ਭਾਰਤ ਤੇ ਆਸਟ੍ਰੇਲੀਆ ਦੀਆਂ ਟੀਮਾਂ ਅੱਜ ਹੋਣ ਵਾਲੇ ਬਲਾਕਬਸਟਰ ਮੈਚ ਲਈ ਤਿਆਰ ਹਨ। ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿਚ ਰਾਜਨੀਤੀ ਤੋਂ ਲੈ ਕੇ ਬਾਲੀਵੁੱਡ ਦੀਆਂ ਹਸਤੀਆਂ ਸਣੇ ਲਗਭਗ 1 ਲੱਖ 30 ਹਜ਼ਾਰ ਦਰਸ਼ਕ ਮੌਜੂਦ ਰਹਿਣਗੇ। ਉਨ੍ਹਾਂ ਸਾਹਮਣੇ ਦੋਵੇਂ ਟੀਮਾਂ ਦੇ 22 ਖਿਡਾਰੀਆਂ ਦੀ ਪ੍ਰੀਖਿਆ ਹੋਵੇਗਾ। ਸਵਾ ਲੱਖ ਤੋਂ ਵੱਧ ਦਰਸ਼ਕ ਭਾਰਤੀ ਟੀਮ ਦਾ ਸਮਰਥਨ ਕਰਨਗੇ ਤੇ ਇਹੀ ਕੰਗਾਰੂਆਂ ਲਈ ਸਭ ਤੋਂ ਵੱਡੀ ਚੁਣੌਤੀ ਹੈ।
ਭਾਰਤੀ ਟੀਮ ਬੱਲੇਬਾਜ਼ੀ ਤੇ ਗੇਂਦਬਾਜ਼ੀ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ। ਹਾਰਦਿਕ ਪਾਂਡੇਯ ਦੇ ਸੱਟ ਲੱਗਣ ਦੇ ਬਾਅਦ ਟੀਮ ਨੂੰ ਇਕ ਨਵਾਂ ਸੰਯੋਜਨ ਮਿਲਿਆ ਤੇ ਇਹ ਸਭ ਤੋਂ ਵੱਧ ਬੇਹਤਰ ਸਾਬਤ ਹੋਇਆ। ਹਾਰਦਿਕ ਦੇ ਬਾਹਰ ਹੋਣ ਦੇ ਬਾਅਦ ਸ਼ਾਰਦੂਲ ਨੂੰ ਵੀ ਆਪਣੀ ਜਗ੍ਹਾ ਗੁਆਉਣੀ ਪਈ। ਦੋਵਾਂ ਦੀ ਜਗ੍ਹਾ ਸੂਰਯਕੁਮਾਰ ਯਾਦਵ ਤੇ ਮੁਹੰਮਦ ਸ਼ੰਮੀ ਨੂੰ ਜਗ੍ਹਾ ਮਿਲੀ। ਸ਼ੰਮੀ ਨੇ ਟੀਮ ਵਿਚ ਆਉਂਦੇ ਹੀ ਕਹਿਰ ਮਚਾ ਦਿੱਤੇ ਤੇ ਹੁਣ ਤੱਕ ਰੁਕੇ ਨਹੀਂ ਹਨ।
ਸੂਰਯਕੁਮਾਰ ਨੇ ਇੰਗਲੈਂਡ ਖਿਲਾਫ ਹੋਣ ਵਾਲੇ ਮੁਕਾਬਲੇ ਵਿਚ 49 ਦੌੜਾਂ ਦੀ ਅਹਿਮ ਪਾਰੀ ਖੇਡੀ ਸੀ। ਹਾਲਾਂਕਿ ਉਸਦੇ ਬਾਅਦ ਉਨ੍ਹਾਂ ਨੂੰ ਬਹੁਤ ਹੀ ਘੱਟ ਮੌਕੇ ਮਿਲੇ ਤੇ ਉਹ ਇਸ ਦੌਰਾਨ ਆਪਣੇ ਨਾਂ ਮੁਤਾਬਕ ਪ੍ਰਦਰਸ਼ਨ ਨਹੀਂ ਕਰ ਸਕੇ। ਇਸ ਦੇ ਬਾਵਜੂਦ ਉਨ੍ਹਾਂ ਦਾ ਫਾਈਨਲ ਵਿਚ ਖੇਡਣ ਦਾ ਹੈ।
ਸੋਸ਼ਲ ਮੀਡੀਆ ‘ਤੇ ਕਈ ਕ੍ਰਿਕਟ ਪੰਡਿਤਾਂ ਨੇ ਇਹ ਸੁਝਾਅ ਦਿੱਤਾ ਕਿ ਆਸਟ੍ਰੇਲੀਆਈ ਟੀਮ ਨੂੰ ਦੇਖਦੇ ਹੋਏ ਰਵੀਚੰਦਰਨ ਅਸ਼ਵਿਨ ਨੂੰ ਮੌਕਾ ਦਿੱਤਾ ਜਾਣਾ ਚਾਹੀਦਾ ਹੈ। ਅਸ਼ਵਿਨ ਇਸ ਵਿਸ਼ਵ ਕੱਪ ਵਿਚ ਇਕ ਹੀ ਮੈਚ ਖੇਡੇ ਹਨ।