Pregnancy Baby care Tips: ਪ੍ਰੈਗਨੈਂਸੀ ਦੌਰਾਨ ਬੱਚੇ ਦੀ ਸੁਰੱਖਿਆ ਲਈ ਵਿਸ਼ੇਸ਼ ਦੇਖਭਾਲ ਦੀ ਲੋੜ ਹੁੰਦੀ ਹੈ। ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਨਾਸਮਝੀ ਕਾਰਨ ਬੱਚੇ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ। ਅੱਜ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਪ੍ਰੈਗਨੈਂਸੀ ਦੌਰਾਨ ਕਿਹੜੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ ਤਾਂ ਜੋ ਤੁਸੀਂ ਅਤੇ ਤੁਹਾਡਾ ਬੱਚਾ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹੇ।
ਐਕਸ-ਰੇ: ਪ੍ਰੈਗਨੈਂਸੀ ਦੌਰਾਨ ਐਕਸ-ਰੇ ਨਾ ਕਰਵਾਉ ਤਾਂ ਵਧੀਆ ਹੈ। ਡੈਂਟਲ ਐਕਸ-ਰੇ ਵੀ ਭਰੂਣ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ।
ਲੇਡ: ਪ੍ਰੈਗਨੈਂਸੀ ਦੌਰਾਨ ਲੇਡ ਤੋਂ ਦੂਰ ਰਹਿਣਾ ਵਧੀਆ ਹੈ ਕਿਉਂਕਿ ਇਹ ਦਿਮਾਗ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ ਅਤੇ ਨਸਾਂ ਦੇ ਵਿਕਾਸ ਨੂੰ ਰੋਕ ਸਕਦਾ ਹੈ। ਇਹ ਵੀ ਕਿਹਾ ਜਾਂਦਾ ਹੈ ਕਿ ਲੇਡ ਬੱਚੇ ‘ਚ ਵਿਵਹਾਰ ਸੰਬੰਧੀ ਸਮੱਸਿਆਵਾਂ ਪੈਦਾ ਕਰ ਸਕਦੀ ਹੈ। ਬੌਧਿਕ ਵਿਕਾਸ ਘੱਟ ਹੁੰਦਾ ਹੈ ਅਤੇ ਬਿਮਾਰੀਆਂ ਜਾਰੀ ਰਹਿੰਦੀਆਂ ਹਨ। ਇਸ ਕਾਰਨ ਗਰਭਪਾਤ ਹੋਣ ਦੀ ਵੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ ਲੇਡ ਸਮੇਂ ਤੋਂ ਪਹਿਲਾਂ ਡਿਲੀਵਰੀ ਜਾਂ ਭਾਰ ਘਟਾਉਣ ਦਾ ਕਾਰਨ ਬਣ ਸਕਦੀ ਹੈ। ਵਧੀਆ ਹੋਵੇਗਾ ਜੇਕਰ ਤੁਸੀਂ ਪੈਟਰੋਲ ਦੇ ਧੂੰਏਂ, ਲੇਡ ਵਾਲੇ ਪੇਂਟ ਅਤੇ ਬਿਜ਼ੀ ਹਾਈਵੇਅ ਤੋਂ ਦੂਰ ਰਹੋ।
ਤਣਾਅ: ਜੇਕਰ ਤਣਾਅ ਲੈਵਲ ਬਹੁਤ ਜ਼ਿਆਦਾ ਹੋਵੇ ਤਾਂ ਕੰਸੀਵ ਕਰਨ ‘ਚ ਬਹੁਤ ਦਿੱਕਤ ਆਉਂਦੀ ਹੈ। ਇਸ ਨਾਲ ਹਾਰਮੋਨਲ ਅਸੰਤੁਲਨ ਹੋ ਜਾਂਦਾ ਹੈ ਅਤੇ ਗਰਭਪਾਤ ਹੋਣ ਦੀ ਸੰਭਾਵਨਾ ਬਣੀ ਰਹਿੰਦੀ ਹੈ।
ਐਰੋਮਾਥੈਰੇਪੀ: ਅਰੋਮਾ ਥੈਰੇਪੀ ਲਈ essential ਤੇਲ ਵਰਤੇ ਜਾਂਦੇ ਹਨ। essential ਤੇਲ ਕਾਰਨ ਪੀਰੀਅਡ ਬਲੀਡਿੰਗ ਹੋ ਸਕਦੀ ਹੈ। ਇਸ ਲਈ ਪ੍ਰੈਗਨੈਂਸੀ ਦੌਰਾਨ ਐਰੋਮਾਥੈਰੇਪੀ ਲੈਣ ਤੋਂ ਬਚੋ। ਖੋਜ ਦੇ ਅਨੁਸਾਰ, ਨੇਰ ਤੇਲ (ਸੰਤਰੀ ਫੁੱਲ) ਅਤੇ ਮੈਂਡਰਿਨ, ਇਹ ਦੋ ਅਜਿਹੇ ਤੇਲ ਹਨ ਜੋ ਸਭ ਤੋਂ ਆਰਾਮਦਾਇਕ ਅਤੇ ਸੁਰੱਖਿਅਤ ਹਨ। ਇਹਨਾਂ ਦੀ ਵਰਤੋਂ ਪ੍ਰੈਗਨੈਂਸੀ ‘ਚ ਕੀਤੀ ਜਾ ਸਕਦੀ ਹੈ। ਪ੍ਰੈਗਨੈਂਸੀ ਦੇ ਸ਼ੁਰੂਆਤੀ ਦਿਨਾਂ ‘ਚ ਲੈਵੇਂਡਰ ਤੇਲ ਦੀ ਵਰਤੋਂ ਨਾ ਕਰੋ। ਇਸ ਦੀ ਵਰਤੋਂ ਤਿੰਨ ਮਹੀਨਿਆਂ ਬਾਅਦ ਕੀਤੀ ਜਾ ਸਕਦੀ ਹੈ।
Antiperspirants ਅਤੇ deodorants: ਕਈ ਔਰਤਾਂ ਪ੍ਰੈਗਨੈਂਸੀ ਦੌਰਾਨ ਪਰਫਿਊਮ ਅਤੇ ਡੀਓਡੋਰੈਂਟਸ ਦੀ ਵਰਤੋਂ ਕਰਦੀਆਂ ਹਨ। ਅਜਿਹਾ ਕਰਨਾ ਠੀਕ ਨਹੀਂ ਹੈ। ਸਿਰਫ਼ ਐਲੂਮੀਨੀਅਮ ਮੁਕਤ ਡੀਓਡੋਰੈਂਟ ਸੁਰੱਖਿਅਤ ਹਨ। ਉਹ ਪ੍ਰੈਗਨੈਂਸੀ ਦੌਰਾਨ ਬੱਚੇ ਨੂੰ ਨੁਕਸਾਨ ਨਹੀਂ ਪਹੁੰਚਾਉਂਦੇ।
ਵਿਟਾਮਿਨ ਏ: ਵਿਟਾਮਿਨ ਏ ਦਾ ਜ਼ਿਆਦਾ ਸੇਵਨ ਬੱਚੇ ‘ਚ ਬਰਥ ਡਿਫੈਕਟ ਦਾ ਕਾਰਨ ਬਣ ਸਕਦਾ ਹੈ। ਇਸ ਲਈ ਪ੍ਰੈਗਨੈਂਸੀ ਦੌਰਾਨ ਵਿਟਾਮਿਨ ਏ ਸਪਲੀਮੈਂਟ ਨਾ ਲਓ। ਜੇਕਰ ਤੁਸੀਂ ਮਲਟੀਵਿਟਾਮਿਨ ਲੈ ਰਹੇ ਹੋ ਤਾਂ ਜਾਂਚ ਕਰੋ ਕਿ ਇਸ ‘ਚ ਵਿਟਾਮਿਨ ਏ ਨਾ ਹੋਵੇ।
