Moises Henriques added to Test squad: ਨਵੀਂ ਦਿੱਲੀ: ਭਾਰਤ ਖਿਲਾਫ ਪਹਿਲੇ ਟੈਸਟ ਮੈਚ ਲਈ ਆਸਟ੍ਰੇਲੀਆ ਦੀ ਟੀਮ ਵਿੱਚ ਆਲਰਾਊਂਡਰ ਮੋਇਜੇਸ ਹੈਨਰੀਕਸ ਨੂੰ ਸ਼ਾਮਿਲ ਕੀਤਾ ਗਿਆ ਹੈ, ਕਿਉਂਕਿ ਮੇਜ਼ਬਾਨ ਟੀਮ ਵਿੱਚ ਖਿਡਾਰੀਆਂ ਦਾ ਜ਼ਖਮੀ ਹੋਣਾ ਜਰੂਰੀ ਹੈ। ਤੇਜ਼ ਗੇਂਦਬਾਜ਼ ਸੀਨ ਐਬੋਟ ਸ਼ਨੀਵਾਰ ਨੂੰ ਸਿਡਨੀ ਕ੍ਰਿਕਟ ਗਰਾਉਂਡ ਵਿੱਚ ਡੇ-ਨਾਈਟ ਮੈਚ ਵਿੱਚ ਕਾਲਫ ਸਟ੍ਰੇਨ ਤੋਂ ਬਾਅਦ ਹੈਨਰੀਕਸ ਅਤੇ ਆਸਟ੍ਰੇਲੀਆ ਦੀ ਬਾਕੀ ਟੀਮ ਦੇ ਮੈਂਬਰਾਂ ਨਾਲ ਐਡੀਲੇਡ ਦੀ ਯਾਤਰਾ ਨਹੀਂ ਕਰਨਗੇ । ਹੇਨਰਿਕਸ ਨੂੰ ਦੂਜਾ ਆਸਟ੍ਰੇਲੀਆ-ਏ ਅਭਿਆਸ ਮੈਚ ਖੇਡਣਾ ਸੀ, ਪਰ ਹੈਮਸਟ੍ਰਿੰਗ ਕਾਰਨ ਉਨ੍ਹਾਂ ਨੂੰ ਟੀਮ ਵਿੱਚੋਂ ਬਾਹਰ ਕਰ ਦਿੱਤਾ ਗਿਆ ਸੀ, ਪਰ ਹੁਣ ਸੋਮਵਾਰ ਨੂੰ ਹੈਨਰਿਕਸ ਨੇ ਫਿੱਟਨੈੱਸ ਟੈਸਟ ਪਾਸ ਕਰ ਲਿਆ ਹੈ।
ਦਰਅਸਲ, 33 ਸਾਲਾ ਮੋਈਜੇਸ ਹੈਨਰੀਕਸ ਨੇ ਸਾਲ 2016 ਵਿੱਚ ਚਾਰ ਟੈਸਟ ਮੈਚ ਖੇਡੇ ਸਨ । ਉਹ ਆਸਟ੍ਰੇਲੀਆਈ ਟੀਮ ਵਿੱਚ ਤਿੰਨ ਦਿਨਾਂ ਵਿੱਚ ਐਡੀਲੇਡ ਵਿੱਚ ਸ਼ਾਮਿਲ ਹੋਣਗੇ । ਹੈਨਰੀਕਸ ਟੀਮ ਦੇ ਦੋ ਨਵੇਂ ਚਿਹਰਿਆਂ ਵਿੱਚੋਂ ਇੱਕ ਹੈ। ਵਿਕਟੋਰੀਆ ਦੇ ਬੱਲੇਬਾਜ਼ ਮਾਰਕਸ ਹੈਰਿਸ ਨੂੰ ਡੇਵਿਡ ਵਾਰਨਰ ਦੀ ਸੱਟ ਕਾਰਨ ਟੀਮ ਵਿੱਚ ਬੁਲਾਇਆ ਗਿਆ ਹੈ । ਵਾਰਨਰ ਨੂੰ ਭਾਰਤ ਖਿਲਾਫ ਦੂਜੇ ਵਨਡੇ ਮੈਚ ਵਿੱਚ ਸੱਟ ਲੱਗ ਗਈ ਸੀ । ਹੈਨਰੀਕਸ ਨੂੰ ਵਿਲ ਪੁਕੋਵਸਕੀ ਦੀ ਜਗ੍ਹਾ ਟੀਮ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ 22 ਸਾਲਾਂ ਵਿਲ ਪੁਕੋਵਸਕੀ ਇੰਡੀਆ ਏ ਅਤੇ ਆਸਟ੍ਰੇਲੀਆ ਏ ਵਿਚਾਲੇ ਪਹਿਲੇ ਅਭਿਆਸ ਮੈਚ ਦੌਰਾਨ ਕੰਕਸ਼ਨ ਦਾ ਸ਼ਿਕਾਰ ਹੋ ਗਏ ਸਨ । ਅਭਿਆਸ ਮੈਚ ਦੇ ਤੀਜੇ ਦਿਨ ਕਾਰਤਿਕ ਤਿਆਗੀ ਦੇ ਬਾਊਂਸਰ ਨੂੰ ਪੁਕੋਵਸਕੀ ਦੇ ਹੈਲਮੇਟ ‘ਤੇ ਲੱਗੀ ਸੀ। ਦਰਅਸਲ, ਟੈਸਟ ਸੀਰੀਜ਼ ਸ਼ੁਰੂ ਹੋਣ ਪਹਿਲਾਂ ਆਸਟ੍ਰੇਲੀਆ ਦੇ ਬਹੁਤ ਸਾਰੇ ਖਿਡਾਰੀ ਜ਼ਖਮੀ ਹਨ। ਮਾਰਕਸ ਸਟੋਨੀਸ, ਡੇਵਿਡ ਵਾਰਨਰ, ਐਸ਼ਟਨ ਐਗਰ, ਮਿਚ ਸਟਾਰਕ, ਜੋਸ਼ ਹੇਜ਼ਲਵੁੱਡ, ਐਰੋਨ ਫਿੰਚ, ਮੋਇਸਜ਼ ਹੈਨਰੀਕਸ, ਵਿਲ ਪੁਕੋਵਸਕੀ, ਕੈਮਰੂਨ ਗ੍ਰੀਨ, ਜੈਕਸਨ ਬਰਡ, ਹੈਰੀ ਕੌਨਵੇ, ਸੀਨ ਐਬੋਟ ਪਿਛਲੇ ਮਹੀਨੇ ਕਿਸੇ ਨਾ ਕਿਸੇ ਕਾਰਨ ਜ਼ਖਮੀ ਹੋ ਗਏ ਸਨ।
ਟੀਮਾਂ ਇਸ ਤਰ੍ਹਾਂ ਹਨ:
ਆਸਟ੍ਰੇਲੀਆ ਟੈਸਟ ਟੀਮ: ਟਿਮ ਪੇਨ (ਕਪਤਾਨ), ਜੋ ਬਰਨਜ਼, ਪੈਟ ਕਮਿੰਸ, ਕੈਮਰੂਨ ਗ੍ਰੀਨ, ਮਾਰਕਸ ਹੈਰਿਸ, ਜੋਸ਼ ਹੈਜ਼ਲਵੁੱਡ, ਟ੍ਰੈਵਿਸ ਹੈਡ, ਮੋਇਸਜ਼ ਹੈਨਰੀਕਸ, ਮਾਰਨਸ ਲਾਬੂਸ਼ੇਨ, ਨਾਥਨ ਲਿਓਨ, ਮਿਸ਼ੇਲ ਨੇਸਲ, ਜੇਮਜ਼ ਪੈਟੀਨਸਨ, ਵਿਲ ਪੁਕੋਵਸਕੀ, ਸਟੀਵ ਸਮਿਥ, ਮਿਸ਼ੇਲ ਸਵਿੱਪਸਨ , ਮੈਥਿਊ ਵੇਡ, ਡੇਵਿਡ ਵਾਰਨਰ।
ਭਾਰਤੀ ਟੈਸਟ ਟੀਮ: ਵਿਰਾਟ ਕੋਹਲੀ (ਕਪਤਾਨ, ਸਿਰਫ ਪਹਿਲੇ ਟੈਸਟ ਲਈ), ਅਜਿੰਕਿਆ ਰਹਾਣੇ (ਉਪ ਕਪਤਾਨ), ਰੋਹਿਤ ਸ਼ਰਮਾ, ਮਯੰਕ ਅਗਰਵਾਲ, ਪ੍ਰਿਥਵੀ ਸ਼ਾ, ਕੇ ਐਲ ਰਾਹੁਲ, ਚੇਤੇਸ਼ਵਰ ਪੁਜਾਰਾ, ਹਨੁਮਾ ਵਿਹਾਰੀ, ਸ਼ੁਭਮਨ ਗਿੱਲ, ਰਿਧੀਮਾਨ ਸਾਹਾ (ਵਿਕਟਕੀਪਰ), ਰਿਸ਼ਭ ਪੰਤ (ਵਿਕਟਕੀਪਰ), ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸ਼ਮੀ, ਉਮੇਸ਼ ਯਾਦਵ, ਨਵਦੀਪ ਸੈਣੀ, ਕੁਲਦੀਪ ਯਾਦਵ, ਰਵਿੰਦਰ ਜਡੇਜਾ, ਰਵੀਚੰਦਰਨ ਅਸ਼ਵਿਨ, ਮੁਹੰਮਦ ਸਿਰਾਜ।