ਉਨ੍ਹਾਂ ਨੂੰ ਚੇਨਈ ਵਿਚ ਆਸਟ੍ਰੇਲੀਆ ਖਿਲਾਫ ਭਾਰਤ ਦੇ ਪਹਿਲਾ ਮੈਚ ਖੇਡਣ ਦਾ ਮੌਕਾ ਮਿਲਿਆ ਸੀ। ਉਨ੍ਹਾਂ ਨੇ 34 ਦੌੜਾਂ ਦੇ ਕੇ ਇਕ ਵਿਕਟ ਲਿਆ ਸੀ। ਆਸਟ੍ਰੇਲੀਆਈ ਟੀਮ ਦੇ ਦੋ ਓਪਨਰ ਡੇਵਿਡ ਵਾਰਨਰ ਤੇ ਟ੍ਰੇਵਿਸ ਹੇਡ ਖੱਬੇ ਹੱਥ ਦੇ ਬੱਲੇਬਾਜ਼ ਹਨ। ਉਨ੍ਹਾਂ ਖਿਲਾਫ ਅਸ਼ਵਿਨ ਕਾਫੀ ਪ੍ਰਭਾਵੀ ਸਾਬਤ ਹੋ ਸਕਦੇ ਹਨ।ਹਾਲਾਂਕਿ ਅਜਿਹਾ ਹੋਣਾ ਕਾਫੀ ਮੁਸ਼ਕਲ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਰੋਹਿਤ ਪਲੇਇੰਗ-11 ਵਿਚ ਬਦਲਾਅ ਕਰਨ ਦੇ ਮੂਡ ਵਿਚ ਨਹੀਂ ਦਿਖ ਰਹੇ ਹਨ।
ਦੂਜੇ ਪਾਸੇ ਆਸਟ੍ਰੇਲੀਆ ਦੀ ਗੱਲ ਕੀਤੀ ਜਾਵੇ ਤਾਂ ਉਸਦੀ ਚਿੰਤਾ ਮਾਰਨਸ਼ ਲਾਬੁਸ਼ੇਨ ਤੇ ਮਾਰਕਸ ਸਟੋਇਨਸ ਵਿਚੋਂ ਕਿਸੇ ਇਕ ਨੂੰ ਚੁਣਨਾ ਹੈ। ਲਾਬੁਸ਼ੇਨ ਨੇ ਇਸ ਵਿਸ਼ਵ ਕੱਪ ਵਿਚ ਹੁਣ ਤੱਕ 10 ਮੈਚ ਖੇਡੇ ਹਨ। ਉਨ੍ਹਾਂ ਨੇਇਸ ਦੌਰਾਨ 2 ਅਰਧ ਸੈਂਕੜੇ ਲਗਾਏ ਹਨ।ਉਨ੍ਹਾਂਦੇ 10 ਮੈਚਾਂ ਵਿਚ 304 ਦੌੜਾਂ ਹਨ। ਲਾਬੁਸ਼ੇਨ ਦਾ ਔਸਤ 33.77 ਦਾ ਰਿਹਾ ਹੈ। ਦੂਜੇ ਪਾਸੇ ਸਟੋਇਨਸ ਨੇ 6 ਮੈਚਾਂ ਦੀਆਂ 5 ਪਾਰੀਆਂ ਵਿਚ 87 ਦੌੜਾਂ ਬਣਾਈਆਂ ਹਨ। ਸਟੋਇਨਸ ਦਾ ਔਸਤ 21.74 ਤੇ ਸਟ੍ਰਾਈ ਰੇਟ 112.98 ਰਿਹਾ ਹੈ।ਇਹ ਅੰਕੜੇ ਉਨ੍ਹਾਂ ਵਰਗੇ ਖਿਡਾਰੀਆਂ ਲਈ ਕਾਫੀ ਖਰਾਬ ਹਨ।
ਇਹ ਵੀ ਪੜ੍ਹੋ : ਅਹਿਮਦਾਬਾਦ ‘ਚ ਵਰਲਡ ਕੱਪ ਦਾ ਮਹਾਮੁਕਾਬਲਾ ਅੱਜ, ਭਾਰਤ ਚੌਥੀ ਤੇ ਆਸਟ੍ਰੇਲੀਆ 8ਵੀਂ ਵਾਰ ਖੇਡੇਗਾ ਫਾਈਨਲ
ਭਾਰਤ-ਰੋਹਿਤ ਸ਼ਰਮਾ (ਕਪਤਾਨ), ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ, ਕੇਐੱਲ ਰਾਹੁਲ (ਵਿਕਟ ਕੀਪਰ), ਸੂਰਯਕੁਮਾਰ ਯਾਦਵ, ਰਵਿੰਦਰ ਜਡੇਜਾ, ਮੁਹੰਮਦ ਸ਼ੰਮੀ, ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸਿਰਾਜ।
ਆਸਟ੍ਰੇਲੀਆ-ਡੇਵਿਡ ਵਾਰਨਰ, ਟ੍ਰੇਵਿਸ ਹੇਡ, ਮਿਚੇਲ ਮਾਰਸ਼, ਸਟੀਵ ਸਮਿਥ, ਮਾਰਨਸ਼ ਲਾਬੁਸ਼ੇਨ, ਗਲੇਨ ਮੈਕਸਵੇਲ, ਜੋਸ਼ ਇੰਗਲਿਸ (ਵਿਕਟਕੀਪਰ), ਪੈਟ ਕਮਿੰਸ (ਕਪਤਾਨ), ਮਿਚੇਲ ਸਟਾਰਕ, ਏਡਮ ਜੰਪਾ ਤੇ ਜੋਸ਼ ਹੇਜਲਵੁੱਡ।
ਵੀਡੀਓ ਲਈ ਕਲਿੱਕ ਕਰੋ : –
