ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਬਿੱਛੂ ਕਿੰਨੇ ਖਤਰਨਾਕ ਹੁੰਦੇ ਹਨ। ਇਸ ਦਾ ਇੱਕ ਡੰਗ ਲੋਕਾਂ ਦੀ ਹਾਲਤ ਵਿਗੜਦਾ ਹੈ। ਕਈ ਵਾਰ ਬਿੱਛੂ ਦਾ ਜ਼ਹਿਰ ਵੀ ਖਤਰਨਾਕ ਸਿੱਧ ਹੁੰਦਾ ਹੈ। ਦੁਨੀਆ ‘ਚ ਅਜਿਹੇ ਬਹੁਤ ਸਾਰੇ ਲੋਕ ਹਨ ਜਿਨ੍ਹਾਂ ਦੀ ਮੌਤ ਬਿੱਛੂ ਦੇ ਡੰਗਣ ਨਾਲ ਹੋਈ ਹੈ ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਇਨ੍ਹਾਂ ਜ਼ਹਿਰੀਲੇ ਬਿੱਛੂਆਂ ਦੀ ਮਦਦ ਨਾਲ ਕੋਈ ਵਿਸ਼ਵ ਰਿਕਾਰਡ ਵੀ ਬਣਾਇਆ ਜਾ ਸਕਦਾ ਹੈ? ਜੀ ਹਾਂ, ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੀ ਹੀ ਔਰਤ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੇ ਬਿੱਛੂਆਂ ਨਾਲ ਕਮਰੇ ‘ਚ ਇੰਨੇ ਦਿਨ ਬਿਤਾਏ ਕਿ ਉਸ ਦਾ ਨਾਂ ਗਿਨੀਜ਼ ਵਰਲਡ ਰਿਕਾਰਡ ‘ਚ ਦਰਜ ਹੋ ਗਿਆ।
ਇਹ ਗੱਲ 2009 ਦੀ ਹੈ। ਥਾਈਲੈਂਡ ਦੀ ਰਹਿਣ ਵਾਲੀ ਕੰਚਨਾ ਕੇਤਕਾਵ ਨੇ 12 ਵਰਗ ਮੀਟਰ ਦੇ ਸ਼ੀਸ਼ੇ ਦੇ ਕਮਰੇ ਵਿੱਚ 5,320 ਜ਼ਹਿਰੀਲੇ ਬਿੱਛੂਆਂ ਨਾਲ 33 ਦਿਨ ਅਤੇ ਰਾਤਾਂ ਬਿਤਾਈਆਂ। ਅਜਿਹਾ ਅਨੋਖਾ ਕਾਰਨਾਮਾ ਕਰਕੇ ਉਸ ਨੇ ਵਰਲਡ ਰਿਕਾਰਡ ਬਣਾਇਆ ਹੈ। ਸਭ ਤੋਂ ਲੰਬੇ ਸਮੇਂ ਤੱਕ ਬਿੱਛੂਆਂ ਨਾਲ ਰਹਿਣ ਦਾ ਵਿਸ਼ਵ ਰਿਕਾਰਡ ਉਸ ਦੇ ਨਾਂ ਹੈ ਅਤੇ ਅੱਜ ਤੱਕ ਕੋਈ ਵੀ ਇਸ ਰਿਕਾਰਡ ਨੂੰ ਨਹੀਂ ਤੋੜ ਸਕਿਆ ਹੈ। ਇਸ ਤੋਂ ਪਹਿਲਾਂ ਵੀ ਕੰਚਨਾ ਦੇ ਨਾਂ ਇਹ ਅਨੋਖਾ ਰਿਕਾਰਡ ਦਰਜ ਸੀ, ਜੋ ਉਸ ਨੇ ਸਾਲ 2002 ਵਿੱਚ ਬਣਾਇਆ ਸੀ।
