ਕ੍ਰਿਕਟ, ਹਾਕੀ ਹੋਵੇ ਜਾਂ ਫੁੱਟਬਾਲ… ਖੇਡ ਜਗਤ ਵਿੱਚ ਪ੍ਰਸ਼ੰਸਕ ਹਮੇਸ਼ਾ ਹੀ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਹੋਣ ਵਾਲੇ ਮੈਚ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਫੁੱਟਬਾਲ ਟੂਰਨਾਮੈਂਟ ਸਾਊਥ ਏਸ਼ੀਅਨ ਫੁੱਟਬਾਲ ਫੈਡਰੇਸ਼ਨ (SAFF Cup) ਕੱਪ ਵੀ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਜ਼ਬਰਦਸਤ ਮੁਕਾਬਲਾ ਦੇਖਣ ਨੂੰ ਮਿਲਿਆ । SAFF Cup ਦੇ ਗਰੁੱਪ-ਏ ਵਿੱਚ ਬੁੱਧਵਾਰ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮੈਚ ਖੇਡਿਆ ਗਿਆ । ਟੂਰਨਾਮੈਂਟ ਦੇ ਇਸ ਦੂਜੇ ਮੈਚ ਵਿੱਚ ਟੀਮ ਇੰਡੀਆ ਨੇ ਪਾਕਿਸਤਾਨ ਨੂੰ 4-0 ਨਾਲ ਹਰਾਇਆ। ਇਸ ਮੈਚ ਦੇ ਹੀਰੋ ਸੁਨੀਲ ਛੇਤਰੀ ਰਹੇ, ਜਿਨ੍ਹਾਂ ਨੇ ਹੈਟ੍ਰਿਕ ਬਣਾਈ।
ਸੁਨੀਲ ਨੇ 10ਵੇਂ ਮਿੰਟ ਵਿੱਚ ਮੈਚ ਦਾ ਪਹਿਲਾ ਗੋਲ ਕਰਕੇ ਟੀਮ ਨੂੰ 1-0 ਦੀ ਬੜ੍ਹਤ ਦਿਵਾਈ । ਇੱਥੋਂ ਪਾਕਿਸਤਾਨ ਦੀ ਟੀਮ ਕੋਲ ਵਾਪਸੀ ਦਾ ਮੌਕਾ ਸੀ, ਪਰ ਮੈਚ ਦੇ 16ਵੇਂ ਮਿੰਟ ਵਿੱਚ ਸੁਨੀਲ ਨੇ ਦੂਜਾ ਗੋਲ ਕਰਕੇ ਟੀਮ ਨੂੰ 2-0 ਦੀ ਮਜ਼ਬੂਤ ਬੜ੍ਹਤਦਿਵਾਈ । ਇਹ ਦੂਜਾ ਗੋਲ ਪੈਨਲਟੀ ਤੋਂ ਹੋਇਆ ਸੀ । ਪਾਕਿਸਤਾਨ ਲਈ ਇੱਥੋਂ ਵਾਪਸ ਆਉਣਾ ਬਹੁਤ ਮੁਸ਼ਕਲ ਸੀ। ਇਸ ਦਾ ਦਬਾਅ ਵੀ ਪੂਰੀ ਟੀਮ ‘ਤੇ ਦਿਖਾਈ ਦਿੱਤਾ । ਮੈਚ ਦੇ ਪਹਿਲੇ ਹਾਫ ਵਿੱਚ ਪਾਕਿਸਤਾਨ ਦੀ ਟੀਮ ਇਸ ਦਬਾਅ ਤੋਂ ਬਾਹਰ ਨਹੀਂ ਨਿਕਲ ਸਕੀ, ਜਦਕਿ ਟੀਮ ਇੰਡੀਆ ਪੂਰੀ ਤਰ੍ਹਾਂ ਹਾਵੀ ਨਜ਼ਰ ਆਈ ।ਪਹਿਲਾ ਹਾਫ ਟੀਮ ਇੰਡੀਆ ਦੇ ਨਾਂ ਰਿਹਾ, ਜਿਸ ਨੇ 2-0 ਦੀ ਬੜ੍ਹਤ ਬਣਾਈ ਹੋਈ ਸੀ।
