ਪੰਜਾਬ ‘ਚ ਪਤੰਗ ਉਡਾਉਣ ਦਾ ਸ਼ੌਕ ਜਾਨਲੇਵਾ ਸਾਬਤ ਹੋ ਰਿਹਾ ਹੈ। ਪੰਜਾਬ ‘ਚ ਚਾਈਨਾ ਡੋਰ ‘ਤੇ ਪਾਬੰਦੀਆਂ ਦੇ ਬਾਅਦ ਵੀ ਇਸ ਦੀ ਅੰਨ੍ਹੇਵਾਹ ਵਰਤੋਂ ਕੀਤੀ ਜਾ ਰਹੀ ਹੈ। ਪੰਜਾਬ ਵਿੱਚ ਆਨਲਾਈਨ ਆਰਡਰਾਂ ‘ਤੇ ਚਾਈਨਾ ਡੋਰ ਦੀ ਡਿਲੀਵਰੀ ਕੀਤੀ ਜਾ ਰਹੀ ਹੈ। ਇਹ ਖਤਰਨਾਕ ਡੋਰ ਪ੍ਰਾਈਵੇਟ ਬੱਸਾਂ ਰਾਹੀਂ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਪਹੁੰਚਾਈ ਜਾ ਰਹੀ ਹੈ।
ਜਾਣਕਾਰੀ ਅਨੁਸਾਰ ਪੰਜਾਬ ‘ਚ ਆਉਣ ਵਾਲੀ ਚਾਈਨਾ ਡੋਰ ਰਾਜਸਥਾਨ ਤੋਂ ਭੇਜੀ ਜਾ ਰਹੀ ਹੈ। ਇਹ ਗੱਲ ਉਦੋਂ ਸਾਹਮਣੇ ਆਈ ਜਦੋਂ ਬਠਿੰਡਾ ਦੇ ਵਸਨੀਕ ਸਤਿੰਦਰ ਕੁਮਾਰ ਨਾਂ ਦੇ ਵਿਅਕਤੀ ਨੇ ਫ਼ਰਜ਼ੀ ਦੁਕਾਨਦਾਰ ਬਣ ਕੇ ਚਾਈਨਾ ਡੋਰ ਦਾ ਆਨਲਾਈਨ ਆਰਡਰ ਦਿੱਤਾ। ਉਸਨੇ “ਕੋਕੋ” ਨਾਮਕ ਸਾਈਟ ਤੋਂ ਚਾਈਨਾ ਡੋਰ ਦੇ ਗੰਢਾਂ ਦਾ ਇੱਕ ਡੱਬਾ ਮੰਗਵਾਇਆ। ਉਨ੍ਹਾਂ ਨੂੰ ਡਿਲੀਵਰੀ ਦਾ ਦਿਨ ਅਤੇ ਰਾਤ ਦੋਵਾਂ ਦਾ ਸਮਾਂ ਦੱਸਿਆ ਗਿਆ ਸੀ, ਨਾਲ ਹੀ ਦੱਸਿਆ ਕਿ ਇਹ ਬੱਸ ਰਾਹੀਂ ਡਿਲੀਵਰੀ ਕੀਤੀ ਜਾਵੇਗੀ। ਸਤਿੰਦਰ ਕੁਮਾਰ ਨੂੰ ਬੱਸ ਡਰਾਈਵਰ ਨੂੰ ਪੇਮੈਂਟ ਦੇਣ ਲਈ ਵੀ ਕਿਹਾ ਗਿਆ ਸੀ।
ਇਹ ਵੀ ਪੜ੍ਹੋ : ਅੰਮ੍ਰਿਤਸਰ ‘ਚ ਅੰਗੀਠੀ ਬਣੀ ਕਾਲ, ਦਮ ਘੁਟਣ ਕਾਰਨ 2 ਲੋਕਾਂ ਦੀ ਮੌ.ਤ
ਸਤਿੰਦਰ ਕੁਮਾਰ ਨੇ ਜ਼ਿਲੇ ‘ਚ ਕਈ ਭਿਆਨਕ ਹਾਦਸੇ ਵਾਪਰਨ ਤੋਂ ਬਾਅਦ ਇਸ ਮਾਮਲੇ ਦੀ ਸੂਚਨਾ SSP ਬਠਿੰਡਾ ਨੂੰ ਦਿੱਤੀ। ਫਿਰ SSP ਦੇ ਹੁਕਮਾਂ ’ਤੇ ਥਾਣਾ ਕੋਤਵਾਲੀ ਅਤੇ ਸਿਵਲ ਲਾਈਨ ਥਾਣੇ ਦੀ ਪੁਲਿਸ ਨੇ ਬੱਸ ਦੇ ਆਉਣ-ਜਾਣ ਦਾ ਰਸਤਾ ਰੋਕ ਦਿੱਤਾ। ਜਿਵੇਂ ਹੀ ਦੇਵਰਾਜ ਬੱਸ ਸਰਵਿਸ ਨੰਬਰ NL07B-0755 ਉੱਥੇ ਪਹੁੰਚੀ। ਪੁਲਿਸ ਵਾਲਿਆਂ ਨੇ ਉਸ ਨੂੰ ਰੋਕਿਆ ਅਤੇ ਬੱਸ ਦੇ ਪਿਛਲੇ ਪਾਸੇ ਪਏ ਸਮਾਨ ਦੇ ਕੋਨੇ ਤੋਂ ਡੱਬਾ ਕੱਢ ਲਿਆ। ਇਸ ਬਾਕਸ ਵਿੱਚੋਂ ਦਰਜਨਾਂ ਗੰਢਾਂ ਮਾਰੂ ਚਾਈਨਾ ਡੋਰ ਬਰਾਮਦ ਹੋਈਆਂ। ਪੁਲਿਸ ਨੇ ਸਾਰਿਆਂ ਨੂੰ ਹਿਰਾਸਤ ‘ਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
ਫ਼ਰਜ਼ੀ ਗਾਹਕ/ਦੁਕਾਨਦਾਰ ਬਣੇ ਸਤਿੰਦਰ ਕੁਮਾਰ ਨੇ ਮੌਕੇ ‘ਤੇ ਹੀ ਆਪਣੇ ਮੋਬਾਈਲ ਨਾਲ ਵੀਡੀਓ ਬਣਾ ਲਈ। ਬਾਕਸ ‘ਚੋਂ ਬਰਾਮਦ ਚਾਈਨਾ ਡੋਰ ਦੇ ਬੰਡਲ ਇਸ ‘ਚ ਦਿਖਾਈ ਦੇ ਰਹੇ ਹਨ। ਸਤਿੰਦਰ ਨੇ SSP ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਕੀਤੀ ਗਈ ਕਾਰਵਾਈ ਲਈ ਧੰਨਵਾਦ ਪ੍ਰਗਟਾਇਆ। ਇਸ ਦੇ ਨਾਲ ਹੀ ਲੋਕਾਂ ਨੂੰ ਚਾਈਨਾ ਡੋਰ ਦੀ ਵਰਤੋਂ ਨਾ ਕਰਨ ਦੀ ਅਪੀਲ ਕੀਤੀ।