ਕੰਚਨਾ ਤੋਂ ਪਹਿਲਾਂ ਇਹ ਅਨੋਖਾ ਰਿਕਾਰਡ ਮਲੇਸ਼ੀਆ ਦੀ ਨੋਰ ਮਲੇਨਾ ਹਸਨ ਦੇ ਨਾਂ ਸੀ। ਕੰਚਨਾ ਵਾਂਗ ਉਸ ਨੇ ਸ਼ੀਸ਼ੇ ਦੇ ਕਮਰੇ ਵਿੱਚ ਬਹੁਤ ਸਾਰੇ ਬਿੱਛੂਆਂ ਨਾਲ 30 ਦਿਨ ਬਿਤਾਏ। ਹਾਲਾਂਕਿ ਉਸ ਨੇ ਆਪਣੀ ਮਰਜ਼ੀ ਨਾਲ ਆਪਣਾ ਸਫਰ ਖਤਮ ਨਹੀਂ ਕੀਤੀ, ਸਗੋਂ ਬਿੱਛੂ ਦੇ ਡੰਗ ਕਾਰਨ ਉਹ ਬੇਹੋਸ਼ ਹੋ ਗਈ, ਜਿਸ ਤੋਂ ਬਾਅਦ ਉਸ ਨੂੰ ਬਾਹਰ ਕੱਢਿਆ ਗਿਆ। ਨੋਰ ਨੂੰ ਬਿੱਛੂਆਂ ਨੇ ਕੁੱਲ ਸੱਤ ਵਾਰ ਡੰਗਿਆ ਸੀ।
ਗਿਨੀਜ਼ ਵਰਲਡ ਰਿਕਾਰਡਸ ਮੁਤਾਬਕ ਕੰਚਨਾ ਨੂੰ ਵੀ ਜ਼ਹਿਰੀਲੇ ਬਿੱਛੂ ਨੇ ਕੁੱਲ 13 ਵਾਰ ਡੰਗਿਆ ਸੀ, ਪਰ ਉਸ ਦੀ ਇਮਿਊਨਿਟੀ ਚੰਗੀ ਸੀ, ਇਸ ਲਈ ਉਸ ‘ਤੇ ਜ਼ਹਿਰ ਦਾ ਬਹੁਤ ਘੱਟ ਅਸਰ ਹੋਇਆ। ਹਾਲਾਂਕਿ 33 ਦਿਨਾਂ ਦਾ ਇਹ ਅਨੋਖਾ ਸਟੰਟ ਕੰਚਨਾ ਲਈ ਇੰਨਾ ਆਸਾਨ ਨਹੀਂ ਸੀ। ਇੱਕ ਵਾਰ ਤਾਂ ਉਹ ਫੁੱਟ-ਫੁੱਟ ਕੇ ਰੋਣ ਲੱਗ ਪਈ।
ਇਹ ਵੀ ਪੜ੍ਹੋ : ਪਹਿਲੀ ਵਾਰ ਇੰਨੇ ਸਸਤੇ ਹੋ ਗਏ Apple ਦੇ ਇਹ 4 iPhone, ਤੇਜ਼ੀ ਨਾਲ ਖ਼ਤਮ ਹੋ ਰਿਹਾ Stock!
ਵਰਲਡ ਰਿਕਾਰਡ ਬਣਾਉਣ ਸਮੇਂ ਕੰਚਨਾ ਨੂੰ ਲਗਭਗ ਸਾਰੀਆਂ ਸਹੂਲਤਾਂ ਦਿੱਤੀਆਂ ਗਈਆਂ ਸਨ। ਬਿਸਤਰੇ ਦੇ ਨਾਲ-ਨਾਲ ਉਸ ਦੇ ਕਮਰੇ ਵਿੱਚ ਇੱਕ ਟੀਵੀ, ਕਿਤਾਬਾਂ ਅਤੇ ਇੱਕ ਫਰਿੱਜ ਵੀ ਸੀ। ਉਸਨੂੰ ਹਰ ਸਮੇਂ ਇੱਕੋ ਕਮਰੇ ਵਿੱਚ ਰਹਿਣਾ ਪੈਂਦਾ ਸੀ। ਉਸ ਨੂੰ ਹਰ ਅੱਠ ਘੰਟੇ ਵਿਚ ਸਿਰਫ਼ 15 ਮਿੰਟ ਦਾ ਟਾਇਲਟ ਬ੍ਰੇਕ ਮਿਲਦਾ ਸੀ। ਦਿਲਚਸਪ ਗੱਲ ਇਹ ਸੀ ਕਿ ਕੰਚਨਾ ਦਾ ਇਹ ਕਮਰਾ ਇੱਕ ਸ਼ਾਪਿੰਗ ਮਾਲ ਵਿੱਚ ਬਣਿਆ ਹੋਇਆ ਸੀ, ਜਿੱਥੇ ਅਕਸਰ ਲੋਕ ਉਸ ਨੂੰ ਦੇਖਣ ਲਈ ਆਉਂਦੇ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
“ਹਿੱਟ ਗਾਣਿਆਂ ਦੀ ਝੜੀ ਲਾਉਣ ਵਾਲਾ ਪੰਜਾਬੀ ਗਾਇਕ ਦੇਖੋ ਕਿਉਂ ਬੈਠ ਗਿਆ ਚੁੱਪ ਹੋ ਕੇ ! ਮਿਊਜ਼ਿਕ ਇੰਡਸਟਰੀ ਦੀਆਂ ਖੋਲ੍ਹ…
