ਧੀ ਦੇ ਕੈਂਸਰ ‘ਚ ਮਾਂ ਹੋਈ ਕੰਗਾਲ ਨਾਲ ਹੋਇਆ ਚਮਤਕਾਰ! ਲੱਗੀ ਲਾਟਰੀ ਤੇ ਬਣ ਗਈ ਕਰੋੜਪਤੀ

ਵਾਸ਼ਿੰਗਟਨ : ਫਲੋਰੀਡਾ ਦੇ ਲੇਕਲੈਂਡ ਦੀ ਰਹਿਣ ਵਾਲੀ ਇਕ ਔਰਤ ਅਚਾਨਕ ਕਰੋੜਪਤੀ ਬਣ ਗਈ ਹੈ। ਦਰਅਸਲ ਉਸਨੇ 2 ਮਿਲੀਅਨ ਡਾਲਰ (16 ਕਰੋੜ 40 ਲੱਖ ਤੋਂ ਵੱਧ) ਦੀ ਲਾਟਰੀ ਇਨਾਮ ਜਿੱਤੀ ਹੈ। ਔਰਤ ਦਾ ਨਾਂ ਗੇਰਾਲਡੀਨ ਗਿੰਬਲੇਟ ਹੈ, ਜਿਸ ਨੇ ਆਪਣੀ ਜ਼ਿੰਦਗੀ ਦੀ ਬੱਚਤ ਆਪਣੀ ਧੀ ਦੇ ਕੈਂਸਰ ਦੇ ਇਲਾਜ ਲਈ ਵਰਤ ਲਈ ਸੀ।

ਰਿਪੋਰਟ ਮੁਤਾਬਕ ਜਿੰਬਲੇਟ ਦੀ ਧੀ ਛਾਤੀ ਦੇ ਕੈਂਸਰ ਨਾਲ ਜੂਝ ਰਹੀ ਸੀ, ਪਰ ਹੁਣ ਗਿੰਬਲੇਟ ਕੋਲ ਡਬਲ ਜਸ਼ਨ ਮਨਾਉਣ ਦਾ ਮੌਕਾ ਹੈ, ਕਿਉਂਕਿ ਧੀ ਦਾ ਇਲਾਜ ਵੀ ਪੂਰਾ ਹੋ ਗਿਆ ਹੈ ਅਤੇ ਲਾਟਰੀ ਜਿੱਤਣ ਤੋਂ ਬਾਅਦ ਔਰਤ ਨੂੰ ਕਾਫੀ ਪੈਸਾ ਵੀ ਮਿਲਿਆ ਹੈ।

ਫਲੋਰੀਡਾ ਲਾਟਰੀ ਤੋਂ ਇੱਕ ਪ੍ਰੈਸ ਰਿਲੀਜ਼ ਮੁਤਾਬਕ ਗਿਮਬਲੇਟ ਨੇ ਲੇਕਲੈਂਡ ਵਿੱਚ ਇੱਕ ਗੈਸ ਸਟੇਸ਼ਨ ਤੋਂ ਇੱਕ 2 ਮਿਲੀਅਨ ਡਾਲਰ ਦੀ ਲਾਟਰੀ ਟਿਕਟ ਖਰੀਦੀ ਜਦੋਂ ਉਸਦੀ ਧੀ ਨੇ ਕੈਂਸਰ ਦੇ ਇਲਾਜ ਦੇ ਆਖਰੀ ਦੌਰ ਨੂੰ ਪੂਰਾ ਕੀਤਾ। ਗੈਸ ਸਟੇਸ਼ਨ ਦੇ ਕਲਰਕ ਨੇ ਕਿਹਾ ਕਿ ਇੱਥੇ ਕੋਈ ਟਿਕਟਾਂ ਨਹੀਂ ਬਚੀਆਂ ਹਨ, ਪਰ ਔਰਤ ਨੇ ਉਹਨਾਂ ਨੂੰ ਦੁਬਾਰਾ ਲੱਭਣ ਲਈ ਕਿਹਾ ਕਿਉਂਕਿ ਉਸਨੂੰ ਕ੍ਰਾਸਵਰਡ ਗੇਮ ਸਭ ਤੋਂ ਵੱਧ ਪਸੰਦ ਸੀ। ਉਸ ਨੂੰ ਆਖਰੀ ਇੱਕ ਵਾਲਾ ਮਿਲ ਗਿਆ।

ਇਹ ਵੀ ਪੜ੍ਹੋ : ਮੰਦਭਾਗੀ ਖ਼ਬਰ, ਵਿਸਾਖੀ ਮਨਾਉਣ ਪਾਕਿਸਤਾਨ ਗਏ ਪੰਜਾਬ ਦੇ ਸਿੱਖ ਸ਼ਰਧਾਲੂ ਦੀ ਹਾਰਟ ਅਟੈਕ ਨਾਲ ਮੌਤ

