ipl 2020 shikhar dhawan says: ਇਸ ਵਾਰ IPL ਇੱਕ ਬਾਇਓ-ਸੁਰੱਖਿਅਤ ਵਾਤਾਵਰਣ ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਭਾਰਤੀ ਕ੍ਰਿਕਟ ਬੋਰਡ (ਬੀ.ਸੀ.ਸੀ.ਆਈ.) ਸੰਯੁਕਤ ਅਰਬ ਅਮੀਰਾਤ (ਯੂ.ਏ.ਈ) ਵਿੱਚ ਆਈਪੀਐਲ ਲਈ ਸਖਤ ਸਟੈਂਡਰਡ ਓਪਰੇਟਿੰਗ ਪ੍ਰਕਿਰਿਆ (ਐਸਓਪੀ) ਲਾਗੂ ਕਰ ਰਿਹਾ ਹੈ। ਖਿਡਾਰੀਆਂ ਨੂੰ ਬਾਇਓ ਸੁਰੱਖਿਅਤ ਵਾਤਾਵਰਣ ਵਿੱਚ ਚੱਲਣਾ ਪੈਂਦਾ ਹੈ। ਇਸ ਵਿੱਚ ਕਿਸੇ ਵੀ ਤਰੀਕੇ ਕੋਤਾਹੀ ਨਹੀਂ ਵਰਤੀ ਜਾ ਸਕਦੀ। ਅਜਿਹੀ ਸਥਿਤੀ ਵਿੱਚ ਖਿਡਾਰੀਆਂ ਨੂੰ ਪੂਰੇ ਟੂਰਨਾਮੈਂਟ ਦੌਰਾਨ ਬਾਕੀ ਵਿਸ਼ਵ ਤੋਂ ਵੱਖ ਕਰ ਦਿੱਤਾ ਜਾਵੇਗਾ। ਮੌਜੂਦਾ ਆਈਪੀਐਲ 19 ਸਤੰਬਰ ਤੋਂ ਸ਼ੁਰੂ ਹੋਵੇਗਾ ਅਤੇ 10 ਨਵੰਬਰ ਤੱਕ ਜਾਰੀ ਰਹੇਗਾ। ਦਿੱਲੀ ਕੈਪੀਟਲ (ਡੀ.ਸੀ.) ਦੇ ਅਕਰਮਕ ਬੱਲੇਬਾਜ਼ ਸ਼ਿਖਰ ਧਵਨ ‘ਬਾਇਓ ਬੱਬਲ’ ‘ਤੇ ਨਿਸ਼ਚਤ ਤੌਰ ਤੇ ਸਹਿਮਤ ਹਨ, ਪਰ ਧਵਨ ਦਾ ਕਹਿਣਾ ਹੈ, ਇਹ ਲੱਗਭਗ ਬਿਗ ਬੌਸ ਵਰਗਾ ਹੈ। ਧਿਆਨ ਯੋਗ ਹੈ ਕਿ ਬਿੱਗ ਬੌਸ ਦੇ ਸੀਰੀਅਲ ਵਿੱਚ ਹਿੱਸਾ ਲੈਣ ਵਾਲਿਆਂ ਨੂੰ ਤਕਰੀਬਨ ਤਿੰਨ ਮਹੀਨੇ ਇੱਕੋ ਘਰ ਵਿੱਚ ਇਕੱਠੇ ਰਹਿਣਾ ਪੈਂਦਾ ਹੈ। ਹਾਲਾਂਕਿ, ਧਵਨ ਨੇ ਯੂਏਈ ਵਿੱਚ ਆਪਣੇ ਹੋਟਲ ਦੇ ਕਮਰੇ ਤੋਂ ਦਿੱਤੀ ਇੱਕ ਇੰਟਰਵਿਊ ‘ਚ ਕਿਹਾ, ‘ਬਾਇਓ ਬੱਬਲ’ ਸਾਡੀ ਮਾਨਸਿਕ ਸ਼ਕਤੀ ਨੂੰ ਪਰਖਣ ਲਈ ਚੰਗਾ ਹੈ। IPL ਦੇ ਦੌਰਾਨ ਖਿਡਾਰੀਆਂ ਦੀ ਦੁਨੀਆ ਸਿਰਫ ਹੋਟਲ, ਸਿਖਲਾਈ ਦੇ ਮੈਦਾਨ ਅਤੇ ਮੈਚ ਵਾਲੀ ਥਾਂ ਤੱਕ ਸੀਮਤ ਰਹੇਗੀ। ਮੈਚ ਇੱਕ ਖਾਲੀ ਸਟੇਡੀਅਮ ‘ਚ ਆਯੋਜਿਤ ਕੀਤੇ ਜਾਣਗੇ, ਯਾਨੀ ਉਨ੍ਹਾਂ ਕੋਲ ਹਰ ਪੱਧਰ ‘ਤੇ ਮੁਕਾਬਲੇ ਲਈ ਬਹੁਤ ਕੁੱਝ ਹੋਵੇਗਾ।
