ਜਲੰਧਰ ਦੇ ਸ਼ਾਹਕੋਟ ਵਿਚ ਸ਼੍ਰੋਮਣੀ ਅਕਾਲੀ ਦਲ ਨੇ ਪੰਜਾਬ ਬਚਾਓ ਰੈਲੀ ਕੀਤੀ। ਇਸ ਵਿਚ ਅਕਾਲੀ ਦਲ ਦੇ ਪ੍ਰਧਾਨ ਤੇ ਸਾਬਕਾ ਡਿਪਟੀ ਸੀਐੱਮ ਸੁਖਬੀਰ ਬਾਦਲ ਨੇ ਵੱਡਾ ਬਿਆਨ ਦਿੱਤਾ। ਉਨ੍ਹਾਂ ਕਿਹਾ ਕਿ 2027 ਵਿਚ ਸਾਡੀ ਸਰਕਾਰ ਆਉਣ ‘ਤੇ ਮੈਂ ਰਾਜਸਥਾਨ ਦਾ ਪਾਣੀ ਬੰਦ ਕਰੂੰਗਾ। ਖੇਤਰੀ ਪਾਰਟੀ ਹੀ ਪੰਜਾਬ ਨੂੰ ਬਚਾਅ ਸਕਦੀ ਹੈ।
ਸੁਖਬੀਰ ਬਾਦਲ ਨੇ ਕਿਹਾ ਕਿ ਪੰਜਾਬ ਦਾ ਕੀ ਹਾਲ ਹੁੰਦਾ ਸੀ। ਜੇਕਰ 25-30 ਸਾਲ ਪਹਿਲਾਂ ਦੇਖੀਏ ਤਾਂ ਇਥੇ ਬਿਜਲੀ ਤੱਕ ਨਹੀਂ ਆਉਂਦੀ ਸੀ। ਸੜਕਾਂ ਟੁੱਟੀਆਂ ਸਨ। ਸਾਡੇ ਬੱਚੇ ਬਾਹਰ ਚਲੇ ਗਏ ਕਿਉਂਕਿ ਗਰਮੀ ਲੱਗਦੀ ਸੀ, ਮੱਛਰ ਆਉਂਦੇ ਸਨ। ਡਿਵੈਲਪਮੈਂਟ ਨਾਂ ਦੀ ਕੋਈ ਚੀਜ਼ ਨਹੀਂ ਸੀ। ਫਿਰ ਬਾਦਲ ਸਾਬ੍ਹ ਆਏ ਉਨ੍ਹਾਂ ਨੇ ਆਪਣੇ ਰਾਜ ਵਿਚ ਇਕ-ਇਕ ਮੁਸ਼ਕਲ ਨੂੰ ਹੱਲ ਕੀਤਾ। ਤੁਸੀਂ ਅੱਜ ਖੇਤੀ ਕਰਦੇ ਹੋ। ਤੁਸੀਂ ਟਿਊਬਵੈੱਲ ਨਾਲ ਸਿੰਚਾਈ ਕਰਦੇ ਹੋ। ਉਸ ਸਮੇਂ ਵਿਚ ਜੋ ਟਿਊਬਵੈੱਲ ਕੁਨੈਕਸ਼ਨ ਮਿਲਿਆ, ਉਹ ਕੁਨੈਕਸ਼ਨ ਦੇਣ ਵਾਲਾ ਅਕਾਲੀ ਦਲ ਹੈ ਤੇ ਉਸ ਵਿਚ ਮੁਫਤ ਬਿਜਲੀ ਕਰਨ ਵਾਲਾ ਵੀ ਅਕਾਲੀ ਦਲ ਹੈ।
ਇਹ ਵੀ ਪੜ੍ਹੋ : ‘ਪੰਜਾਬ ਖੇਤੀ ਨੂੰ AI ਨਾਲ ਜੋੜਨ ਵਾਲਾ ਪਹਿਲਾ ਸੂਬਾ ਹੋਵੇਗਾ : CM ਭਗਵੰਤ ਮਾਨ
ਜੇਕਰ ਅਕਾਲੀ ਦਲ ਨਾ ਹੁੰਦਾ ਤਾਂ ਤੁਹਾਡੇ ਲੱਖ-ਲੱਖ, ਡੇਢ-ਡੇਢ ਲੱਖ ਬਿੱਲ ਆਉਣੇ ਸੀ। ਜਿੰਨੀਆਂ ਨਹਿਰਾਂ, ਕੱਸੀਆਂ, ਅੰਡਰਗਰਾਊਂਡ ਪਾਈਪ ਸਿਸਟਮ ਹਨ ਸਭ ਕੁਝ ਅਕਾਲੀ ਦਲ ਦੀ ਦੇਣ ਹੈ। ਪੰਜਾਬ ਵਿਚ ਸਭ ਤੋਂ ਜ਼ਰੂਰੀ ਹੈ ਕਿ ਨੌਜਵਾਨਾਂ ਨੂੰ ਨੌਕਰੀਆਂ ਮਿਲਣ। ਪੰਜਾਬ ਵਿਚ ਅਸੀਂ ਵਰਲਡ ਸਿੱਖ ਸਕਿਲ ਯੂਨੀਵਰਸਿਟੀ ਬਣਾਵਾਂਗੇ। ਹਰ ਜ਼ਿਲ੍ਹੇ ਵਿਚ ਇਕ ਸਕਿਲ ਸੈਂਟਰ ਹੋਵੇਗਾ। ਘੱਟੋ-ਘੱਟ ਇਕ ਲੱਖ ਬੱਚਿਆਂ ਨੂੰ ਸਕਿਲ ਟ੍ਰੇਨਿੰਗ ਹਰ ਸਾਲ ਦਿੱਤੀ ਜਾਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
