ਸਟੇਟ ਬੈਂਕ ਆਫ਼ ਇੰਡੀਆ (SBI) ਨੇ ਆਪਣੇ ਗਾਹਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਹੁਣ ਬੈਂਕ ਦੇ ਗਾਹਕਾਂ ਨੂੰ 15 ਅਗਸਤ, 2025 ਤੋਂ ਆਨਲਾਈਨ IMPS ਟ੍ਰਾਂਸਫਰ ‘ਤੇ ਫੀਸ ਦੇਣੀ ਪਵੇਗੀ, ਜੋ ਕਿ ਪਹਿਲਾਂ ਪੂਰੀ ਤਰ੍ਹਾਂ ਮੁਫ਼ਤ ਸੀ। IMPS ਯਾਨੀ ਇੰਸਟੈਂਟ ਮਨੀ ਪੇਮੈਂਟ ਸਰਵਿਸ ਇੱਕ ਰੀਅਲ-ਟਾਈਮ ਫੰਡ ਟ੍ਰਾਂਸਫਰ ਸਿਸਟਮ ਹੈ, ਜਿਸ ਦੀ ਮਦਦ ਨਾਲ ਕੋਈ ਵੀ ਵਿਅਕਤੀ ਤੁਰੰਤ ਪੈਸੇ ਟ੍ਰਾਂਸਫਰ ਕਰ ਸਕਦਾ ਹੈ। ਇਹ ਸੇਵਾ ਦਿਨ ਦੇ 24 ਘੰਟੇ ਅਤੇ 365 ਦਿਨ ਉਪਲਬਧ ਹੈ।
IMPS ਰਾਹੀਂ ਇੱਕ ਸਮੇਂ ਵਿੱਚ ਵੱਧ ਤੋਂ ਵੱਧ ₹5 ਲੱਖ ਟ੍ਰਾਂਸਫਰ ਕੀਤੇ ਜਾ ਸਕਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ SBI ਵੱਲੋਂ ਕੀਤਾ ਗਿਆ ਬਦਲਾਅ ਸਿਰਫ਼ ਆਨਲਾਈਨ ਲੈਣ-ਦੇਣ ‘ਤੇ ਲਾਗੂ ਹੋਵੇਗਾ ਅਤੇ ਕੁਝ ਸਲੈਬਾਂ ਵਿੱਚ ਨਾਮਾਤਰ ਚਾਰਜ ਜੋੜੇ ਜਾਣਗੇ। ਹਾਲਾਂਕਿ, ਇਹ ਚਾਰਜ ਅਜੇ ਵੀ ਕੁਝ ਖਾਤਿਆਂ ‘ਤੇ ਨਹੀਂ ਲਗਾਏ ਜਾਣਗੇ।
ਜੇ ਤੁਸੀਂ ਇੰਟਰਨੈੱਟ ਬੈਂਕਿੰਗ, ਮੋਬਾਈਲ ਬੈਂਕਿੰਗ ਜਾਂ UPI ਵਰਗੇ ਆਨਲਾਈਨ ਮਾਧਿਅਮ ਰਾਹੀਂ IMPS ਕਰਦੇ ਹੋ, ਤਾਂ ਹੁਣ ਤੁਹਾਨੂੰ ਫੀਸ ਦੇਣੀ ਪਵੇਗੀ। ਇਹ ਖਰਚੇ ਇਸ ਪ੍ਰਕਾਰ ਹਨ – 25,000 ਰੁਪਏ ਤੱਕ ਕੋਈ ਫੀਸ ਨਹੀਂ ਲਈ ਜਾਵੇਗੀ। 25,001 ਰੁਪਏ ਤੋਂ 1 ਲੱਖ ਰੁਪਏ ਤੱਕ 2 ਰੁਪਏ + GST ਲਿਆ ਜਾਵੇਗਾ। 1 ਲੱਖ ਤੋਂ 2 ਲੱਖ ਰੁਪਏ ਤੱਕ 6 ਰੁਪਏ + GST ਲਗਾਇਆ ਜਾਵੇਗਾ। 2 ਲੱਖ ਰੁਪਏ ਤੋਂ 5 ਲੱਖ ਰੁਪਏ ਤੱਕ 10 ਰੁਪਏ + GST ਲਗਾਇਆ ਜਾਵੇਗਾ। ਪਹਿਲਾਂ ਇਨ੍ਹਾਂ ਸਾਰੇ ਲੈਣ-ਦੇਣ ‘ਤੇ ਕੋਈ ਚਾਰਜ ਨਹੀਂ ਸੀ, ਪਰ ਹੁਣ ਹਰ ਸਲੈਬ ‘ਤੇ ਥੋੜ੍ਹਾ ਜਿਹਾ ਪੈਸਾ ਦੇਣਾ ਪਵੇਗਾ।
SBI ਗਾਹਕ ਜੋ ਕਿਸੇ ਵੀ ਸਰਕਾਰੀ ਜਾਂ ਨਿੱਜੀ ਸੰਸਥਾ ਵਿੱਚ ਤਨਖਾਹ ‘ਤੇ ਹਨ ਅਤੇ ਜਿਨ੍ਹਾਂ ਕੋਲ ਵਿਸ਼ੇਸ਼ ਤਨਖਾਹ ਪੈਕੇਜ ਖਾਤਾ ਹੈ, ਉਨ੍ਹਾਂ ਨੂੰ ਇਸ ਚਾਰਜ ਤੋਂ ਰਾਹਤ ਮਿਲੇਗੀ। ਇਨ੍ਹਾਂ ਵਿੱਚ DSP, CGSP, PSP, RSP, CSP, SGSP, ICGSP, ਅਤੇ SUSP ਵਰਗੇ ਖਾਤੇ ਸ਼ਾਮਲ ਹਨ, ਜਿਨ੍ਹਾਂ ‘ਤੇ IMPS ਖਰਚੇ ਅਜੇ ਵੀ ਨਹੀਂ ਲਏ ਜਾਣਗੇ।
ਇਹ ਵੀ ਪੜ੍ਹੋ : ਦੌਸਾ ‘ਚ ਵਾਪਰੇ ਹਾਦਸੇ ‘ਤੇ PM ਮੋਦੀ ਨੇ ਪ੍ਰਗਟਾਇਆ ਦੁੱਖ, ਪੀੜਤਾਂ ਲਈ ਆਰਥਿਕ ਮਦਦ ਦਾ ਐਲਾਨ
ਜੇ ਤੁਸੀਂ SBI ਸ਼ਾਖਾ ਵਿੱਚ ਜਾਂਦੇ ਹੋ ਅਤੇ IMPS ਕਰਦੇ ਹੋ, ਤਾਂ ਪਹਿਲਾਂ ਵਾਂਗ ਉੱਥੇ ਫੀਸ ਲਈ ਜਾਵੇਗੀ। ਇਸ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਬ੍ਰਾਂਚ ਤੋਂ ਕੀਤੇ ਜਾਣ ਵਾਲੇ IMPS ਲੈਣ-ਦੇਣ ‘ਤੇ ਚਾਰਜ 2 ਰੁਪਏ ਤੋਂ ਸ਼ੁਰੂ ਹੋ ਸਕਦੇ ਹਨ ਅਤੇ ਟ੍ਰਾਂਸਫਰ ਦੀ ਰਕਮ ਦੇ ਆਧਾਰ ‘ਤੇ 20 ਰੁਪਏ + GST ਤੱਕ ਜਾ ਸਕਦੇ ਹਨ।
IMPS ਚਾਰਜ ਕੀ ਹੈ?
IMPS ਚਾਰਜ ਉਹ ਰਕਮ ਹੈ ਜੋ ਬੈਂਕ ਤੁਹਾਡੇ ਤੋਂ ਉਸ ਸਹੂਲਤ ਲਈ ਲੈਂਦਾ ਹੈ ਜਿਸ ਵਿੱਚ ਉਹ ਤੁਹਾਡੇ ਪੈਸੇ ਨੂੰ ਤੁਰੰਤ ਕਿਸੇ ਹੋਰ ਵਿਅਕਤੀ ਦੇ ਖਾਤੇ ਵਿੱਚ ਟ੍ਰਾਂਸਫਰ ਕਰਦਾ ਹੈ। ਇਹ ਫੀਸ ਤੁਹਾਡੇ ਵੱਲੋਂ ਟ੍ਰਾਂਸਫਰ ਕੀਤੀ ਗਈ ਰਕਮ ਦੇ ਆਧਾਰ ‘ਤੇ ਵੱਖ-ਵੱਖ ਹੋ ਸਕਦੀ ਹੈ। ਆਮ ਤੌਰ ‘ਤੇ ਬੈਂਕ ਡਿਜੀਟਲ ਸੇਵਾ ਨੂੰ ਬਣਾਈ ਰੱਖਣ, ਨੈੱਟਵਰਕ ਖਰਚਿਆਂ ਅਤੇ ਟ੍ਰਾਂਜੈਕਸ਼ਨ ਦੀ ਪ੍ਰਕਿਰਿਆ ਲਈ ਇਹ ਫੀਸ ਲੈਂਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