ਗਿੰਬਲੇਟ ਨੂੰ ਜਲਦ ਹੀ ਪਤਾ ਲੱਗਾ ਕਿਉਸ ਨੇ ਖੇਡ ਦਾ ਚੋਟੀ ਦਾ ਇਨਾਮ ਜਿੱਤ ਲਿਆ। ਇਸ ਮਗਰੋਂ ਤਲਹਾਸੀ ਵਿੱਚਸਥਿਤ ਫਲੋਰੀਡਾ ਲਾਟਰੀ ਹੈੱਡਕੁਆਰਟਰ ਪਹੁੰਚੀ। ਗਿੰਬਲੇਟ ਦਾ ਪੂਰਾ ਪਰਿਵਾਰ ਉਥੇ ਪਹੁੰਚਿਆ। ਗਿੰਬਲੇਟ ਨੇ ਧੀਤੇ ਪੋਤੀ ਨਾਲ ਇਨਾਮ ਨਾਲ ਪੋਜ਼ ਦਿੰਦੇ ਹੋਏ ਫੋਟੋ ਖਿਚਵਾਈ। ਇਹ ਪੋਸਟ ਫਲੋਰਿਡਾ ਲਾਟਰੀ ਵੱਲੋਂ ਟਵਿੱਟਰ ‘ਤੇ ਸਾਂਝੀ ਕੀਤੀ ਗਈ ਹੈ।

ਗਿੰਬਲੇਟ ਦੀ ਧੀ ਨੇ ਕਿਹਾ ਕਿ ‘ਉਸਦੀ ਮਾਂ ਨੇ ਬੀਮਾਰ ਹੋਣ ‘ਤੇ ਉਸ ਦੀ ਦੇਖਭਾਲ ਕਰਨ ਲਈ ਆਪਣੀ ਜ਼ਿੰਦਗੀ ਦੀ ਬੱਚਤ ਨੂੰ ਖਤਮ ਕਰ ਦਿੱਤਾ ਸੀ। ਜਿਸ ਦਿਨ ਮੇਰੀ ਮਾਂ ਨੇ ਇਹ ਟਿਕਟ ਖਰੀਦੀ ਸੀ, ਮੈਂ ਦਰਵਾਜ਼ੇ ਦੀ ਘੰਟੀ ਵਜਾਈ ਅਤੇ ਛਾਤੀ ਦੇ ਕੈਂਸਰ ਦਾ ਆਖਰੀ ਇਲਾਜ ਕਰਵਾ ਕੇ ਹਸਪਤਾਲ ਤੋਂ ਬਾਹਰ ਆ ਗਈ। ਮੈਂ ਆਪਣੀ ਮਾਂ ਲਈ ਬਹੁਤ ਖੁਸ਼ ਹਾਂ।

ਟਵਿੱਟਰ ਯੂਜ਼ਰ ਇਸ ਰੋਂਗਟੇ ਖੜ੍ਹੇ ਕਰਨ ਵਾਲੀ ਕਹਾਣੀ ਤੋਂ ਖੁਸ਼ ਹੋਏ ਅਤੇ ਵੱਖੋ-ਵੱਖਰੀਆਂ ਪ੍ਰਤੀਕਿਰਿਆਵਾਂ ਪੋਸਟ ਕੀਤੀਆਂ। ਇਕ ਯੂਜ਼ਰ ਨੇ ਲਿਖਿਆ, ‘ਇਸ ਪਰਿਵਾਰ ਲਈ ਬਹੁਤ ਖੁਸ਼ੀ ਹੈ, ਰੱਬ ਅੱਗੇ ਆ ਕੇ ਉਨ੍ਹਾਂ ਮਾਪਿਆਂ ਦੀ ਮਦਦ ਕਰੇ ਜੋ ਆਪਣੇ ਬੱਚਿਆਂ ਨੂੰ ਬਚਾਉਣ ਲਈ ਖੁਦ ਨੂੰ ਦਿਾਲੀਆਂ ਕਰ ਰਹੇ ਹਨ।’

ਇਕ ਹੋਰ ਨੇ ਲਿਖਿਆ, ‘ਮੁਬਾਰਕਾਂ !!!! ਤੁਸੀਂ ਦੇਣ ਵਿੱਚ ਨਿਰਸਵਾਰਥ ਸੀ ਅਤੇ ਬਦਲੇ ਵਿੱਚ ਤੁਹਾਨੂੰ ਉਮੀਦ ਤੋਂ ਵੱਧ ਮਿਲਿਆ। ਰੱਬ ਤੁਹਾਨੂੰ ਅਤੇ ਤੁਹਾਡੇ ਪਰਿਵਾਰ ਨੂੰ ਖੁਸ਼ ਰੱਖੇ।”

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “