Happy Birthday Munaf Patel: ਅੱਜ ਟੀਮ ਇੰਡੀਆ ਲਈ ਖੇਡਣ ਵਾਲੇ ਗੇਂਦਬਾਜ਼ ਦਾ ਅੱਜ ਜਨਮਦਿਨ ਹੈ, ਜੋ ਵਧੇਰੇ ਕ੍ਰਿਕਟ ਖੇਡਣ ਦੇ ਹੱਕਦਾਰ ਸੀ। ਜਿਸਨੇ ਸ਼ਾਇਦ ਆਪਣੀ ਪ੍ਰਤਿਭਾ ਨੂੰ ਨਹੀਂ ਸਮਝਿਆ ਜਾਂ ਗੰਭੀਰਤਾ ਨਾਲ ਨਹੀਂ ਲਿਆ! ਅਜਿਹਾ ਹੀ ਇੱਕ ਗੇਂਦਬਾਜ਼, ਜਿਸਦੀ ਸਚਿਨ ਤੇਂਦੁਲਕਰ ਨੇ ਪੈਸਿਆ ਨਾਲ ਮਦਦ ਕੀਤੀ ਸੀ, ਤੇ ਨੌਕਰੀ ਲਗਵਾਉਣ ਵਿੱਚ ਵੀ ਸਹਾਇਤਾ ਕੀਤੀ, ਪਰ ਉਸ ਗੇਂਦਬਾਜ਼ ਨੇ ਨੌਕਰੀ ਛੱਡ ਦਿੱਤੀ! ਜੀ ਹਾਂ, ਅਸੀਂ ਮੁਨਾਫ ਪਟੇਲ ਦੀ ਗੱਲ ਕਰ ਰਹੇ ਹਾਂ। ਅੱਜ ਮੁਨਾਫ ਪਟੇਲ ਦਾ ਜਨਮਦਿਨ ਹੈ ਅਤੇ ਉਹ 37 ਸਾਲਾਂ ਦੇ ਹੋ ਗਏ ਹਨ। ਇੱਕ ਸਮੇਂ ਮੁਨਾਫ ਪਟੇਲ ਦੇ ਬਹੁਤ ਚਰਚੇ ਸਨ। ਲੰਬਾ ਕੱਦ ਦਾ ਇਹ ਗੇਂਦਬਾਜ਼ ਆਪਣੀ ਗਤੀ ਬਾਰੇ ਚਰਚਾ ‘ਚ ਆਇਆ ਸੀ, ਪਰ ਪਟੇਲ ਨੇ ਸਿਰਫ 13 ਟੈਸਟ ਅਤੇ 70 ਵਨਡੇ ਮੈਚ ਖੇਡੇ ਸਨ। ਪਟੇਲ ਨੇ ਟੈਸਟ ਮੈਚਾਂ ਵਿੱਚ 35 ਅਤੇ ਵਨਡੇ ਮੈਚਾਂ ਵਿੱਚ 86 ਵਿਕਟਾਂ ਲਈਆਂ ਹਨ। ਭਾਵੇਂ ਜ਼ਿਆਦਾ ਸਮੇਂ ਤੱਕ ਸੱਟ ਦਾ ਸ਼ਿਕਾਰ ਹੋਏ, ਪਰ ਗ਼ੈਰ ਜ਼ਿੰਮੇਵਾਰਾਨਾ ਰਵੱਈਆ ਸਥਿਰ ਰਿਹਾ।
