ਆਸਟ੍ਰੇਲੀਅਨ ਓਪਨ 2024 ਤੋਂ ਭਾਰਤੀ ਟੈਨਿਸ ਫੈਨਸ ਲਈ ਸ਼ਾਨਦਾਰ ਖਬ ਸਾਹਮਣੇ ਆਈ ਹੈ। ਭਾਰਤ ਦੇ ਚੋਟੀ ਦੇ ਟੈਨਿਸ ਖਿਡਾਰੀ ਰੋਹਨ ਬੋਪੰਨਾ ਨੇ ਪਹਿਲੀ ਵਾਰ ਆਸਟ੍ਰੇਲੀਆ ਓਪਨ ਦਾ ਖਿਤਾਬ ਜਿੱਤਿਆ ਹੈ। ਉਸ ਨੇ ਆਸਟ੍ਰੇਲੀਅਨ ਓਪਨ ਦੇ ਫਾਈਨਲ ਮੈਚ ਵਿੱਚ ਜਿੱਤ ਦਰਜ ਕਰਕੇ ਟੀਮ ਵਜੋਂ ਆਪਣਾ ਪਹਿਲਾ ਗਰੈਂਡ ਸਲੈਮ ਖਿਤਾਬ ਵੀ ਜਿੱਤਿਆ ਹੈ। 43 ਸਾਲ ਦੇ ਬੋਪੰਨਾ ਇਹ ਖਿਤਾਬ ਜਿੱਤਣ ਵਾਲੇ ਸਭ ਤੋਂ ਵੱਡੀ ਉਮਰ ਦੇ ਖਿਡਾਰੀ ਬਣ ਗਏ ਹਨ। ਪਿਛਲਾ ਰਿਕਾਰਡ ਨੀਦਰਸਲੈਂਡ ਜੀਨ ਜੂਲੀਅਨ ਰੋਜਰ ਦੇ ਨਾਂ ਸੀ, ਜਿਸ ਨੇ 40 ਸਾਲ ਤੇ ਨੌਂ ਮਹੀਨੇ ਦੀ ਉਮਰ ਵਿੱਚ ਮਾਰਸੇਲੋ ਅਰੇਵੋਲਾ ਨਾਲ ਮਿਲ ਕੇ 2022 ਫ੍ਰੈਂਡ ਓਪਨ ਵਿਚ ਡਬਲਜ਼ ਖਿਤਾਬ ਜਿੱਤਿਆ ਸੀ।
ਇੱਕ ਇਤਿਹਾਸਕ ਮੈਚ ਵਿੱਚ, ਰੋਹਨ ਬੋਪੰਨਾ ਅਤੇ ਮੈਥਿਊ ਏਬਡੇਨ ਦੀ ਜੋੜੀ ਨੇ ਪੁਰਸ਼ ਡਬਲਜ਼ ਆਸਟ੍ਰੇਲੀਅਨ ਓਪਨ 2024 ਦੇ ਫਾਈਨਲ ਮੈਚ ਵਿੱਚ ਇਟਲੀ ਦੇ ਸਿਮੋਨ ਬੋਲੇਲੀ ਅਤੇ ਐਂਡਰੀਆ ਵਾਵਾਸੋਰੀ ਨੂੰ ਹਰਾ ਦਿੱਤਾ ਹੈ।
ਦੋਵਾਂ ਜੋੜੀਆਂ ਵਿਚਾਲੇ ਸਖ਼ਤ ਮੁਕਾਬਲਾ ਸੀ। ਬੋਪੰਨਾ ਅਤੇ ਏਬਡੇਨ ਦੀ ਜੋੜੀ ਨੇ ਪਹਿਲੇ ਸੈੱਟ ਵਿੱਚ ਸਿਮੋਨ ਬੋਲੇਲੀ ਅਤੇ ਐਂਡਰੀਆ ਵਾਵਾਸੋਰੀ ਨੂੰ 7-6 ਨਾਲ ਹਰਾਇਆ। ਇਸ ਤੋਂ ਬਾਅਦ ਦੂਜੇ ਸੈੱਟ ‘ਚ ਵੀ ਬੋਪੰਨਾ ਆਪਣੇ ਵਿਰੋਧੀਆਂ ‘ਤੇ ਹਾਵੀ ਨਜ਼ਰ ਆਇਆ। ਦੂਜੇ ਸੈੱਟ ਦੌਰਾਨ ਇਟਲੀ ਦੇ ਖਿਡਾਰੀਆਂ ਨੂੰ 7-5 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਏਬਡੇਨ ਅਤੇ ਬੋਪੰਨਾ ਦੀ ਜੋੜੀ ਲਈ ਇਹ ਇਤਿਹਾਸਕ ਪਲ ਸੀ ਕਿਉਂਕਿ ਟੀਮ ਦੇ ਤੌਰ ‘ਤੇ ਇਹ ਉਨ੍ਹਾਂ ਦਾ ਪਹਿਲਾ ਖਿਤਾਬ ਸੀ। ਇਸ ਦੇ ਨਾਲ ਹੀ ਬੋਪੰਨਾ ਨੇ ਵੀ ਇਹ ਖਿਤਾਬ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਹੈ। ਉਹ ਆਪਣਾ ਪਹਿਲਾ ਗ੍ਰੈਂਡ ਸਲੈਮ ਖਿਤਾਬ ਜਿੱਤਣ ਵਾਲਾ ਸਭ ਤੋਂ ਵੱਧ ਉਮਰ ਦਾ ਵਿਅਕਤੀ ਬਣ ਗਿਆ ਹੈ।
43 ਸਾਲ ਦੇ ਰੋਹਨ ਬੋਪੰਨਾ ਨੇ ਇਸ ਟੂਰਨਾਮੈਂਟ ‘ਚ ਆਪਣੀ ਉਮਰ ਦਾ ਕੋਈ ਅਸਰ ਨਹੀਂ ਪੈਣ ਦਿੱਤਾ। ਸੈਮੀਫਾਈਨਲ ਮੈਚ ‘ਚ ਵੀ ਉਸ ਨੇ ਆਪਣੇ ਜੋੜੀਦਾਰ ਮੈਥਿਊ ਐਬਡੇਨ ਨਾਲ ਮਿਲ ਕੇ ਥਾਮਸ ਮਚਾਕ ਅਤੇ ਝਾਂਗ ਜ਼ਿੰਜੇਨ ਦੀ ਜੋੜੀ ਨੂੰ ਝੁਕਣ ਲਈ ਮਜਬੂਰ ਕਰ ਦਿੱਤਾ। ਵੀਰਵਾਰ ਨੂੰ ਹੋਇਆ ਇਹ ਸੈਮੀਫਾਈਨਲ ਮੁਕਾਬਲਾ ਕਰੀਬ 2 ਘੰਟੇ ਤੱਕ ਚੱਲਿਆ। ਬੋਪੰਨਾ ਅਤੇ ਮੈਥਿਊ ਦੀ ਜੋੜੀ ਨੇ ਸੈਮੀਫਾਈਨਲ ਮੈਚ 6-3, 3-6, 7-6 (10-7) ਨਾਲ ਜਿੱਤਿਆ। ਸੁਪਰ ਟਾਈ ਬ੍ਰੇਕਰਜ਼ ‘ਚ ਬੋਪੰਨਾ ਨੇ ਆਪਣੇ ਅਨੁਭਵ ਦਾ ਇਸਤੇਮਾਲ ਕੀਤਾ ਅਤੇ ਸ਼ਾਨਦਾਰ ਅੰਦਾਜ਼ ‘ਚ ਫਾਈਨਲ ਦੀ ਟਿਕਟ ਹਾਸਲ ਕੀਤੀ।
ਇਹ ਵੀ ਪੜ੍ਹੋ : ਬਲਾਗਰ ਭਾਨਾ ਸਿੱਧੂ ‘ਤੇ ਹੋਇਆ ਤੀਜਾ ਪਰਚਾ, ਇੱਕ ਹੋਰ ਏਜੰਟ ਨੇ ਦਰਜ ਕਰਾਈ FIR
ਬੋਪੰਨਾ ਨੇ ਸਾਲ 2013 ਅਤੇ 2023 ਵਿੱਚ ਯੂਐਸ ਓਪਨ ਦੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ ਸੀ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਪਰ ਉਹ ਆਪਣਾ ਸੁਪਨਾ ਪੂਰਾ ਕਰਨ ਤੋਂ ਖੁੰਝ ਗਿਆ ਸੀ। ਇਸ ਦੌਰਾਨ ਉਹ ਗ੍ਰੈਂਡ ਸਲੈਮ ਖਿਤਾਬ ਤੋਂ ਸਿਰਫ਼ ਇੱਕ ਜਿੱਤ ਦੂਰ ਰਿਹਾ। ਪਰ ਹੁਣ 43 ਸਾਲ ਦੀ ਉਮਰ ‘ਚ ਉਸ ਨੇ ਆਪਣਾ ਇਹ ਸੁਪਨਾ ਪੂਰਾ ਕਰ ਲਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
