ਪਟਿਆਲਾ-ਰਾਜਪੁਰਾ ਸੜਕ ‘ਤੇ ਬਹਾਦਰਗੜ੍ਹ ਕਸਬੇ ਨੇੜੇ ਵੀਰਵਾਰ ਨੂੰ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ ਅਲਕਾਜ਼ਾਰ ਕਾਰ ਵਿੱਚ ਸਵਾਰ ਹਰਿਆਣਾ ਦੇ ਇੱਕ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀ ਮੌਤ ਹੋ ਗਈ।
ਮ੍ਰਿਤਕਾਂ ਵਿੱਚ ਸੱਸ, ਸਹੁਰਾ ਅਤੇ ਉਨ੍ਹਾਂ ਦਾ ਜਵਾਈ ਸ਼ਾਮਲ ਹਨ, ਜਦੋਂਕਿ ਬ੍ਰਿਜਾ ਕਾਰ ਵਿੱਚ ਸਵਾਰ ਤਿੰਨ ਹੋਰ ਲੋਕ ਇਸ ਹਾਦਸੇ ਵਿੱਚ ਗੰਭੀਰ ਜ਼ਖਮੀ ਹੋ ਗਏ। ਜ਼ਖਮੀਆਂ ਨੂੰ ਇਲਾਜ ਲਈ ਸਰਕਾਰੀ ਰਾਜਿੰਦਰਾ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।
ਪੁਲਿਸ ਮੁਤਾਬਕ ਵੀਰਵਾਰ ਦੁਪਹਿਰ ਨੂੰ ਰਾਜਪੁਰਾ ਵੱਲ ਜਾ ਰਹੀ ਬ੍ਰਿਜਾ ਕਾਰ ਦਾ ਟਾਇਰ ਬਹਾਦਰਗੜ੍ਹ ਕਸਬੇ ਨੇੜੇ ਅਚਾਨਕ ਫਟ ਗਿਆ, ਜਿਸ ਕਾਰਨ ਬ੍ਰਿਜਾ ਕਾਰ ਦਾ ਡਰਾਈਵਰ ਸੰਤੁਲਨ ਗੁਆ ਬੈਠਾ ਅਤੇ ਡਿਵਾਈਡਰ ‘ਤੇ ਚੜ੍ਹ ਕੇ ਦੂਜੇ ਪਾਸੇ ਜਾ ਕੇ ਪਟਿਆਲਾ ਵੱਲ ਆ ਰਹੀ ਅਲਕਾਜ਼ਾਰ ਕਾਰ ਨਾਲ ਟਕਰਾ ਗਿਆ।
ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਅਲਕਾਜ਼ਾਰ ਕਾਰ ਬੁਰੀ ਤਰ੍ਹਾਂ ਨੁਕਸਾਨੀ ਗਈ ਅਤੇ ਪਵਨ ਕੁਮਾਰ, ਉਸ ਦੀ ਪਤਨੀ ਕੁਸੁਮ ਲਤਾ ਅਤੇ ਉਸ ਦਾ ਜਵਾਈ ਸਿਧਾਂਤ ਬੱਬਰ, ਜੋ ਕਿ ਇਸ ਵਿੱਚ ਸਵਾਰ ਸਨ, ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਬਹਾਦਰਗੜ੍ਹ ਪੁਲਿਸ ਮੁਤਾਬਕ ਤਿੰਨ ਲੋਕ ਹਰਿਆਣਾ ਦੇ ਸਿਰਸਾ ਜ਼ਿਲ੍ਹੇ ਦੇ ਮੰਡੀ ਡੱਬਵਾਲੀ ਦੇ ਰਹਿਣ ਵਾਲੇ ਸਨ ਅਤੇ ਪੰਚਕੂਲਾ ਵਿੱਚ ਆਪਣੀ ਧੀ ਦੇ ਘਰ ਦੇ ਮਹੂਰਤ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਵਾਪਸ ਆ ਰਹੇ ਸਨ।
ਇਹ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਦੀ ਤੀਜੀ ਬਰਸੀ ‘ਤੇ ਮਾਪੇ ਹੋਏ ਭਾਵੁਕ, ਨਿੱਕੇ ਸਿੱਧੂ ਨੂੰ ਗੋਦੀ ਚੁੱਕ ਕੇ ਪੁੱਜੀ ਮਾਂ ਚਰਨ ਕੌਰ
ਹਾਦਸੇ ਵਿੱਚ ਬ੍ਰਿਜਾ ਕਾਰ ਦੀਆਂ ਸਵਾਰੀਆਂ, ਮਹਿਕਪ੍ਰੀਤ ਕੌਰ (18), ਨਵਨੀਤ ਕੌਰ (14) ਦੋਵੇਂ ਵਾਸੀ ਭਾਦਸੋਂ ਜ਼ਿਲ੍ਹਾ ਪਟਿਆਲਾ ਅਤੇ ਸੁਖਚੈਨ ਸਿੰਘ ਵਾਸੀ ਨਾਭਾ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ। ਪੁਲਿਸ ਮੁਤਾਬਕ ਬ੍ਰੇਜ਼ਾ ਕਾਰ ਮਹਿਕਪ੍ਰੀਤ ਕੌਰ ਚਲਾ ਰਹੀ ਸੀ। ਪੁਲਿਸ ਵੱਲੋਂ ਪੀੜਤ ਪਰਿਵਾਰ ਦੇ ਮੈਂਬਰਾਂ ਦੇ ਬਿਆਨ ਦਰਜ ਕੀਤੇ ਜਾ ਰਹੇ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
