ਚੰਡੀਗੜ੍ਹ ਮਗਰੋਂ ਹੁਣ ਰਾਹੁਲ ਗਾਂਧੀ ਨੇ ਅਮਰੀਕਾ ‘ਚ ਕੀਤੀ ਟਰੱਕ ਦੀ ਸਵਾਰੀ, ਸੁਣੇ ਮੂਸੇਵਾਲਾ ਦੇ ਗਾਣੇ

ਚੰਡੀਗੜ੍ਹ ਤੋਂ ਬਾਅਦ ਰਾਹੁਲ ਗਾਂਧੀ ਨੇ ਅਮਰੀਕਾ ਵਿੱਚ ਵੀ ਟਰੱਕ ਦੀ ਸਵਾਰੀ ਕੀਤੀ। ਰਾਹੁਲ ਨੇ ਟਰੱਕ ਰਾਹੀਂ ਵਾਸ਼ਿੰਗਟਨ ਤੋਂ ਨਿਊਯਾਰਕ ਤੱਕ 190 ਕਿਲੋਮੀਟਰ ਦਾ ਸਫ਼ਰ ਤੈਅ ਕੀਤਾ। ਉਨ੍ਹਾਂ ਨੇ ਇਸ ਦੀ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਦੌਰਾਨ ਰਾਹੁਲ ਨੇ ਭਾਰਤੀ ਮੂਲ ਦੇ ਟਰੱਕ ਡਰਾਈਵਰ ਤਜਿੰਦਰਾ ਸਿੰਘ ਤੋਂ ਉਸ ਦੀ ਆਮਦਨ ਬਾਰੇ ਪੁੱਛਿਆ। ਜਦੋਂ ਡਰਾਈਵਰ ਨੇ ਆਪਣੀ ਆਮਦਨ ਦੱਸੀ ਤਾਂ ਰਾਹੁਲ ਹੈਰਾਨ ਰਹਿ ਗਿਆ। ਟਰੱਕ ਦੀ ਸਵਾਰੀ ਤੋਂ ਬਾਅਦ ਉਨ੍ਹਾਂ ਮਿਲ ਕੇ ਇੱਕ ਰੈਸਟੋਰੈਂਟ ਵਿੱਚ ਖਾਣਾ ਵੀ ਖਾਧਾ।

ਰਾਹੁਲ ਨੇ ਡਰਾਈਵਰ ਨਾਲ ਸਿਆਸਤ ਤੋਂ ਲੈ ਕੇ ਮਹਿੰਗਾਈ ਤੱਕ ਦੇ ਮੁੱਦਿਆਂ ‘ਤੇ ਚਰਚਾ ਕੀਤੀ। ਯਾਤਰਾ ਦੌਰਾਨ ਰਾਹੁਲ ਨੇ ਸਿੱਧੂ ਮੂਸੇਵਾਲਾ ਦਾ ਗੀਤ ਵੀ ਸੁਣਿਆ। ਰਾਹੁਲ ਨੇ ਕਿਹਾ ਕਿ ਉਹ ਮੂਸੇਵਾਲਾ ਨੂੰ ਕਾਫੀ ਪਸੰਦ ਕਰਦੇ ਹਨ ਅਤੇ ਟਰੱਕ ਡਰਾਈਵਰ ਦੇ ਪੁੱਛਣ ‘ਤੇ ਸਿੱਧੂ ਮੂਸੇਵਾਲਾ ਦੇ ਗਾਣੇ ਲਾਉਣ ਲਈ ਕਿਹਾ। ਰਾਹੁਲ ਨੇ ਦੱਸਿਆ ਕਿ ਮੂਸੇਵਾਲਾ ਦਾ 295 ਗਾਣਾ ਉਨ੍ਹਾਂ ਨੂੰ ਬਹੁਤ ਪਸੰਦ ਹੈ। ਰਾਹੁਲ ਗਾਂਧੀ 30 ਮਈ ਤੋਂ ਅਮਰੀਕਾ ਦੇ ਦੌਰੇ ‘ਤੇ ਹਨ।

ਰਾਹੁਲ ਨੇ ਕਿਹਾ ਕਿ ਅਮਰੀਕਾ ਦੇ ਟਰੱਕ ਜ਼ਿਆਦਾ ਆਰਾਮਦਾਇਕ ਹਨ ਵਾਸ਼ਿੰਗਟਨ ਤੋਂ ਨਿਊਯਾਰਕ ਦੇ ਸਫਰ ਦੌਰਾਨ ਰਾਹੁਲ ਟਰੱਕ ਡਰਾਈਵਰ ਦੇ ਨਾਲ ਵਾਲੀ ਸੀਟ ‘ਤੇ ਬੈਠ ਗਏ। ਰਾਹੁਲ ਨੇ ਕਿਹਾ ਕਿ ਭਾਰਤ ਵਿੱਚ ਟਰੱਕ ਡਰਾਈਵਰ ਦੇ ਆਰਾਮ ਦੀ ਪਰਵਾਹ ਨਹੀਂ ਕਰਦੇ। ਇਹ ਟਰੱਕ ਡਰਾਈਵਰਾਂ ਲਈ ਨਹੀਂ ਬਣਾਏ ਗਏ ਹਨ। ਤਜਿੰਦਰ ਨੇ ਰਾਹੁਲ ਨੂੰ ਦੱਸਿਆ ਕਿ ਅਮਰੀਕਾ ਵਿੱਚ ਟਰੱਕ ਚਲਾਉਣਾ ਇੱਜ਼ਤ ਦਾ ਕੰਮ ਹੈ।

ਟਰੱਕ ਦੀ ਸਵਾਰੀ ਦੌਰਾਨ ਰਾਹੁਲ ਤਜਿੰਦਰ ਤੋਂ ਉਸ ਦੀ ਕਮਾਈ ਬਾਰੇ ਪੁੱਛਿਆ ਅਤੇ ਜਵਾਬ ਸੁਣ ਕੇ ਹੈਰਾਨ ਰਹਿ ਗਏ। ਤਜਿੰਦਰ ਨੇ ਰਾਹੁਲ ਨੂੰ ਦੱਸਿਆ ਕਿ ਭਾਰਤ ਦੇ ਟਰੱਕ ਡਰਾਈਵਰਾਂ ਦੇ ਮੁਕਾਬਲੇ ਉਹ ਬਹੁਤ ਕਮਾਈ ਕਰਦਾ ਹੈ। ਤਜਿੰਦਰ ਨੇ ਕਿਹਾ ਕਿ ਰੇਟ ਦੇ ਹਿਸਾਬ ਨਾਲ ਡਰਾਈਵਰੀ ਕਰੋ ਤਾਂ 5 ਤੋਂ 6 ਲੱਖ ਬਣ ਜਾਂਦੇ ਹਨ।

ਦੂਜੇ ਪਾਸੇ ਜੇ ਤੁਹਾਡੇ ਕੋਲ ਆਪਣਾ ਟਰੱਕ ਹੈ, ਤਾਂ ਤੁਸੀਂ ਇੱਕ ਮਹੀਨੇ ਵਿੱਚ 8 ਲੱਖ ਰੁਪਏ ਤੱਕ ਕਮਾ ਸਕਦੇ ਹੋ। ਇਹ ਜਵਾਬ ਸੁਣ ਕੇ ਰਾਹੁਲ ਹੈਰਾਨ ਰਹਿ ਗਏ। ਇਸ ‘ਤੇ ਤਜਿੰਦਰ ਦਾ ਕਹਿਣਾ ਹੈ ਕਿ ਅਮਰੀਕਾ ‘ਚ ਟਰੱਕ ਚਲਾ ਕੇ ਕਾਫੀ ਕਮਾਈ ਕੀਤੀ ਜਾ ਸਕਦੀ ਹੈ, ਜਦਕਿ ਭਾਰਤ ‘ਚ ਟਰੱਕ ਡਰਾਈਵਰ ਆਪਣੇ ਪਰਿਵਾਰ ਦਾ ਢਿੱਡ ਵੀ ਨਹੀਂ ਭਰ ਸਕਦੇ।

ਇਹ ਵੀ ਪੜ੍ਹੋ : ਵੱਡਾ ਹਾਦਸਾ, ਵਿਆਹ ਤੋਂ ਪਰਤਦਿਆਂ ਨਦੀ ‘ਚ ਡੁੱਬੀ ਲੋਕਾਂ ਨਾਲ ਭਰੀ ਕਿਸ਼ਤੀ, 100 ਜਾਨਾਂ ਖ਼ਤਮ

ਰਾਹੁਲ ਨੇ ਤਜਿੰਦਰ ਨੂੰ ਪੁੱਛਿਆ ਕਿ ਤੁਸੀਂ ਭਾਰਤ ਦੇ ਟਰੱਕ ਡਰਾਈਵਰਾਂ ਨੂੰ ਕੀ ਸੰਦੇਸ਼ ਦਿਓਗੇ। ਇਸ ‘ਤੇ ਤਜਿੰਦਰਾ ਨੇ ਕਿਹਾ ਕਿ ਤੁਸੀਂ ਲੋਕ ਬਹੁਤ ਮਿਹਨਤ ਕਰ ਰਹੇ ਹੋ। ਤੁਹਾਨੂੰ ਸ਼ੁਭਕਾਮਨਾਵਾਂ। ਰਾਹੁਲ ਨੇ ਅੱਗੇ ਕਿਹਾ ਕਿ ਭਾਰਤ ਵਿੱਚ ਟਰੱਕ ਚਲਾਉਣਾ ਹੋਰ ਗੱਲ ਹੈ, ਉੱਥੇ ਟਰੱਕ ਡਰਾਈਵਰ ਕੋਲ ਟਰੱਕ ਨਹੀਂ ਹੁੰਦਾ, ਟਰੱਕ ਕਿਸੇ ਹੋਰ ਦਾ ਹੁੰਦਾ ਹੈ।

ਇਸ ‘ਤੇ ਤੇਜਿੰਦਰ ਨੇ ਰਾਹੁਲ ਨੂੰ ਕਿਹਾ ਕਿ ਇੱਥੇ ਕਿਸੇ ਕੋਲ ਪੈਸੇ ਨਹੀਂ ਹਨ। ਉਹ ਡਾਊਨ ਪੇਮੈਂਟ ਕਰਕੇ ਟਰੱਕ ਲੈਂਦੇ ਹਨ, ਬੈਂਕ ਤੋਂ ਕਰਜ਼ਾ ਲੈਂਦੇ ਹਨ। ਭਾਰਤ ਵਿੱਚ ਲੋਨ ਲਈ ਜਾਇਦਾਦ ਦੇ ਕਾਗਜ਼ਾਤ ਲੋੜੀਂਦੇ ਹਨ। ਗਰੀਬਾਂ ਕੋਲ ਜਾਇਦਾਦ ਦੇ ਕਾਗਜ਼ ਨਹੀਂ ਹਨ। ਇਸੇ ਲਈ ਉਹ ਕਿਸੇ ਦਾ ਵੀ ਟਰੱਕ ਚਲਾਉਂਦੇ ਰਹਿੰਦੇ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”