Robbers looted Truck loaded : ਲੁਧਿਆਣਾ ਵਿੱਚ ਬਦਮਾਸ਼ਾਂ ਵੱਲੋਂ ਲੁੱਟ ਕਰਨ ਲਈ ਨਵਾਂ ਪੈਂਤਰਾ ਅਪਣਾਇਆ ਗਿਆ। ਐਕਸਾਈਜ਼ ਤੇ ਟੈਕਸੇਸ਼ਨ ਅਧਿਕਾਰੀ (ਈਟੀਓ) ਬਣ ਕੇ ਆਏ ਬਦਮਾਸ਼ਾਂ ਨੇ ਸਮਰਾਲਾ ਚੌਕ ਵਿਖੇ ਬਿੱਲ ਚੈੱਕ ਕਰਨ ਦੇ ਬਹਾਨੇ ਡਰਾਈਵਰ ਨੂੰ ਹੇਠਾਂ ਉਤਾਰ ਲਿਆ। ਉਸਨੂੰ ਦਫਤਰ ਲਿਜਾਣ ਦੇ ਬਹਾਨੇ ਮੁਲਜ਼ਮ ਉਸਨੂੰ ਬੁਲੇਰੋ ਵਿੱਚ ਘੁਮਾਉਂਦੇ ਰਹੇ। ਇਸ ਦੌਰਾਨ ਉਸਦੇ 11 ਲੱਖ ਰੁਪਏ ਦੀ ਕੀਮਤ ਵਾਲੇ ਸਰੀਏ ਨਾਲ ਭਰਿਆ ਟਰੱਕ ਗਾਇਬ ਕਰ ਗਏ। ਥਾਣਾ ਡਵੀਜ਼ਨ ਤਿੰਨ ਦੀ ਪੁਲਿਸ ਨੇ ਇਸ ਟਰੱਕ ਨੂੰ ਸੁਲਤਾਨਪੁਰ ਲੋਧੀ ਜ਼ਿਲ੍ਹਾ ਕਪੂਰਥਲਾ ਤੋਂ ਸੀਰੀਆ ਸਮੇਤ ਬਰਾਮਦ ਕਰ ਲਿਆ ਹੈ ਤੇ ਹੁਣ ਪੁਲਿਸ ਬਦਮਾਸ਼ਾਂ ਦੀ ਭਾਲ ਕਰ ਰਹੀ ਹੈ।
ਖੰਨਾ ਨਿਵਾਸੀ ਅੰਬਰੀਸ਼ ਕੁਮਾਰ ਗੋਇਲ ਨੇ ਦੱਸਿਆ ਕਿ ਉਹ ਲੋਹੇ ਦਾ ਕਾਰੋਬਾਰ ਕਰਦਾ ਹੈ। ਸ਼ਨੀਵਾਰ ਰਾਤ ਉਸ ਨੇ ਖੰਨਾ ਦੇ ਟਰਾਂਸਪੋਰਟ ਮਾਲਕ ਪੱਪੂ ਦੇ ਟਰੱਕ ‘ਤੇ ਲਗਭਗ 11 ਲੱਖ ਰੁਪਏ ਦਾ ਸਰੀਆ ਲੋਡ ਕੀਤਾ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਦਾ ਰੋਡਾ ਨਾਮ ਦਾ ਡਰਾਈਵਰ ਇਸਨੂੰ ਬਹਾਦਰ ਕੇ ਰੋਡ ਇਲਾਕੇ ਵਿੱਚ ਡਿਲੀਵਰ ਕਰ ਨਲਈ ਰਵਾਨਾ ਹੋਇਆ। ਉਹ ਸਵੇਰੇ ਸਾਢੇ ਤਿੰਨ ਵਜੇ ਸਮਰਾਲਾ ਚੌਕ ਪਹੁੰਚਿਆ। ਜਿੱਥੇ ਸੜਕ ਦੇ ਇਕ ਪਾਸੇ ਬੋਲੇਰੋ ਗੱਡੀ ਸੀ, ਉਥੇ ਖੜ੍ਹੇ ਲੋਕਾਂ ਨੇ ਇਸਨੂੰ ਰੋਕਣ ਦਾ ਇਸ਼ਾਰਾ ਕੀਤਾ। ਜਦੋਂ ਉਹ ਰੁਕਿਆ ਤਾਂ ਉਨ੍ਹਾਂ ਨੇ ਆਪਣੇ ਆਪ ਨੂੰ ਈਟੀਓ ਅਤੇ ਜੀਐਸਟੀ ਅਧਿਕਾਰੀ ਦੱਸਦਿਆਂ ਪੇਪਰ ਦਿਖਾਉਣ ਲਈ ਕਿਹਾ। ਜਦੋਂ ਉਹ ਕਾਗਜ਼ ਲੈ ਕੇ ਆਇਆ ਤਾਂ ਉਨ੍ਹਾਂ ਲੋਕਾਂ ਨੇ ਕਿਹਾ ਕਿ ਦਸਤਾਵੇਜ਼ ਵਿਚ ਕੁਝ ਗਾਇਬ ਸੀ। ਉਸਨੂੰ ਪੁੱਛਗਿੱਛ ਲਈ ਈਟੀਓ ਦਫਤਰ ਚਲਣਾ ਪਏਗਾ।
ਟਰੱਕ ਡਰਾਈਵਰ ਰੋਡਾ ਨੇ ਦੱਸਿਆ ਕਿ ਲੁਟੇਰੇ ਉਸਨੂੰ ਕਾਰ ਵਿੱਚ ਬਿਠਾ ਕੇ ਲੈ ਗਏ ਅਤੇ ਪਹਿਲਾਂ ਉਸਨੂੰ ਫਿਰੋਜ਼ਪੁਰ ਰੋਡ ਤੇ ਫਿਰ ਮੋਗਾ ਲੈ ਗਏ। ਪੁੱਛੇ ਜਾਣ ‘ਤੇ ਉਹ ਉਸਨੂੰ ਡਰਾਉਂਦੇ ਰਹੇ। ਸਵੇਰੇ ਸਾਢੇ ਪੰਜ ਵਜੇ ਉਹ ਉਸਨੂੰ ਸਮਰਾਲਾ ਚੌਕ ’ਤੇ ਲਾਹ ਕੇ ਫਰਾਰ ਹੋ ਗਏ। ਜਦੋਂ ਰੋਡਾ ਉਥੇ ਪਹੁੰਚਿਆ ਤਾਂ ਉਸ ਦਾ ਟਰੱਕ ਵੀ ਗਾਇਬ ਸੀ। ਜਾਂਚ ਦੌਰਾਨ ਪੁਲਿਸ ਨੂੰ ਪਤਾ ਲੱਗਿਆ ਕਿ ਡਰਾਈਵਰ ਦਾ ਮੋਬਾਈਲ ਟਰੱਕ ਵਿੱਚ ਪਿਆ ਸੀ, ਜਿਸ ਕਾਰਨ ਉਸਦਾ ਮੋਬਾਈਲ ਨੰਬਰ ਨਿਗਰਾਨੀ ਵਿੱਚ ਪਾਇਆ ਗਿਆ ਸੀ। ਦੁਪਹਿਰ 12 ਵਜੇ ਦੇ ਕਰੀਬ, ਉਸਦੀ ਲੋਕੇਸ਼ਨ ਕਪੂਰਥਲਾ ਜ਼ਿਲ੍ਹੇ ਦੇ ਫਗਵਾੜਾ ਵਿੱਚ ਮਿਲੀ। ਜਿਸ ‘ਤੇ ਪੁਲਿਸ ਦੀਆਂ ਟੀਮਾਂ ਨੂੰ ਫਗਵਾੜਾ ਭੇਜਿਆ ਗਿਆ। ਪਰ ਉਸ ਤੋਂ ਬਾਅਦ ਦੁਪਹਿਰ ਕਰੀਬ ਦੋ ਵਜੇ ਉਸ ਦੀ ਲੋਕੇਸ਼ਨ ਸੁਲਤਾਨਪੁਰ ਲੋਧੀ ਆਉਣਾ ਸ਼ੁਰੂ ਹੋ ਗਿਆ। ਜਿਸ ‘ਤੇ ਪੁਲਿਸ ਨੇ ਉਥੇ ਛਾਪਾ ਮਾਰਿਆ ਅਤੇ ਟਰੱਕ ਨੂੰ ਕਬਜ਼ੇ ਵਿੱਚ ਲੈ ਲਿਆ।
