ਮਸ਼ਹੂਰ ਮੈਸੇਜਿੰਗ ਪਲੇਟਫਾਰਮ ਵ੍ਹਾਟਸਐਪ ‘ਚ ਯੂਜ਼ਰਸ ਨੂੰ ਲਗਾਤਾਰ ਨਵੇਂ ਫੀਚਰਸ ਦਾ ਫਾਇਦਾ ਦਿੱਤਾ ਜਾ ਰਿਹਾ ਹੈ ਅਤੇ ਲੇਟੈਸਟ ਅਪਡੇਟ ਤੋਂ ਬਾਅਦ ਯੂਜ਼ਰਸ ਨੂੰ ਵੀਡੀਓ ਕਾਲ ਦੇ ਦੌਰਾਨ ਸਕ੍ਰੀਨ ਦੇ ਨਾਲ ਆਡੀਓ ਸ਼ੇਅਰ ਕਰਨ ਦਾ ਆਪਸ਼ਨ ਵੀ ਮਿਲਣਾ ਸ਼ੁਰੂ ਹੋ ਗਿਆ ਹੈ। ਇਸ ਫੀਚਰ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਵ੍ਹਾਟਸਐਪ ਵੀਡੀਓ ਕਾਲ ਦੇ ਦੌਰਾਨ, ਬਹੁਤ ਸਾਰੇ ਯੂਜ਼ਰ ਇੱਕੋ ਸਮੇਂ ਵੀਡੀਓ ਜਾਂ ਫਿਲਮਾਂ ਦੇਖ ਸਕਦੇ ਹਨ। ਆਓ ਜਾਣਦੇ ਹਾਂ ਇਹ ਟ੍ਰਿਕ ਕਿਵੇਂ ਕੰਮ ਕਰਦਾ ਹੈ।
ਮੇਟਾ ਨੇ ਪਿਛਲੇ ਸਾਲ ਅਗਸਤ ‘ਚ ਯੂਜ਼ਰਸ ਨੂੰ ਸਕ੍ਰੀਨ ਸ਼ੇਅਰਿੰਗ ਫੀਚਰ ਦਿੱਤਾ ਸੀ। ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰ ਵੀਡੀਓ ਕਾਲ ਦੇ ਦੌਰਾਨ ਆਪਣੇ ਸਮਾਰਟਫੋਨ ਦੀ ਸਕਰੀਨ ਸ਼ੇਅਰ ਕਰ ਸਕਦੇ ਹਨ। ਇਹ ਫੀਚਰ ਗੂਗਲ ਮੀਟ, ਮਾਈਕ੍ਰੋਸਾਫਟ ਅਤੇ ਜ਼ੂਮ ਵਰਗੇ ਪਲੇਟਫਾਰਮਾਂ ਦੁਆਰਾ ਪੇਸ਼ ਕੀਤੇ ਗਏ ਸਕ੍ਰੀਨ ਸ਼ੇਅਰਿੰਗ ਫੀਚਰ ਦੀ ਤਰ੍ਹਾਂ ਕੰਮ ਕਰਦਾ ਹੈ, ਪਰ ਹੁਣ ਤੱਕ ਇਸ ਨਾਲ ਸਿਰਫ ਵੀਡੀਓ ਸ਼ੇਅਰ ਕੀਤੇ ਜਾ ਸਕਦੇ ਸਨ ਅਤੇ ਆਡੀਓ ਨੂੰ ਸੁਣਿਆ ਨਹੀਂ ਜਾ ਸਕਦਾ ਸੀ।
ਨਵੀਨਤਮ ਅਪਡੇਟ ਵਿੱਚ ਵੱਡਾ ਸੁਧਾਰ
ਮੈਸੇਜਿੰਗ ਪਲੇਟਫਾਰਮ ਵੱਲੋਂ iOS ਯੂਜ਼ਰਸ ਨੂੰ ਇਕ ਨਵਾਂ ਅਪਡੇਟ ਦਿੱਤਾ ਗਿਆ ਹੈ, ਜਿਸ ਤੋਂ ਬਾਅਦ ਯੂਜ਼ਰਸ ਸਕ੍ਰੀਨ ਸ਼ੇਅਰਿੰਗ ਦੌਰਾਨ ਆਡੀਓ ਵੀ ਸ਼ੇਅਰ ਕਰ ਸਕਣਗੇ। ਜੇਕਰ ਸਰਲ ਭਾਸ਼ਾ ‘ਚ ਸਮਝੀਏ ਤਾਂ ਹੁਣ ਤੱਕ ਜਦੋਂ ਵੀਡੀਓ ਕਾਲ ਦੌਰਾਨ ਫੋਨ ਦੀ ਸੀਨ ਸ਼ੇਅਰ ਕਰਨ ‘ਤੇ ਸਿਰਫ ਵੀਡੀਓ ਤੇ ਸਕ੍ਰੀਨ ‘ਤੇ ਨਜ਼ਰ ਆ ਰਿਹਾ ਕੰਟੈਂਟ ਹੀ ਸਾਹਮਣੇ ਵਾਲੇ ਨੂੰ ਦਿਸਦਾ ਸੀ। ਦੂਜੇ ਪਾਸੇ ਹੁਣ ਉਨ੍ਹਾਂ ਨੂੰ ਫੋਨ ‘ਤੇ ਪਲੇ ਹੋਣ ਵਾਲਾ ਆਡੀਓ ਵੀ ਸੁਣਾਈ ਦੇਵੇਗਾ।
ਇਹ ਵੀ ਪੜ੍ਹੋ : ਗਰਮੀਆਂ ‘ਚ ਪੇਟ ਨੂੰ ਠੰਡਕ ਪਹੁੰਚਾਉਂਦੀ ਹੈ ਇਸ ਆਟੇ ਦੀ ਰੋਟੀ, ਕਣਕ ਤੋਂ ਕਿਤੇ ਵੱਧ ਫਾਇਦੇਮੰਦ
ਦੋਸਤ ਨਾਲ ਇਸ ਤਰ੍ਹਾਂ ਦੀ ਵੀਡੀਓ ਦੇਖੋ
-ਵ੍ਹਾਟਸਐਪ ਦੀ ਮਦਦ ਨਾਲ ਕਿਸੇ ਦੋਸਤ ਦੇ ਨਾਲ ਵੀਡੀਓ, ਰੀਲ ਜਾਂ ਫਿਲਮਾਂ ਦੇਖਣ ਲਈ, ਤੁਹਾਨੂੰ ਹੇਠਾਂ ਦਿੱਤੇ ਸਟੈੱਪਸ ਦੀ ਪਾਲਣਾ ਕਰਨੀ ਪਵੇਗੀ।
– ਸਭ ਤੋਂ ਪਹਿਲਾਂ ਵ੍ਹਾਟਸਐਪ ਨੂੰ ਲੇਟੈਸਟ ਵਰਜ਼ਨ ‘ਤੇ ਅਪਡੇਟ ਕਰੋ।
– ਹੁਣ ਤੁਹਾਨੂੰ ਉਸ ਦੋਸਤ ਨੂੰ ਵੀਡੀਓ ਕਾਲ ਕਰਨੀ ਪਵੇਗੀ ਜਿਸ ਨਾਲ ਤੁਸੀਂ ਵੀਡੀਓ ਜਾਂ ਫਿਲਮਾਂ ਦੇਖਣਾ ਚਾਹੁੰਦੇ ਹੋ।
– ਤੁਹਾਨੂੰ ਸਭ ਤੋਂ ਹੇਠਾਂ ਦਿਖਾਈ ਦੇਣ ਵਾਲੇ ਆਪਸ਼ਨਸ ਵਿੱਚ ਇੱਕ ਸਕ੍ਰੀਨ ਕਾਸਟਿੰਗ ਆਈਕਨ ਦਿਖਾਈ ਦੇਵੇਗਾ, ਇਸ ‘ਤੇ ਟੈਪ ਕਰੋ ਅਤੇ ਲੋੜੀਂਦੀਆਂ ਪਰਮਿਸ਼ਨਸ ਦਿਓ।
– ਅਜਿਹਾ ਕਰਨ ਤੋਂ ਬਾਅਦ ਤੁਹਾਡਾ ਦੋਸਤ ਵੀ ਤੁਹਾਡੇ ਫੋਨ ਦੀ ਸਕ੍ਰੀਨ ਦੇਖਣ ਲੱਗ ਜਾਵੇਗਾ।
– ਹੁਣ ਤੁਸੀਂ ਆਸਾਨੀ ਨਾਲ ਉਸ ਵੀਡੀਓ ਨੂੰ ਚਲਾ ਸਕਦੇ ਹੋ ਜਿਸ ਦਾ ਤੁਸੀਂ ਆਨੰਦ ਲੈਣਾ ਚਾਹੁੰਦੇ ਹੋ।
– ਆਡੀਓ ਸ਼ੇਅਰਿੰਗ ਇਨੇਬਲ ਹੋਣ ਦਾ ਮਤਲਬ ਹੈ ਕਿ ਤੁਹਾਡਾ ਦੋਸਤ ਵੀਡੀਓ ਦੇ ਨਾਲ ਆਡੀਓ ਵੀ ਸੁਣੇਗਾ।
– ਤੁਸੀਂ ਇਸ ਫੀਚਰ ਨੂੰ ਵਾਚ ਪਾਰਟੀ ਲਈ ਆਸਾਨੀ ਨਾਲ ਵਰਤ ਸਕਦੇ ਹੋ ਅਤੇ ਜੇਕਰ ਤੁਸੀਂ ਚਾਹੁੰਦੇ ਹੋ, ਤਾਂ ਤੁਸੀਂ ਗਰੁੱਪ ਵੀਡੀਓ ਕਾਲ ਰਾਹੀਂ ਦੋਸਤਾਂ ਨਾਲ ਵੀਡੀਓ ਦਾ ਆਨੰਦ ਲੈ ਸਕਦੇ ਹੋ।
ਜੇਕਰ ਤੁਹਾਨੂੰ ਇਹ ਫੀਚਰ ਨਹੀਂ ਮਿਲ ਰਿਹਾ ਹੈ ਤਾਂ ਐਪ ਨੂੰ ਲੇਟੈਸਟ ਵਰਜ਼ਨ ‘ਤੇ ਅਪਡੇਟ ਕਰੋ। ਤੁਸੀਂ ਗੂਗਲ ਪਲੇ ਸਟੋਰ ਜਾਂ ਐਪਲ ਐਪ ਸਟੋਰ ‘ਤੇ ਜਾ ਕੇ ਅਜਿਹਾ ਕਰ ਸਕਦੇ ਹੋ।
ਵੀਡੀਓ ਲਈ ਕਲਿੱਕ ਕਰੋ -:
