ਸੰਗਰੂਰ ਦੇ ਪਿੰਡ ਗੰਢੂਆਂ ਦੀ ਅਥਲੀਟ ਰਸ਼ਦੀਪ ਕੌਰ ਰਾਸ਼ਟਰਮੰਡਲ ਖੇਡਾਂ ਵਿੱਚ ਭਾਰਤ ਦੀ ਪ੍ਰਤੀਨਿਧਤਾ ਕਰੇਗੀ। ਅਥਲੀਟ ਰਸ਼ਦੀਪ ਕੌਰ ਨੇ ਕਾਮਨਵੈਲਥ ਖੇਡਾਂ 2026 ਲਈ ਕੁਆਲੀਫਾਈ ਕੀਤਾ ਹੈ। ਉਹ 4×400 ਮੀਟਰ ਰਿਲੇਅ ਈਵੈਂਟ ਲਈ ਚੁਣੀ ਗਈ ਹੈ। ਰਸ਼ਦੀਪ ਕੌਰ ਦੀ ਸਿਲੈਕਸ਼ਨ ਤੋਂ ਬਾਅਦ ਇਲਾਕੇ ਵਿੱਚ ਖੁਸ਼ੀ ਦੀ ਲਹਿਰ ਹੈ।
ਰਸ਼ਦੀਪ ਕੌਰ ਦੀ ਦੋ ਛੋਟੀਆਂ ਭੈਣਾਂ ਸੁਖਵੀਰ ਅਤੇ ਰਣਜੀਤ ਕੌਰ ਵੀ ਨੈਸ਼ਨਲ ਪੱਧਰ ਦੀਆਂ ਖਿਡਾਰਨਾਂ ਹਨ। ਰਸ਼ਦੀਪ ਕੌਰ ਨੂੰ ਮੁਕਾਬਲੇ ਵਿੱਚ ਭੇਜਣ ਲਈ ਉਸਦੀ ਮਾਂ ਨੇ ਸੋਨੇ ਦੀ ਚੇਨ ਵੇਚੀ ਸੀ। ਲੋਕਾਂ ਦੀ ਪ੍ਰਵਾਹ ਕੀਤੇ ਬਿਨ੍ਹਾਂ ਰਸ਼ਦੀਪ ਕੌਰ ਦੇ ਪਿਤਾ ਗੁਰਲਾਲ ਸਿੰਘ ਨੇ ਧੀਆਂ ਨੂੰ ਖੇਡ ਮੈਦਾਨ ਵਿੱਚ ਉਤਾਰਿਆ ਅਤੇ ਅੱਜ ਉਨ੍ਹਾਂ ਲਈ ਇਹ ਪਲ ਵੱਡੀ ਸਫਲਤਾ ਅਤੇ ਬੇਹੱਦ ਮਾਣ ਵਾਲਾ ਹੈ।
ਇਹ ਵੀ ਪੜ੍ਹੋ : 16ਵਾਂ ਵਿਸ਼ਵ ਕੱਪ ਗੋਲ ਤੇ ਕਰੀਅਰ ਦੀ ਪਹਿਲੀ ਹੈਟ੍ਰਿਕ, ਫੀਫਾ ਵਰਲਡ ਕੱਪ ‘ਚ Lionel Messi ਨੇ ਰਚਿਆ ਇਤਿਹਾਸ
ਜਲੰਧਰ ਦੇ ਐਥਲੈਟਿਕਸ ਕੋਚ ਸਰਬਜੀਤ ਸਿੰਘ ਹੈਪੀ ਨੇ ਰਸ਼ਦੀਪ ਕੌਰ ਨੂੰ 10 ਸਾਲ ਤੱਕ ਮੁਫ਼ਤ ਸਿਖਲਾਈ ਅਤੇ ਆਰਥਿਕ ਮਦਦ ਦਿੱਤੀ। ਐਥਲੈਟਿਕਸ ਫੈਡਰੇਸ਼ਨ ਆਫ਼ ਇੰਡੀਆ (AFI) ਵੱਲੋਂ 14 ਜੂਨ 2026 ਨੂੰ ਭਾਰਤੀ ਐਥਲੈਟਿਕਸ ਟੀਮ ਦੇ 32 ਮੈਂਬਰਾਂ ਦੇ ਨਾਵਾਂ ਦਾ ਅਧਿਕਾਰਤ ਐਲਾਨ ਕੀਤਾ ਗਿਆ ਹੈ, ਜਿਸ ਵਿੱਚ ਰਸ਼ਦੀਪ ਕੌਰ ਦਾ ਨਾਂ ਸ਼ਾਮਲ ਹੈ। ਕਾਮਨਵੈਲਥ ਖੇਡਾਂ ਸਕਾਟਲੈਂਡ ਦੇ ਗਲਾਸਗੋ ਵਿੱਚ 23 ਜੁਲਾਈ ਤੋਂ 2 ਅਗਸਤ 2026 ਤੱਕ ਹੋਣਗੀਆਂ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
