sachin tendulkar says: ਮਹਾਨ ਕ੍ਰਿਕਟਰ ਸਚਿਨ ਤੇਂਦੁਲਕਰ ਸਮੇਤ ਕਈ ਖਿਡਾਰੀਆਂ ਨੇ ਐਤਵਾਰ ਨੂੰ ਪਿਤਾ ਦਿਵਸ ਦੇ ਮੌਕੇ ‘ਤੇ ਸ਼ੁੱਭ ਕਾਮਨਾਵਾਂ ਦਿੱਤੀਆਂ ਹਨ। ਮਾਸਟਰ ਬਲਾਸਟਰ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ ਲਿਖਿਆ ਕਿ ਉਹ ਆਪਣੇ ਪਿਤਾ ਰਮੇਸ਼ ਤੇਂਦੁਲਕਰ ਦੀ ਚੰਗੇ ਇਨਸਾਨ ਬਣਨ ਦੀ ਸਲਾਹ ਨੂੰ ਹਮੇਸ਼ਾ ਯਾਦ ਰੱਖਣਗੇ। ਇਸ ਦੇ ਨਾਲ ਸਚਿਨ ਤੇਂਦੁਲਕਰ ਨੇ ਆਪਣੇ ਬੱਚਿਆਂ ਅਰਜੁਨ ਅਤੇ ਸਾਰਾ ਨਾਲ ਯੋਗਾ ਦਿਵਸ ਮਨਾਉਣ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ।
ਤੇਂਦੁਲਕਰ ਨੇ ਟਵੀਟ ਕੀਤਾ, ”ਮੈਂ ਹਮੇਸ਼ਾ ਤੁਹਾਡੀ ਸਲਾਹ ਨੂੰ ਯਾਦ ਰੱਖਾਂਗਾ ਜੋ ਸੀ, ‘ਪਹਿਲਾਂ ਇਕ ਚੰਗਾ ਵਿਅਕਤੀ ਬਣੋ।’ ਹਰ ਚੀਜ਼ ਲਈ ਧੰਨਵਾਦ। Happy Father’s Day” ਦੱਸ ਦੇਈਏ ਕਿ ਸਚਿਨ ਤੇਂਦੁਲਕਰ ਆਪਣੇ ਪਿਤਾ ਨੂੰ ਯਾਦ ਕਰਦਿਆਂ ਅਕਸਰ ਭਾਵੁਕ ਹੋ ਜਾਂਦੇ ਹਨ। ਉਨ੍ਹਾਂ ਦੇ ਪਿਤਾ ਦੀ ਮੌਤ ਹੋ ਗਈ ਜਦੋਂ ਸਚਿਨ ਤੇਂਦੁਲਕਰ ਟੀਮ ਇੰਡੀਆ ਲਈ 1999 ਵਿਸ਼ਵ ਕੱਪ ਖੇਡ ਰਹੇ ਸੀ।
ਇਸ ਤੋਂ ਇਲਾਵਾ ਭਾਰਤੀ ਟੀਮ ਦੇ ਕੋਚ ਰਵੀ ਸ਼ਾਸਤਰੀ ਨੇ ਆਪਣੇ ਪਿਤਾ ਦੀ ਫੋਟੋ ਨਾਲ ਲਿਖਿਆ, “ਮੇਰੇ ਪਹਿਲੇ ਹੀਰੋ, ਮੇਰੀ ਪਹਿਲੀ ਪ੍ਰੇਰਣਾ – ਮੇਰੇ ਪਿਤਾ। Father’s Day”