ਇਹ ਵੀ ਪੜ੍ਹੋ: ਪੰਜਾਬ ਵਿਚ ਬਦਲੇਗਾ ਮੌਸਮ ਦਾ ਮਿਜ਼ਾਜ਼, 24 ਤੋਂ 29 ਜੂਨ ਤੱਕ ਬਣੇ ਮੀਂਹ ਦੇ ਆਸਾਰ
ਮੈਚ ਦੇ ਦੂਜੇ ਹਾਫ ਵਿੱਚ ਪਾਕਿਸਤਾਨ ਨੇ ਇੱਕ ਵਾਰ ਫਿਰ ਵਾਪਸੀ ਦੀ ਕੋਸ਼ਿਸ਼ ਕੀਤੀ, ਪਰ ਟੀਮ ਇੰਡੀਆ ਦੀ ਮਜ਼ਬੂਤ ਲਾਈਨਅਪ ਦੇ ਸਾਹਮਣੇ ਉਹ ਪੂਰੀ ਤਰ੍ਹਾਂ ਨਾਲ ਢੇਰ ਨਜ਼ਰ ਆਈ। ਇਸ ਮੈਚ ‘ਚ ਭਾਰਤੀ ਟੀਮ 4-2-3-1 ਨਾਲ ਮੈਦਾਨ ‘ਤੇ ਉਤਰੀ ਸੀ, ਜਦੋਂ ਕਿ ਪਾਕਿਸਤਾਨ ਦੀ ਟੀਮ 5-4-1 ਦੀ ਲਾਈਨਅੱਪ ਨਾਲ ਉਤਰੀ ਸੀ । ਪਾਕਿਸਤਾਨੀ ਟੀਮ ਲਈ ਵਾਪਸੀ ਕਰਨਾ ਤਾਂ ਦੂਰ ਦੀ ਗੱਲ ਹੈ, ਇਸ ਨੇ ਦੂਜੇ ਹਾਫ ਵਿੱਚ ਦੋ ਹੋਰ ਗੋਲ ਖਾ ਲਏ ਸਨ।
ਦੱਸ ਦੇਈਏ ਕਿ ਮੈਚ ਦੇ ਦੂਜੇ ਹਾਫ ਵਿੱਚ ਸੁਨੀਲ ਨੇ ਇੱਕ ਵਾਰ ਫਿਰ ਆਪਣਾ ਜਲਵਾ ਦਿਖਾਇਆ । ਉਸ ਨੇ ਮੈਚ ਦੇ 74ਵੇਂ ਮਿੰਟ ਵਿੱਚ ਪਾਕਿਸਤਾਨੀ ਟੀਮ ਦੀ ਗਲਤੀ ਦਾ ਫਾਇਦਾ ਚੁੱਕਿਆ ਅਤੇ ਪੈਨਲਟੀ ਤੋਂ ਤੀਜਾ ਗੋਲ ਕੀਤਾ । ਇਸ ਤਰ੍ਹਾਂ ਸੁਨੀਲ ਨੇ ਮੈਚ ਵਿੱਚ ਆਪਣੀ ਹੈਟ੍ਰਿਕ ਵੀ ਪੂਰੀ ਕੀਤੀ । ਇੱਥੋਂ ਪਾਕਿਸਤਾਨ ਲਈ ਵਾਪਸੀ ਕਰਨਾ ਅਸੰਭਵ ਹੋ ਗਿਆ ਸੀ। ਬਾਕੀ ਦਾ ਕੰਮ ਟੀਮ ਇੰਡੀਆ ਦੇ ਸਟਾਰ ਖਿਡਾਰੀ ਉਦੰਤਾ ਸਿੰਘ ਕਰ ਦਿੱਤਾ । ਦੂਜੇ ਹਾਫ ਵਿੱਚ ਉਸ ਨੇ ਮੈਚ ਦੇ 81ਵੇਂ ਮਿੰਟ ਵਿੱਚ ਜ਼ਬਰਦਸਤ ਗੋਲ ਕਰਕੇ ਪਾਕਿਸਤਾਨ ਤੋਂ ਜਿੱਤ ਲਗਭਗ ਖੋਹ ਲਈ। ਇਸ ਤਰ੍ਹਾਂ ਟੀਮ ਇੰਡੀਆ ਨੇ ਇਸ ਮੈਚ ਵਿੱਚ ਪਾਕਿਸਤਾਨ ਨੂੰ 4-0 ਨਾਲ ਹਰਾਇਆ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