ਮੁਨਾਫ ਪਟੇਲ ਦਾ ਜਨਮ ਗੁਜਰਾਤ ਰਾਜ ਦੇ ਇੱਕ ਛੋਟੇ ਜਿਹੇ ਕਸਬੇ ਜਾਂ ਪਿੰਡ ਈਖੜ ਵਿੱਚ ਹੋਇਆ ਸੀ। ਮੁਨਾਫ ਪਟੇਲ ਇੱਕ ਗਰੀਬ ਪਰਿਵਾਰ ਨਾਲ ਸਬੰਧ ਰੱਖਦੇ ਸਨ। ਜਦੋਂ ਚਰਚਾ ਸ਼ੁਰੂ ਹੋਈ ਤਾਂ ਉਹ ਸਚਿਨ ਦੇ ਕਹਿਣ ‘ਤੇ ਮੁੰਬਈ ਆਇਆ। ਮਾਸਟਰ ਬਲਾਸਟਰ ਨੇ ਨਾ ਸਿਰਫ ਰਹਿਣ, ਖਾਣ ਵਿਚ ਸਹਾਇਤਾ ਕੀਤੀ ਬਲਕਿ ਮੁਨਾਫ ਨੂੰ ਮੋਬਾਈਲ ਦੇਣ ਦੇ ਨਾਲ-ਨਾਲ ਉਹ ਬਿੱਲ ਵੀ ਅਦਾ ਕਰਦਾ ਸੀ। ਸਚਿਨ ਨੇ ਇੱਕ ਵਾਰ ਮਜ਼ਾਕ ‘ਚ ਕਿਹਾ ਕਿ ਉਸ ਦਾ ਬਿੱਲ ਹਜ਼ਾਰਾਂ ਵਿੱਚ ਆਉਂਦਾ ਹੈ, ਪਰ ਉਹ ਮੈਨੂੰ ਹੀ ਕਦੇ ਫੋਨ ਨਹੀਂ ਕਰਦਾ! ਬਾਅਦ ਵਿੱਚ ਜਦੋਂ ਉਹ ਭਾਰਤ ਲਈ ਖੇਡਿਆ, ਸਚਿਨ ਦੀ ਕੋਸ਼ਿਸ਼ ਸੀ ਕਿ ਉਸ ਨੂੰ ਦਿੱਲੀ ਵਿੱਚ ਓ.ਐੱਨ.ਜੀ.ਸੀ. ਵਰਗੇ ਇਕ ਇੰਸਟੀਚਿਉਟ ਵਿੱਚ ਨੌਕਰੀ ਮਿਲ ਗਈ, ਪਰ ਮੁਨਾਫ ਪਟੇਲ ਨੂੰ ਨੌਕਰੀ ਪਸੰਦ ਨਹੀਂ ਆਈ ਅਤੇ ਕੁੱਝ ਸਮੇਂ ਬਾਅਦ ਉਹ ਨੌਕਰੀ ਛੱਡ ਕੇ ਵਾਪਿਸ ਮੁੰਬਈ ਚਲਾ ਗਿਆ।
ਕੁੱਲ ਮਿਲਾ ਕੇ ਪਟੇਲ ‘ਚ ਨਿਪੁੰਨ ਪ੍ਰਤਿਭਾ ਹੋਣ ਦੇ ਬਾਵਜੂਦ ਉਹ ਗੁਰੂ ਸਚਿਨ ਤੇਂਦੁਲਕਰ ਤੇ ਟੀਮ ਇੰਡੀਆ ਦੀਆਂ ਉਮੀਦਾਂ ‘ਤੇ ਖਰੇ ਨਹੀਂ ਉੱਤਰੇ, ਅਤੇ ਨੌਜਵਾਨ ਇਹ ਸਿੱਖ ਸਕਦੇ ਹਨ ਕਿ ਜਦੋਂ ਇੱਕ ਵੱਡਾ ਖਿਡਾਰੀ ਤੁਹਾਡੇ ‘ਚ ਵਿਸ਼ਵਾਸ ਦਿਖਾਉਂਦਾ ਹੈ, ਤਾਂ ਉਹ ਤੁਹਾਡੇ ‘ਚ ਕੁੱਝ ਖਾਸ ਵੇਖਦਾ ਹੈ! ਅਜਿਹੀ ਸਥਿਤੀ ‘ਚ, ਉਸ ਖਿਡਾਰੀ ਨੂੰ ਆਪਣੀ ਪ੍ਰਤਿਭਾ ਅਤੇ ਵਿਸ਼ਵਾਸ ਦਾ ਖਿਆਲ ਰੱਖਣਾ ਪੈਂਦਾ ਹੈ।