Gabbar spotted in his natural habitat
— Delhi Capitals (Tweeting from#Dream11IPL #YehHaiNayiDilli @SDhawan25 pic.twitter.com/SWckpLWNlA
) (@DelhiCapitals) August 30, 2020
ਧਵਨ ਦਾ ਕਹਿਣਾ ਹੈ, ‘ਇਹ (ਬਾਇਓ ਬਬਲ) ਹਰ ਇੱਕ ਲਈ ਇੱਕ ਨਵੀਂ ਚੀਜ ਹੈ, ਇੱਕ ਚੁਣੌਤੀ ਤੋਂ ਵੀ ਵੱਧ … ਮੈਂ ਇਸਨੂੰ ਹਰ ਪਹਿਲੂ ਵਿੱਚ ਸੁਧਾਰ ਕਰਨ ਦੇ ਮੌਕੇ ਵਜੋਂ ਵੇਖਦਾ ਹਾਂ। ਮੈਂ ਆਪਣਾ ਮਨੋਰੰਜਨ ਕਰਦਾ ਰਹਿੰਦਾ ਹਾਂ। ਮੈਂ ਇਸ ਨੂੰ ਸਕਾਰਾਤਮਕ ਢੰਗ ਨਾਲ ਲੈਂਦਾ ਹਾਂ। ਟੂਰਨਾਮੈਂਟ ਦੀ ਸਫਲਤਾ ਬਾਰੇ ਗੱਲ ਕਰਦਿਆਂ ਧਵਨ ਨੇ ਕਿਹਾ, ਖਿਡਾਰੀ ਇਸ ਨਵੀਂ ਸਥਿਤੀ ਨੂੰ ਕਿਵੇਂ ਲੈਂਦਾ ਹੈ, ਉਸਦੀ ਸਫਲਤਾ ਇਸ ‘ਤੇ ਨਿਰਭਰ ਕਰਦੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ, “ਇਹ ਪੂਰੀ ਤਰ੍ਹਾਂ ਨਿਰਭਰ ਕਰਦਾ ਹੈ ਕਿ ਇੱਕ ਵਿਅਕਤੀ ਆਪਣੇ ਆਪ ਨਾਲ ਕਿਵੇਂ ਗੱਲ ਕਰਦਾ ਹੈ। ਤੁਸੀਂ ਆਪਣੇ ਸਭ ਤੋਂ ਚੰਗੇ ਦੋਸਤ ਹੋ ਸਕਦੇ ਹੋ… ਜੇ ਨਹੀਂ ਤਾਂ ਤੁਸੀਂ ਉਸ ਵਾਤਾਵਰਣ ਦਾ ਸ਼ਿਕਾਰ ਹੋ ਸਕਦੇ ਹੋ, ਤੁਹਾਡੇ ਕੋਲ 10 ਲੋਕ ਹੋ ਸਕਦੇ ਹਨ ਜੋ ਤੁਹਾਡੇ ਆਲੇ ਦੁਆਲੇ ਸਕਾਰਾਤਮਕ ਹਨ, ਪਰ ਜੇ ਤੁਸੀਂ ਆਪਣੇ ਦੋਸਤ ਨਹੀਂ ਹੋ ਤਾਂ ਕੋਈ ਵੀ ਸਹਾਇਤਾ ਨਹੀਂ ਕਰ ਸਕਦਾ। 34 ਸਾਲਾ ਸਲਾਮੀ ਬੱਲੇਬਾਜ਼ ਧਵਨ ਜਨਵਰੀ ਤੋਂ ਬਾਅਦ ਪ੍ਰਤੀਯੋਗੀ ਕ੍ਰਿਕਟ ‘ਚ ਵਾਪਸੀ ਕਰਨਗੇ। ਆਈਪੀਐਲ ਵਿੱਚ ਉਸਦੀ ਟੀਮ ਦਿੱਲੀ ਕੈਪੀਟਲਸ ਐਤਵਾਰ ਨੂੰ ਕਿੰਗਜ਼ ਇਲੈਵਨ ਪੰਜਾਬ ਵਿਰੁੱਧ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ।
