ਬੁਲੀ ਬਾਈ ਐਪ ਦੇ ਮਾਸਟਰਮਾਈਂਡ ਵੱਲੋਂ ਖੁਦਕੁਸ਼ੀ ਦੀ ਕੋਸ਼ਿਸ਼, ਉਗਲੇ ਕਈ ਵੱਡੇ ਰਾਜ਼

ਨਵੀਂ ਦਿੱਲੀ : ਬੁਲੀ ਬਾਈ ਐਪ ਬਣਾ ਕੇ ਮੁਸਲਿਮ ਔਰਤਾਂ ਦੀਆਂ ਤਸਵੀਰਾਂ ਅਪਲੋਡ ਕਰਨ ਵਾਲੇ ਦੋਸ਼ੀ ਨੀਰਜ ਬਿਸ਼ਨੋਈ ਨੇ ਪੁਲਿਸ ਹਿਰਾਸਤ ‘ਚ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ। ਹਿਰਾਸਤ ‘ਚ ਉਸ ਦਾ ਖਾਸ ਖਿਆਲ ਰੱਖਿਆ ਜਾ ਰਿਹਾ ਹੈ। ਉਸ ਨੇ ਕਈ ਵੱਡੇ ਖੁਲਾਸੇ ਕੀਤੇ ਹਨ। ਉਸ ਨੇ ਦੱਸਿਆ ਕਿ ਉਹ ਸੁੱਲੀ ਡੀਲਜ਼ ਬਣਾਉਣ ਵਾਲੇ ਇਕ ਵਿਅਕਤੀ ਦੇ ਸੰਪਰਕ ‘ਚ ਸੀ, ਉਹ 15 ਸਾਲ ਦੀ ਉਮਰ ਤੋਂ ਹੀ ਹੈਕਿੰਗ ਕਰ ਰਿਹਾ ਸੀ।

ਬੁਲੀ ਬਾਈ ਐਪ ਬਣਾਉਣ ਦਾ ਦੋਸ਼ੀ ਨੀਰਜ ਬਿਸ਼ਨੋਈ ਦਿੱਲੀ ਪੁਲਸ ਦੀ ਹਿਰਾਸਤ ‘ਚ ਚੱਲ ਰਿਹਾ ਹੈ, ਪੁੱਛਗਿੱਛ ਦੌਰਾਨ ਲਗਾਤਾਰ ਖੁਲਾਸੇ ਕਰ ਰਿਹਾ ਹੈ। ਉਸ ਦਾ ਦਾਅਵਾ ਹੈ ਕਿ ਉਹ ਸੁੱਲੀ ਡੀਲਜ਼ ਐਪ ਬਣਾਉਣ ਵਾਲੇ ਨੂੰ ਜਾਣਦਾ ਹੈ।

ਉਸ ਦੇ ਦਾਅਵੇ ਦੀ ਪੁਸ਼ਟੀ ਦਿੱਲੀ ਦੇ ਕਿਸ਼ਨਗੜ੍ਹ ਪੁਲਿਸ ਸਟੇਸ਼ਨ ਵਿੱਚ ਦਰਜ ਐਫਆਈਆਰ ਰਾਹੀਂ ਕੀਤੀ ਗਈ ਸੀ, ਉਸ ਸਮੇਂ ਉਸ ਵੱਲੋਂ ਇਸਤੇਮਾਲ ਕੀਤੇ ਗਏ ਟਵਿੱਟਰ ਅਕਾਊਂਟ ਨੇ ਨਿਲਾਮੀ ਲਈ ਇੱਕ ਔਰਤ ਦੀ ਤਸਵੀਰ ਟਵੀਟ ਕੀਤੀ ਸੀ। ਡੀਸੀਪੀ ਸਾਈਬਰ ਕ੍ਰਾਈਮ ਯੂਨਿਟ ਕੇਪੀਐਸ ਮਲਹੋਤਰਾ ਨੇ ਦੱਸਿਆ ਕਿ ਮੁਲਜ਼ਮ ਨੀਰਜ ਬਿਸ਼ਨੋਈ ਨੇ ਖੁਲਾਸਾ ਕੀਤਾ ਹੈ ਕਿ ਉਸ ਨੇ 15 ਸਾਲ ਦੀ ਉਮਰ ਤੋਂ ਵੈੱਬਸਾਈਟਾਂ ਨਾਲ ਛੇੜਛਾੜ ਅਤੇ ਹੈਕਿੰਗ ਸਿੱਖੀ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”

ਇਸ ਤੋਂ ਪਹਿਲਾਂ ਉਹ ਭਾਰਤ ਦੇ ਨਾਲ-ਨਾਲ ਪਾਕਿਸਤਾਨ ਦੇ ਸਕੂਲਾਂ ਅਤੇ ਯੂਨੀਵਰਸਿਟੀਆਂ ਦੀਆਂ ਕਈ ਵੈੱਬਸਾਈਟਾਂ ਨੂੰ ਹੈਕ ਕਰ ਚੁੱਕਾ ਹੈ। ਦੋਸ਼ੀ ਨੀਰਜ ਬਿਸ਼ਨੋਈ ਦਾ ਝੁਕਾਅ ਜਾਪਾਨ ਐਨੀਮੇਸ਼ਨ ਦੇ ਇੱਕ ਗੇਮਿੰਗ ਕਰੈਕਟਰ GIYU ਵੱਲ ਹੈ, ਉਸ ਨੇ GIYU ਸ਼ਬਦ ਦੀ ਵਰਤੋਂ ਕਰਦੇ ਹੋਏ ਕਈ ਟਵਿੱਟਰ ਹੈਂਡਲ ਬਣਾਏ ਸਨ।

ਉਸ ਨੇ GIYU ਸ਼ਬਦ ਨਾਲ ਇੱਕ ਟਵਿੱਟਰ ਅਕਾਊਂਟ ਬਣਾਇਆ ਸੀ, ਜਿਸ ਰਾਹੀਂ ਉਸ ਨੇ ਜਾਂਚ ਏਜੰਸੀਆਂ ਨੂੰ ਫੜਨ ਦੀ ਚੁਣੌਤੀ ਦਿੱਤੀ ਸੀ। ਨੀਰਜ ਵਰਚੁਅਲ ਦੁਨੀਆ ਦੇ ਜ਼ਰੀਏ ਮੁੰਬਈ ਪੁਲਿਸ ਵੱਲੋਂ ਗ੍ਰਿਫਤਾਰ ਕੀਤੇ ਗਏ ਲੋਕਾਂ ਦੇ ਸੰਪਰਕ ਵਿਚ ਸੀ ਅਤੇ ਟਵਿੱਟਰ ਗਰੁੱਪ ਚੈਟ ਦੇ ਜ਼ਰੀਏ ਗੱਲਬਾਤ ਕਰਦਾ ਸੀ। ਅਜਿਹੇ ‘ਚ ਉਸ ਨੂੰ ਫੜਨਾ ਮੁਸ਼ਕਿਲ ਸੀ ਪਰ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਦਿੱਲੀ ਪੁਲਿਸ ਨੇ ਉਸ ਨੂੰ ਆਸਾਮ ਤੋਂ ਫੜ ਲਿਆ। ਇਸ ਮਾਮਲੇ ਵਿੱਚ ਦੋ ਹੋਰ ਮੁਲਜ਼ਮਾਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।