਂ ਦੀ ਪਾਰੀ ਖੇਡੀ। ਇਸ ਪਾਰੀ ਵਿਚ 7 ਚੌਕੇ ਤੇ 6 ਛੱਕੇ ਸ਼ਾਮਲ ਹਨ
ਰਿਸ਼ਭ ਪੰਤ ਤੇ ਰਿਆਨ ਪਰਾਗ IPL ਦਾ 100ਵਾਂ ਮੈਚ ਖੇਡ ਰਹੇ ਸਨ। ਰਾਜਸਥਾਨ ਨੇ 6 ਸਾਲ ਬਾਅਦ ਦਿੱਲੀ ਨੂੰ ਆਪਣੇ ਘਰ ਵਿਚ ਹਰਾਇਆ ਹੈ। ਟੀਮ ਨੂੰ ਆਖਰੀ ਜਿੱਤ 2018 ਵਿਚ ਮਿਲੀ ਸੀ। ਦੋਵੇਂ ਟੀਮਾਂ ਇਥੇ 5 ਸਾਲ ਬਾਅਦ ਖੇਡ ਰਹੀਆਂ ਸਨ। ਰਾਜਸਥਾਨ ਦੇ ਰਿਆਨ ਪਰਾਗ ਨੇ 45 ਗੇਂਦਾਂ ‘ਤੇ 186.67 ਦੇ ਸਟ੍ਰਾਈਕ ਰੇਟ ਨਾਲ 7 ਚੌਕੇ ਤੇ 6 ਛੱਕਿਆਂ ਦੇ ਸਹਾਰੇ 84 ਦੌੜਾਂ ਬਣਾਈਆਂ। ਰਵੀਚੰਦਰਨ ਅਸ਼ਵਿਨ ਨੇ 29 ਅਤੇ ਧਰੁਵ ਜੁਰੇਲ ਨੇ 20 ਦੌੜਾਂ ਦਾ ਯੋਗਦਾਨ ਦਿੱਤਾ।
ਇਹ ਵੀ ਪੜ੍ਹੋ : SSOC ਮੋਹਾਲੀ ਨੂੰ ਮਿਲੀ ਵੱਡੀ ਕਾਮਯਾਬੀ, ਵਿਦੇਸ਼ ਅਧਾਰਿਤ ਅਪਰਾਧਿਕ ਨੈੱਟਵਰਕ ਦੇ ਤਿੰਨ ਕਾਰਕੁੰਨਾਂ ਨੂੰ ਕੀਤਾ ਗ੍ਰਿਫਤਾਰ
ਦਿੱਲੀ ਦੇ ਖਲੀਲ ਅਹਿਮਦ, ਮੁਕੇਸ਼ ਕੁਮਾਰ, ਐਨਰਿਕ ਨਾਰਯਾ, ਅਕਸ਼ਰ ਪਟੇਲ ਤੇ ਕੁਲਦੀਪ ਯਾਦਵ ਨੂੰ 1-1 ਵਿਕਟ ਮਿਲਿਆ। ਜਵਾਬ ਵਿਚ ਦਿੱਲੀ ਤੋਂ ਡੇਵਿਡ ਵਾਰਨਰ ਨੇ 34 ਗੇਂਦਾਂ ‘ਤੇ 49 ਦੌੜਾਂ ਬਣਾਈਆਂ। ਟ੍ਰਿਸਟਨ ਸਟਬਸ ਨੇ ਨਾਟਆਊਟ 44, ਕਪਤਾਨ ਰਿਸ਼ਭ ਪੰਤ ਨੇ 28 ਤੇ ਮਿਚੇਲ ਮਾਰਸ਼ ਨੇ 23 ਦੌੜਾਂ ਦੀ ਪਾਰੀ ਖੇਡੀ। ਯੁਜਵੇਂਦਰ ਚਹਿਲ ਤੇ ਨਾਂਦਰੇ ਬਰਗਰ ਨੂੰ 2-2 ਵਿਕਟਾਂ ਮਿਲੀਆਂ। ਆਵੇਸ਼ ਖਾਨ ਦੇ ਹਿੱਸੇ ਇਕ ਵਿਕਟ ਆਇਆ।
ਵੀਡੀਓ ਲਈ ਕਲਿੱਕ ਕਰੋ -:
