ਬਦਮਾਸ਼ਾਂ ਤੋਂ ਨਹੀਂ, ਥਾਣੇ ‘ਚ ਬਿੱਛੂਆਂ ਕਰਕੇ ਖੌਫ ‘ਚ ਪੁਲਿਸ ਵਾਲੇ, ਵਰਦੀ-ਜੁੱਤੀਆਂ ‘ਚ ਵੜ ਕੇ ਮਾਰਦੇ ਡੰਗ

ਉੱਤਰ ਪ੍ਰਦੇਸ਼ ਦੇ ਆਗਰਾ ਵਿੱਚ ਇੱਕ ਅਜਿਹਾ ਥਾਣਾ ਵੀ ਹੈ ਜਿੱਥੇ ਪੁਲਿਸ ਵਾਲੇ ਬਦਮਾਸ਼ਾਂ ਤੋਂ ਨਹੀਂ ਸਗੋਂ ਬਿੱਛੂਆਂ ਤੋਂ ਡਰਦੇ ਹਨ। ਬਰਸਾਤ ਸ਼ੁਰੂ ਹੋਣ ਤੋਂ ਬਾਅਦ ਤੋਂ ਹੀ ਬਿੱਛੂ ਕੈਂਪਸ ਵਿੱਚ ਘੁੰਮਦੇ ਰਹਿੰਦੇ ਹਨ। ਕਈ ਵਾਰ ਉਹ ਪੁਲਿਸ ਵਾਲਿਆਂ ਦੀ ਵਰਦੀ ਵਿੱਚ ਅਤੇ ਜੁੱਤੀਆਂ ਵਿੱਚ ਵੜ ਜਾਂਦੇ ਹਨ। ਜਦੋਂ ਪੁਲਿਸ ਵਾਲੇ ਪਹਿਨਣ ਲਈ ਵਰਦੀ ਜਾਂ ਜੁੱਤੀ ਚੁੱਕਦੇ ਹਨ, ਤਾਂ ਬਿੱਛੂ ਦਬਾਅ ਪੈਣ ‘ਤੇ ਉਨ੍ਹਾਂ ਨੂੰ ਡੰਗ ਮਾਰ ਦਿੰਦੇ ਹਨ। ਅਜਿਹਾ ਕਈ ਵਾਰ ਹੋਇਆ ਹੈ।

ਮਾਮਲਾ ਮਨਸੁਖਪੁਰਾ ਥਾਣੇ ਦਾ ਹੈ। ਇੱਥੋਂ ਦੀ ਪੁਲਿਸ ਬੀਹੜ ਦੇ ਬਦਮਾਸ਼ਾਂ ਤੋਂ ਨਹੀਂ ਸਗੋਂ ਬਿੱਛੂਆਂ ਦੇ ਹਮਲੇ ਤੋਂ ਪ੍ਰੇਸ਼ਾਨ ਹੈ। ਸ਼ਾਮ ਹੁੰਦੇ ਹੀ ਥਾਣੇ ਦੀ ਹਦੂਦ ਵਿੱਚ ਬਿੱਛੂ ਘੁੰਮਣ ਲੱਗ ਪੈਂਦੇ ਹਨ। ਪੁਲਿਸ ਵਾਲਿਆਂ ਦਾ ਅੱਧਾ ਧਿਆਨ ਬਿੱਛੂਆਂ ‘ਤੇ ਹੀ ਰਹਿੰਦਾ ਹੈ। ਹਰ ਰੋਜ਼ ਪੁਲਿਸ ਵਾਲੇ 8-10 ਬਿੱਛੂ ਫੜ ਕੇ ਘੜਿਆਂ ਵਿੱਚ ਰੱਖਦੇ ਹਨ। ਫਿਰ ਉਨ੍ਹਾਂ ਨੂੰ ਜੰਗਲ ਵਿੱਚ ਛੱਡ ਦਿੰਦੇ ਹਨ।

ਮਨਸੁਖਪੁਰਾ ਥਾਣਾ ਜ਼ਿਲ੍ਹਾ ਹੈੱਡਕੁਆਰਟਰ ਤੋਂ ਕਰੀਬ 70 ਕਿਲੋਮੀਟਰ ਦੂਰ ਕੱਚੇ ਚੰਬਲ ਵਿੱਚ ਸਥਿਤ ਹੈ। 50-60 ਦੇ ਦਹਾਕੇ ਵਿਚ ਧੌਲਪੁਰ ਦੇ ਨਾਲ ਲੱਗਦੇ ਇਸ ਪੱਕੇ ਇਲਾਕੇ ਵਿਚ ਮਾਨ ਸਿੰਘ, ਮੋਹਰ ਸਿੰਘ, ਤਹਿਸੀਲਦਾਰ ਸਿੰਘ, ਮਾਧੋ ਸਿੰਘ ਆਦਿ ਲੁਟੇਰਾ ਗਿਰੋਹ ਦਾ ਖ਼ਤਰਾ ਬਣਿਆ ਰਹਿੰਦਾ ਸੀ।

ਡਾਕੂਆਂ ਤੋਂ ਛੁਟਕਾਰਾ ਪਾਉਣ ਲਈ ਮਨਸੁਖਪੁਰਾ ਥਾਣਾ ਬਣਾਇਆ ਗਿਆ। ਹੁਣ ਚੰਬਲ ਦੇ ਲੁਟੇਰੇ ਨਹੀਂ ਰਹੇ ਪਰ ਮਨਸੁਖਪੁਰਾ ਪੁਲਿਸ ਦੀਆਂ ਮੁਸ਼ਕਿਲਾਂ ਘੱਟ ਨਹੀਂ ਹੋਈਆਂ। ਬਰਸਾਤੀ ਮੌਸਮ ਦੌਰਾਨ ਮਿੱਟੀ ਵਿੱਚੋਂ ਨਿਕਲਣ ਵਾਲੇ ਬਿੱਛੂ ਥਾਣੇ ਦੀ ਹਦੂਦ ਵਿੱਚ ਦਾਖਲ ਹੋ ਜਾਂਦੇ ਹਨ।

ਥਾਣਾ ਮੁਖੀ ਦਾ ਕਹਿਣਾ ਹੈ ਕਿ ਜਿਵੇਂ ਹੀ ਸ਼ਾਮ ਹੁੰਦੀ ਹੈ, ਬਿੱਛੂ ਥਾਣੇ ਦੀ ਹਦੂਦ ਵਿੱਚ ਘੁੰਮਣ ਲੱਗ ਪੈਂਦੇ ਹਨ। ਦਫ਼ਤਰ ਅਤੇ ਕਮਰੇ ਤੋਂ ਬਾਹਰ ਨਿਕਲਣ ਤੋਂ ਪਹਿਲਾਂ ਲੋਕ ਬਿੱਛੂ ਦੇ ਹਮਲੇ ਦੇ ਡਰੋਂ ਟਾਰਚ ਜਗਾਉਂਦੇ ਹਨ। ਵਰਦੀ ਪਾਉਂਦੇ ਹੋਏ ਵੀ ਬਿੱਛੂ ਦਾ ਡਰ ਰਹਿੰਦਾ ਹੈ।

ਇਹ ਵੀ ਪੜ੍ਹੋ : ਕਪੂਰਥਲਾ : ਆਟੋ ‘ਚ ਚੜਦੀਆਂ ਔਰਤਾਂ ਨੂੰ ਟਰੱਕ ਨੇ ਦਰੜਿਆ, 2 ਦੀ ਮੌ.ਤ, ਦੋ ਗੰਭੀਰ, ਘਟਨਾ CCTV ‘ਚ ਕੈਦ

ਕਾਂਸਟੇਬਲ ਰਾਮਨਿਵਾਸ ਨੂੰ ਮੰਗਲਵਾਰ ਨੂੰ ਕਨਖਜੂਰੇ ਨੇ ਮਨਸੁਖਪੁਰਾ ਥਾਣੇ ਦੇ ਰਿਹਾਇਸ਼ੀ ਅਹਾਤੇ ਵਿੱਚ ਕਨਖਜੂਰੇ ਨੇ ਵਰਦੀ ਪਾਉਂਦੇ ਹੋਏ ਪਿੱਠ ‘ਤੇ ਵੱਢ ਲਿਆ। ਉਸ ਨੇ ਦੱਸਿਆ ਕਿ ਕਿੱਲੀ ‘ਤੇ ਟੰਗੀ ਵਰਦੀ ਵਿੱਚ ਇਹ ਚਿਪਕਿਆ ਹੋਇਆ ਸੀ। ਇਸ ਹਾਦਸੇ ਮਗਰੋਂ ਉਹ ਆਪਣੀ ਵਰਦੀ ਪਾਉਂਦੇ ਹੋਏ ਬਿੱਛੂ ਦੇ ਨਾਲ ਕਨਖਜੂਰੇ ਤੋਂ ਵੀ ਡਰਨ ਲੱਗਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “